Веткаўскі музей стараабрадніцтва і беларускіх традыцый ім. Ф.Р. Шклярава. Ветка, Беларусь

  • Чайная

    Ад малюсенькага паходнага самавара да вялізнага раскошнага ў выглядзе вазы. Ніводная стараабрадніцкая сям'я не абыходзілася без самавара

  • Абрады

    Свята летняга сонцавароту, вядомае ўсёй Еўропе, у нас называецца Купалле. Гэта начны абрад, ён захаваўся ў розных варыянтах. Спявалі песні, дзяўчаты пускалі па вадзе вянкі са свечкамі, моладзь танчыла, палілі вогнішча і скакалі праз агонь

  • Майстар квітнеючых вокан

    Упрыгожваліся перш за ўсё вокны. Акрамя гэтага, разьба размяшчалася на вуглах і карнізах пабудоў, на масіўных уязных варотах, ператвараючы дом і падворак у суцэльны дэкаратыўны ансамбль

  • Майстэрня іканапісца

    Дошка пакрывалася грунтам-«ляўкасам». Выкарыстоўвалі асятровы клей, мел, алебастр. Пігметы расціраліся і размешваліся з жаўтком яйка, часночным «зеллем» (сокам) — у лыжках або ракавінах

  • Партрэт

    Музей у Ветцы быў заснаваны дзякуючы ініцыятыве Фёдара Рыгоравіча Шклярава, карэннага веткаўчаніна. Так выглядала майстэрня калекцыянера ў 70-я гг. XX ст., а некаторыя прадметы з яе і зараз знаходзяцца ў фондах музея

  • Тканы космас

    Калекцыя ўзорнага ткацтва і вышыўкі музея ўнікальная. Гэты «генны фонд» нашай культуры абяцае даць у будучыні нацыянальны па значэнні «банк дадзеных» архаічных знакаў і тэхнік беларускага ткацтва

  • Гандаль

    Шкляныя слоікі для гарбаты, скрынкі ад цукерак — упакоўка рэдка захоўваецца. Паводле расповедаў старажыл, у Ветцы была тысяча гандлёвых крам. Пад час жа кірмашоў з навакольных вёсак прыязджалі ў 2-3 гадзіны ночы, каб заняць месца бліжэй да цэнтра

  • Веткаўскі іканапіс

    Веткаўская ікона паслядоўна ўвабрала рысы рэнесансу, барока, ракако, класіцызму, мадэрну, а таксама дасягненні іншых відаў беларускага выяўленчага мастацтва

  • Майстэрня златакаваля

    Раслінны ўзор на адзенні святых то рупліва «тчэцца» чаканамі, гравіруецца і «чарніцца», узнаўляючы старажытную парчу, то абгортваецца жывымі веткамі з кветкамі

  • Гісторыя горада

    Ветка заснавана рускімі перасяленцамі ў 1683 г. Доўгі час была духоўным і культурным цэнтрам усяго стараабрадніцтва, застаючыся сімвалам волі і натхнення для шмат якіх «адзінаверцаў» на тэрыторыі Расіі

  • Мы так даўно тут жывем...

    Найстаражытнейшыя знаходкі, што сведчаць аб знаходжанні першабытнага чалавека на Веткаўшчыне, адносяцца да эпохі палеаліту і датуюцца 100-40 тыс. г. да н. э.

  • Кніжная культура

    Унікальнасць кніжнай культуры Веткі ў тым, што яна захавала старажытныя традыцыі кніжнага мастацтва. Тут працягвалі ствараць рукапісы ў 20-я — 30-я гг. XX ст.

  • Кузня

    У Ветцы, што славілася сваімі верфямі здаўна шанаваліся майстры-якарнікі, самымі вядомымі былі Кавалёвы, якія забяспечвалі якарамі не толькі рачны, але і марскі рыбацкі флот

  • Райскі сад

    Матыў райскага саду стаў галоўным вобразным момантам, які аб»яднаў старажытную сімволіку іконы з натуралізмам арнаменту барока. Майстэрства рэзання пазалочаных кіётаў-«садоў» на Ветцы перадавалася ад бацькі да сына

  • Уздоўж ракі

    Многія веткаўчане звязалі сваё жыццё з рачным флотам: хтосьці быў капітанам парахода, хтосьці членам каманды, хтосьці будаваў рачныя судна, хтосьці сплаўляў плыты

27 кастрычніка 2013 года ў в. Неглюбка Веткаўскага раёна пройдзе фестываль ткацтва "Кросенцы" (частка 2). У мінулым годзе падобная падзея праходзіла пад назвай "Свята беларускага ручніка". Сёлета ж яна прызнана працягам фестывалю "Кросенцы", не так даўно праведзенага філіялам Веткаўскага музея ў Гомелі, а яго супрацоўнікі далучаны да арганізацыі неглюбскага свята.

Фестываль будзе праходзіць з 12:00 да 16:00.

У праграме фестывалю:
Выступ гурта “Млын Сонца” (г. Гомель).
Майстар-клас па апрананні “Неглюбскага строя” ад Галіны Рыгораўны Нячаевай.
Выступ гурта “Стаўбунскія вячоркі” (в. Стаўбун).
Выступ гурта “Ягорава Гара” (г. Гомель).
Выступ гурта “Вясёлыя музыкі” (г. Ветка).
Майстар-клас па традыцыйных танцах ад “Стаўбунскіх вячорак”– гарманісты: Е. Бабкоў (в. Хальч), “Вясёлыя музыкі” (г. Ветка).
Выступ гурта “Спадчына” (в. Свяцілавічы).
Выступ гурта “Бан-Жвірба” з праграмай “Дагарынагамі” (г. Гомель).

Будуць працаваць пляцоўкі:
1. “Ткацтва: шляхам жыцця” – 100 метраў: партрэты неглюбскіх ткачых, артыкулы ў розных выданнях, фота з альбомаў і інш.
2. “Адраджэнне рамяства” – праца Людмілы Васільеўны Кавалёвай: новыя ручнікі + праца за кроснамі.
3. “Семантыка арнаменту” – знешняя экспазіцыя Веткаўскага музея.
4. Арт-праект “САД” – ручнікі ў скверыку ля помніка Леніну.
5. “Белая птушка – нявеста” – выстаўка традыцыйных кашуль ад Веткаўскага музея і жыхароў Неглюбкі (фае неглюбскага цэнтра ткацтва).
6. “Чароўная майстэрня” – майстар-класы ад згуртавання “Ніток” неглюбскага цэнтра ткацтва: майстар-клас па вырабе гарлячак, майстар-клас па вырабе неглюбскага кубка, майстар-клас па вырабе чапца (танцавальная зала неглюбкага цэнтра ткацтва).
7. “Салон-магазін” – продаж сувеніраў.
 8. Фотаатэлье “Неглюбская красуня”.
9. “Смачна есці!” – праца пунктаў харчавання.

"Веткаўскі музей стараабрадніцтва і беларускіх традыцый" г. Ветка, Беларусь - Copyright © 2012 - 2018.
Усе правы абаронены. Капіраванне матэрыялаў дазволена толькі са спасылкай на сайт-крыніцу.