Веткаўскі музей стараабрадніцтва і беларускіх традыцый ім. Ф.Р. Шклярава. Ветка, Беларусь

  • Кузня

    У Ветцы, што славілася сваімі верфямі здаўна шанаваліся майстры-якарнікі, самымі вядомымі былі Кавалёвы, якія забяспечвалі якарамі не толькі рачны, але і марскі рыбацкі флот

  • Майстэрня іканапісца

    Дошка пакрывалася грунтам-«ляўкасам». Выкарыстоўвалі асятровы клей, мел, алебастр. Пігметы расціраліся і размешваліся з жаўтком яйка, часночным «зеллем» (сокам) — у лыжках або ракавінах

  • Чайная

    Ад малюсенькага паходнага самавара да вялізнага раскошнага ў выглядзе вазы. Ніводная стараабрадніцкая сям'я не абыходзілася без самавара

  • Гісторыя горада

    Ветка заснавана рускімі перасяленцамі ў 1683 г. Доўгі час была духоўным і культурным цэнтрам усяго стараабрадніцтва, застаючыся сімвалам волі і натхнення для шмат якіх «адзінаверцаў» на тэрыторыі Расіі

  • Абрады

    Свята летняга сонцавароту, вядомае ўсёй Еўропе, у нас называецца Купалле. Гэта начны абрад, ён захаваўся ў розных варыянтах. Спявалі песні, дзяўчаты пускалі па вадзе вянкі са свечкамі, моладзь танчыла, палілі вогнішча і скакалі праз агонь

  • Майстар квітнеючых вокан

    Упрыгожваліся перш за ўсё вокны. Акрамя гэтага, разьба размяшчалася на вуглах і карнізах пабудоў, на масіўных уязных варотах, ператвараючы дом і падворак у суцэльны дэкаратыўны ансамбль

  • Майстэрня златакаваля

    Раслінны ўзор на адзенні святых то рупліва «тчэцца» чаканамі, гравіруецца і «чарніцца», узнаўляючы старажытную парчу, то абгортваецца жывымі веткамі з кветкамі

  • Райскі сад

    Матыў райскага саду стаў галоўным вобразным момантам, які аб»яднаў старажытную сімволіку іконы з натуралізмам арнаменту барока. Майстэрства рэзання пазалочаных кіётаў-«садоў» на Ветцы перадавалася ад бацькі да сына

  • Кніжная культура

    Унікальнасць кніжнай культуры Веткі ў тым, што яна захавала старажытныя традыцыі кніжнага мастацтва. Тут працягвалі ствараць рукапісы ў 20-я — 30-я гг. XX ст.

  • Тканы космас

    Калекцыя ўзорнага ткацтва і вышыўкі музея ўнікальная. Гэты «генны фонд» нашай культуры абяцае даць у будучыні нацыянальны па значэнні «банк дадзеных» архаічных знакаў і тэхнік беларускага ткацтва

  • Мы так даўно тут жывем...

    Найстаражытнейшыя знаходкі, што сведчаць аб знаходжанні першабытнага чалавека на Веткаўшчыне, адносяцца да эпохі палеаліту і датуюцца 100-40 тыс. г. да н. э.

  • Веткаўскі іканапіс

    Веткаўская ікона паслядоўна ўвабрала рысы рэнесансу, барока, ракако, класіцызму, мадэрну, а таксама дасягненні іншых відаў беларускага выяўленчага мастацтва

  • Уздоўж ракі

    Многія веткаўчане звязалі сваё жыццё з рачным флотам: хтосьці быў капітанам парахода, хтосьці членам каманды, хтосьці будаваў рачныя судна, хтосьці сплаўляў плыты

  • Гандаль

    Шкляныя слоікі для гарбаты, скрынкі ад цукерак — упакоўка рэдка захоўваецца. Паводле расповедаў старажыл, у Ветцы была тысяча гандлёвых крам. Пад час жа кірмашоў з навакольных вёсак прыязджалі ў 2-3 гадзіны ночы, каб заняць месца бліжэй да цэнтра

  • Партрэт

    Музей у Ветцы быў заснаваны дзякуючы ініцыятыве Фёдара Рыгоравіча Шклярава, карэннага веткаўчаніна. Так выглядала майстэрня калекцыянера ў 70-я гг. XX ст., а некаторыя прадметы з яе і зараз знаходзяцца ў фондах музея

22 верасня ў філіяле Веткаўскага музея ў Гомелі пройдзе фестываль ткацтва "Кросенцы".

Праграма фестывалю:

11:00 – Адкрыццё фестывалю.

Выступ фальклорнага гурта “Стаўбунскія вячоркі”.

12:00 – прадстаўленне майстроў па ткацтве, удзельнікаў фестывалю.

Выступ гурта “Ягорава гара”.

13:00 – Майстар-клас па вырабе  “Неглюбскіх гарлячак”.

Выступ фальклорнага гурта в. Старае Сяло "Рэчанька".

14:00 – Майстар-клас па вырабе традыцыйных лялек.

Выступ гурта “Вясёлыя музыкі”  (Ветка).

14:30 – Майстар-клас па апрананні традыцыйнага “Неглюбкага строя”.

15:00 – Майстар-клас па вырабе традыцыйных лялек.

Выступ гурта “Млын Сонца”.

16:00 – Майстар-клас па традыцыйных танцах.

17:00 – закрыццё ткацкага фестывалю “Кросенцы”.

Выступ этна-гурта “Вурай”.

Разам з канцэртнай праграмай будуць працаваць пляцоўкі, на якіх усе жадаючыя змогуць дакрануцца да таямнічага працэсу ткацтва і сваімі рукамі стварыць невялічкі цуд. Супрацоўнікі Веткаўскага музея будуць рады падзяліцца сакрэтамі выратавання і прачытання старажытных знакаў на ручніках. Майстрыха з в. Неглюбка Людміла Васільеўна Кавалёва будзе дзяліцца сваім бясцэнным вопытам па захаванні рамяства ў сучасных умовах. Бабакова Зося, жыхарка Гомеля, распавядзе пра сваё захапленне ткацтвам і пакажа свае ўменні на кроснах. Як скарыстаць старое непатрэбнае адзенне з толкам, вам раскажа і пакажа супрацоўніца філіяла Веткаўскага музея Галіна Іванаўна Парашчанка. Самых маленькіх чакаюць заняткі на міні-кросенцах ад Палаца творчасці дзяцей і моладзі “Юнацтва” пад кіраўніцтвам Мармуковай Надзеі Васільеўны . Для ўсіх, хто цікавіцца сапраўднымі неглюбскімі ручнікамі, вырабамі з дрэва, магніцікамі і іншымі “падаруначкамі”, будзе працаваць этна-кірмаш.

Чакаем усіх 22 верасня ў філіяле Веткаўскага музея стараабрадніцтва і беларускіх традыцый ім. Ф. Р. Шклярава (г. Гомель, пл. Леніна, 4, тэрыторыя Гомельскага палацава-паркавага ансамбля, за саборам Пятра і Паўла).

Тэл.: 8 (0232) 74-10-40, 74-88-87.

"Веткаўскі музей стараабрадніцтва і беларускіх традыцый" г. Ветка, Беларусь - Copyright © 2012 - 2018.
Усе правы абаронены. Капіраванне матэрыялаў дазволена толькі са спасылкай на сайт-крыніцу.