Веткаўскі музей стараабрадніцтва і беларускіх традыцый ім. Ф.Р. Шклярава. Ветка, Беларусь

  • Гісторыя горада

    Ветка заснавана рускімі перасяленцамі ў 1683 г. Доўгі час была духоўным і культурным цэнтрам усяго стараабрадніцтва, застаючыся сімвалам волі і натхнення для шмат якіх «адзінаверцаў» на тэрыторыі Расіі

  • Райскі сад

    Матыў райскага саду стаў галоўным вобразным момантам, які аб»яднаў старажытную сімволіку іконы з натуралізмам арнаменту барока. Майстэрства рэзання пазалочаных кіётаў-«садоў» на Ветцы перадавалася ад бацькі да сына

  • Уздоўж ракі

    Многія веткаўчане звязалі сваё жыццё з рачным флотам: хтосьці быў капітанам парахода, хтосьці членам каманды, хтосьці будаваў рачныя судна, хтосьці сплаўляў плыты

  • Майстэрня златакаваля

    Раслінны ўзор на адзенні святых то рупліва «тчэцца» чаканамі, гравіруецца і «чарніцца», узнаўляючы старажытную парчу, то абгортваецца жывымі веткамі з кветкамі

  • Чайная

    Ад малюсенькага паходнага самавара да вялізнага раскошнага ў выглядзе вазы. Ніводная стараабрадніцкая сям'я не абыходзілася без самавара

  • Майстэрня іканапісца

    Дошка пакрывалася грунтам-«ляўкасам». Выкарыстоўвалі асятровы клей, мел, алебастр. Пігметы расціраліся і размешваліся з жаўтком яйка, часночным «зеллем» (сокам) — у лыжках або ракавінах

  • Веткаўскі іканапіс

    Веткаўская ікона паслядоўна ўвабрала рысы рэнесансу, барока, ракако, класіцызму, мадэрну, а таксама дасягненні іншых відаў беларускага выяўленчага мастацтва

  • Абрады

    Свята летняга сонцавароту, вядомае ўсёй Еўропе, у нас называецца Купалле. Гэта начны абрад, ён захаваўся ў розных варыянтах. Спявалі песні, дзяўчаты пускалі па вадзе вянкі са свечкамі, моладзь танчыла, палілі вогнішча і скакалі праз агонь

  • Тканы космас

    Калекцыя ўзорнага ткацтва і вышыўкі музея ўнікальная. Гэты «генны фонд» нашай культуры абяцае даць у будучыні нацыянальны па значэнні «банк дадзеных» архаічных знакаў і тэхнік беларускага ткацтва

  • Партрэт

    Музей у Ветцы быў заснаваны дзякуючы ініцыятыве Фёдара Рыгоравіча Шклярава, карэннага веткаўчаніна. Так выглядала майстэрня калекцыянера ў 70-я гг. XX ст., а некаторыя прадметы з яе і зараз знаходзяцца ў фондах музея

  • Кузня

    У Ветцы, што славілася сваімі верфямі здаўна шанаваліся майстры-якарнікі, самымі вядомымі былі Кавалёвы, якія забяспечвалі якарамі не толькі рачны, але і марскі рыбацкі флот

  • Гандаль

    Шкляныя слоікі для гарбаты, скрынкі ад цукерак — упакоўка рэдка захоўваецца. Паводле расповедаў старажыл, у Ветцы была тысяча гандлёвых крам. Пад час жа кірмашоў з навакольных вёсак прыязджалі ў 2-3 гадзіны ночы, каб заняць месца бліжэй да цэнтра

  • Мы так даўно тут жывем...

    Найстаражытнейшыя знаходкі, што сведчаць аб знаходжанні першабытнага чалавека на Веткаўшчыне, адносяцца да эпохі палеаліту і датуюцца 100-40 тыс. г. да н. э.

  • Кніжная культура

    Унікальнасць кніжнай культуры Веткі ў тым, што яна захавала старажытныя традыцыі кніжнага мастацтва. Тут працягвалі ствараць рукапісы ў 20-я — 30-я гг. XX ст.

  • Майстар квітнеючых вокан

    Упрыгожваліся перш за ўсё вокны. Акрамя гэтага, разьба размяшчалася на вуглах і карнізах пабудоў, на масіўных уязных варотах, ператвараючы дом і падворак у суцэльны дэкаратыўны ансамбль

  • Галоўная
  • Архіў навін
  • Веткаўскі музей народнай творчасці на першым нацыянальным форуме “Музеі Беларусі”: дзень трэці

Апошні дзень форуму быў не менш напружаным, чым усе астатнія. Сёння працягваліся прэзентацыі дэманстрацыйных праграм, але да афіцыйнага закрыцця ўсе экспазіцыі музеяў былі  ўжо дэмантаваныя. А пасля закрыцця – пагрузка і ад’езд.

Толькі напрыканцы арганізатары форума пачалі выпраўляцца: пра дэманстрацыйныя праграмы, што прэзентуюцца на адмысловай пляцоўцы, сталі загадзя папярэджваць адказныя за гэта людзі. Хаця яшчэ літаральна ўчора Галіна Рыгораўна Нячаева мусіла сама абыходзіць павільён, каб запрасіць сваіх калег на прэзентацыю друкаванай прадукцыі Веткаўскага музея.

Гудзевіцкі літаратурна-краязнаўчы музей і яго дэманстрацыйная праграма - майстар-клас па вырабу паясоў

Цырымонія ж закрыцця прайшла ў даволі нязмушанай, няпафаснай атмасферы. Узнагароджанне пераможцаў было разбаўлена выступамі супрацоўнікаў тутэйшай філармоніі.

Аднак не абышлося і без недарэчнасцяў. Так, усе музейшчыкі былі вельмі абураныя тым, што ў намінацыі “Лепшае музейнае выданне” першую ўзнагароду атрымаў не наш музей са сваёй кнігай “Живая вера. Ветка”. Бо гэта сапраўды выбітнае выданне, як паводле афармлення, так і паводле зместу. Яшчэ большы шок у нас і нашых калег выклікала тое, што выданне нават не ўключылі ў шэраг намінантаў, хаця заяўка падавалася. На жаль, мы не змаглі ўзяць каментар на гэты конт у дырэктара музея, бо Галіне Рыгораўне давялося тэрмінова з’ехаць у Мінск па іншых справах.

Вялікую колькасць узнагарод (у тым ліку і дзве грашовыя прэміі), а таксама гран-пры узяў Гомельскі палацава-паркавы ансамбль. З чым яго супрацоўнікаў і віншуем!

А Веткаўскі музей народнай творчасці імя Ф. Р. Шклярава з’ехаў з форуму з дыпломам лаўрэата конкурсу ў намінацыі “Лепшае прадстаўленне музея на форуме".

- Форум даў штуршок для развіцця музейнай справы ў краіне, - аптымістычна абвесціў старшыня Гродзенскага аблвыканкама Сямён Барысавіч Шапіра, пералічыўшы мэты, якія ставіліся перад форумам.

У цэлым жа мы атрымалі шмат уражанняў, як станоўчых, так і не вельмі. Хочацца верыць, што ў наступны раз усе недахопы будуць выпраўлены. Дарэчы, пагаворваюць, што за арганізацыю форуму “Музеі Беларусі” – 2014 прыме на сябе адказнасць горад Гомель.

"Веткаўскі музей стараабрадніцтва і беларускіх традыцый" г. Ветка, Беларусь - Copyright © 2012 - 2018.
Усе правы абаронены. Капіраванне матэрыялаў дазволена толькі са спасылкай на сайт-крыніцу.