Веткаўскі музей стараабрадніцтва і беларускіх традыцый ім. Ф.Р. Шклярава. Ветка, Беларусь

  • Абрады

    Свята летняга сонцавароту, вядомае ўсёй Еўропе, у нас называецца Купалле. Гэта начны абрад, ён захаваўся ў розных варыянтах. Спявалі песні, дзяўчаты пускалі па вадзе вянкі са свечкамі, моладзь танчыла, палілі вогнішча і скакалі праз агонь

  • Гандаль

    Шкляныя слоікі для гарбаты, скрынкі ад цукерак — упакоўка рэдка захоўваецца. Паводле расповедаў старажыл, у Ветцы была тысяча гандлёвых крам. Пад час жа кірмашоў з навакольных вёсак прыязджалі ў 2-3 гадзіны ночы, каб заняць месца бліжэй да цэнтра

  • Тканы космас

    Калекцыя ўзорнага ткацтва і вышыўкі музея ўнікальная. Гэты «генны фонд» нашай культуры абяцае даць у будучыні нацыянальны па значэнні «банк дадзеных» архаічных знакаў і тэхнік беларускага ткацтва

  • Чайная

    Ад малюсенькага паходнага самавара да вялізнага раскошнага ў выглядзе вазы. Ніводная стараабрадніцкая сям'я не абыходзілася без самавара

  • Веткаўскі іканапіс

    Веткаўская ікона паслядоўна ўвабрала рысы рэнесансу, барока, ракако, класіцызму, мадэрну, а таксама дасягненні іншых відаў беларускага выяўленчага мастацтва

  • Райскі сад

    Матыў райскага саду стаў галоўным вобразным момантам, які аб»яднаў старажытную сімволіку іконы з натуралізмам арнаменту барока. Майстэрства рэзання пазалочаных кіётаў-«садоў» на Ветцы перадавалася ад бацькі да сына

  • Мы так даўно тут жывем...

    Найстаражытнейшыя знаходкі, што сведчаць аб знаходжанні першабытнага чалавека на Веткаўшчыне, адносяцца да эпохі палеаліту і датуюцца 100-40 тыс. г. да н. э.

  • Кузня

    У Ветцы, што славілася сваімі верфямі здаўна шанаваліся майстры-якарнікі, самымі вядомымі былі Кавалёвы, якія забяспечвалі якарамі не толькі рачны, але і марскі рыбацкі флот

  • Кніжная культура

    Унікальнасць кніжнай культуры Веткі ў тым, што яна захавала старажытныя традыцыі кніжнага мастацтва. Тут працягвалі ствараць рукапісы ў 20-я — 30-я гг. XX ст.

  • Партрэт

    Музей у Ветцы быў заснаваны дзякуючы ініцыятыве Фёдара Рыгоравіча Шклярава, карэннага веткаўчаніна. Так выглядала майстэрня калекцыянера ў 70-я гг. XX ст., а некаторыя прадметы з яе і зараз знаходзяцца ў фондах музея

  • Гісторыя горада

    Ветка заснавана рускімі перасяленцамі ў 1683 г. Доўгі час была духоўным і культурным цэнтрам усяго стараабрадніцтва, застаючыся сімвалам волі і натхнення для шмат якіх «адзінаверцаў» на тэрыторыі Расіі

  • Уздоўж ракі

    Многія веткаўчане звязалі сваё жыццё з рачным флотам: хтосьці быў капітанам парахода, хтосьці членам каманды, хтосьці будаваў рачныя судна, хтосьці сплаўляў плыты

  • Майстэрня іканапісца

    Дошка пакрывалася грунтам-«ляўкасам». Выкарыстоўвалі асятровы клей, мел, алебастр. Пігметы расціраліся і размешваліся з жаўтком яйка, часночным «зеллем» (сокам) — у лыжках або ракавінах

  • Майстар квітнеючых вокан

    Упрыгожваліся перш за ўсё вокны. Акрамя гэтага, разьба размяшчалася на вуглах і карнізах пабудоў, на масіўных уязных варотах, ператвараючы дом і падворак у суцэльны дэкаратыўны ансамбль

  • Майстэрня златакаваля

    Раслінны ўзор на адзенні святых то рупліва «тчэцца» чаканамі, гравіруецца і «чарніцца», узнаўляючы старажытную парчу, то абгортваецца жывымі веткамі з кветкамі

Шмат людзей, кветак, падарункаў і віншаванняў… Гэтае адкрыццё выставы - незвычайнае. У гэты дзень - 28 лістапада, але 35 год таму - было прынята рашэнне аб стварэнні нашага музея. І гэтай выставай ўшанавана не толькі цудоўная дата, але ў першую чаргу - памяць заснавальніка і першага дырэктара Фёдара Рыгоравіча Шклярава.
 Вось маляўнічыя пейзажы Фёдара Рыгоравіча. А вось графіка - партрэты веткаўчан: знаёмых і сваякоў першага дырэктара. А вось стамескі, якімі ён рэзаў па дрэве, і як плён гэтай працы - кавалачак былых музейных парэнчаў (на адкрыцці яшчэ не раз узгадаюць, як Фёдар Шкляраў прымушаў рэзаць па дрэве іншых супрацоўнікаў, вынік чаго - не толькі парэнчы, але і цудоўная разная брама, што дагэтуль упрыгожвае ўваход музея ў Ветцы).

А гэта - аркушы паперы, дзе ён сваёй рукой пералічваў назвы прафесій, у якіх паспрабаваў сябе за жыццё: сталяр, цясляр, каменшчык, тынкоўшчык, маляр, чаканшчык, рэзчык па дрэве і іншыя.
Але нават у самай вялікай зале філіяла не змесціць усё тое, што ўбірала ў сябе асоба Фёдара Шклярава. Не хапіла б часу і распавесці аб усім гэтым на акдрыцці выставы. Тым больш што шмат хто хацеў узяць слова, каб узгадаць нешта пра першага дырэктара, павіншаваць музей з юбілеем, зрабіць камплімент і падзякаваць тым, хто на той час ішоў поруч і дагэтуль годна працягвае справу.
Заслужаны дзеяч мастацтваў Беларусі і сваяк Фёдара Шклярава Роберт Ландарскі узгадвае:
- Мы сядзелі за фуршэтам: Рыгор Нячаеў, Фёдар і я. І Фёдар кажа: "Ты ведаеш, ёсць вельмі цікавыя дзяўчынкі. Мая суседка Галя і яе сяброўка Света. Выдатна вучацца. Думаю ўзяць іх да сябе на працу.
Вось так усё і пачыналася. Шмат было падводных камянёў, шмат было выпітай тагачаснымі уладамі крыві, але музей быў заснаваны нягледзячы ні на што. І сёння можна сказаць, што галоўная заслуга тут належыць гэтай тройцы: Фёдару Шкляраву, Галіне Нячаевай і Святлане Лявонцьевай.
Святлана Іванаўна ў сваіх аповедах параўноўвае музей з цёплым утульным домам. Некалькі разоў было адзначана, што наш музей і Гомельскі палацава-паркавы ансамбль - гэта дзве жамчужыны вобласці, якія абавякова мусіць пабачыць той, хто сюды прыязджае. А яшчэ вельмі часта гучыць слова "апантанасць" - найлепшае вызначэнне для тых, хто стаяў ля вытокаў музея.
Не мог Веткаўскі музей не пахваліцца новымі набытымі экспанатамі: каштоўныя іконы і аклады былі прывезены на адкрыццё і прадэманстраваны супольна з самымі рэчамі, якія з'явіліся ў фондах і якім прысвечана тэма адной з вітрын выставы. Першы намеснік начальніка ўпраўлення культуры Вольга Антоненка нагадала, што апошнія набыткі Веткаўскаму музею дапамог прыдбаць аблвыканкам у якасці падарунка на ўгодкі, а напрыканцы сваёй прамовы дадала цудоўнае пажаданне:
- Жывіце, красуйцеся і свавольнічайце!
Гэтым, зрэшты, музей і займаецца ўжо 35 год.

Больш фота з адкрыцця выставы глядзіце ў нашай фотагалерэі.

"Веткаўскі музей стараабрадніцтва і беларускіх традыцый" г. Ветка, Беларусь - Copyright © 2012 - 2018.
Усе правы абаронены. Капіраванне матэрыялаў дазволена толькі са спасылкай на сайт-крыніцу.