Веткаўскі музей стараабрадніцтва і беларускіх традыцый ім. Ф.Р. Шклярава. Ветка, Беларусь

  • Майстэрня златакаваля

    Раслінны ўзор на адзенні святых то рупліва «тчэцца» чаканамі, гравіруецца і «чарніцца», узнаўляючы старажытную парчу, то абгортваецца жывымі веткамі з кветкамі

  • Кузня

    У Ветцы, што славілася сваімі верфямі здаўна шанаваліся майстры-якарнікі, самымі вядомымі былі Кавалёвы, якія забяспечвалі якарамі не толькі рачны, але і марскі рыбацкі флот

  • Райскі сад

    Матыў райскага саду стаў галоўным вобразным момантам, які аб»яднаў старажытную сімволіку іконы з натуралізмам арнаменту барока. Майстэрства рэзання пазалочаных кіётаў-«садоў» на Ветцы перадавалася ад бацькі да сына

  • Тканы космас

    Калекцыя ўзорнага ткацтва і вышыўкі музея ўнікальная. Гэты «генны фонд» нашай культуры абяцае даць у будучыні нацыянальны па значэнні «банк дадзеных» архаічных знакаў і тэхнік беларускага ткацтва

  • Майстар квітнеючых вокан

    Упрыгожваліся перш за ўсё вокны. Акрамя гэтага, разьба размяшчалася на вуглах і карнізах пабудоў, на масіўных уязных варотах, ператвараючы дом і падворак у суцэльны дэкаратыўны ансамбль

  • Партрэт

    Музей у Ветцы быў заснаваны дзякуючы ініцыятыве Фёдара Рыгоравіча Шклярава, карэннага веткаўчаніна. Так выглядала майстэрня калекцыянера ў 70-я гг. XX ст., а некаторыя прадметы з яе і зараз знаходзяцца ў фондах музея

  • Веткаўскі іканапіс

    Веткаўская ікона паслядоўна ўвабрала рысы рэнесансу, барока, ракако, класіцызму, мадэрну, а таксама дасягненні іншых відаў беларускага выяўленчага мастацтва

  • Гісторыя горада

    Ветка заснавана рускімі перасяленцамі ў 1683 г. Доўгі час была духоўным і культурным цэнтрам усяго стараабрадніцтва, застаючыся сімвалам волі і натхнення для шмат якіх «адзінаверцаў» на тэрыторыі Расіі

  • Мы так даўно тут жывем...

    Найстаражытнейшыя знаходкі, што сведчаць аб знаходжанні першабытнага чалавека на Веткаўшчыне, адносяцца да эпохі палеаліту і датуюцца 100-40 тыс. г. да н. э.

  • Гандаль

    Шкляныя слоікі для гарбаты, скрынкі ад цукерак — упакоўка рэдка захоўваецца. Паводле расповедаў старажыл, у Ветцы была тысяча гандлёвых крам. Пад час жа кірмашоў з навакольных вёсак прыязджалі ў 2-3 гадзіны ночы, каб заняць месца бліжэй да цэнтра

  • Абрады

    Свята летняга сонцавароту, вядомае ўсёй Еўропе, у нас называецца Купалле. Гэта начны абрад, ён захаваўся ў розных варыянтах. Спявалі песні, дзяўчаты пускалі па вадзе вянкі са свечкамі, моладзь танчыла, палілі вогнішча і скакалі праз агонь

  • Чайная

    Ад малюсенькага паходнага самавара да вялізнага раскошнага ў выглядзе вазы. Ніводная стараабрадніцкая сям'я не абыходзілася без самавара

  • Майстэрня іканапісца

    Дошка пакрывалася грунтам-«ляўкасам». Выкарыстоўвалі асятровы клей, мел, алебастр. Пігметы расціраліся і размешваліся з жаўтком яйка, часночным «зеллем» (сокам) — у лыжках або ракавінах

  • Кніжная культура

    Унікальнасць кніжнай культуры Веткі ў тым, што яна захавала старажытныя традыцыі кніжнага мастацтва. Тут працягвалі ствараць рукапісы ў 20-я — 30-я гг. XX ст.

  • Уздоўж ракі

    Многія веткаўчане звязалі сваё жыццё з рачным флотам: хтосьці быў капітанам парахода, хтосьці членам каманды, хтосьці будаваў рачныя судна, хтосьці сплаўляў плыты

Гомельскі філіял Веткаўскага музея прапануе правядзенне лекцый па традыцыйнай культуры ў школах Гомеля. Адна з такіх лекцый – “Зямля і неба ў строі чалавека” – прайшла нядаўна ў школе №59.

Шасцікласнікі вельмі жвава рэагавалі на расповед загадчыка філіяла Пятра Цалкі пра неглюбскі строй, адказваючы на пытанні і здымаючы сваіх пераапранутых у народнае адзенне аднакласніц на мабільныя прылады. Дзіва што: традыцыйная культура для сучасных дзяцей – ужо экзотыка, такога яны ніколі не бачылі і наўрад ці калі-небудзь пабачаць, хіба што за шклом музейных вітрын.

Ну а пасля пытанні задавалі ўжо вучні. Іншым разам нават самі знаходзілі на іх дасціпныя адказы:

- Яны кожны дзень раней насілі такія строі?

- Не, яны іх пралі.

Удзячнымі супрацоўнікам музея пасля падобных лекцый застаюцца не толькі вучні, але і, безумоўна, настаўнікі. Вашай увазе - водгук на іншы занятак - па ручніках - ад настаўніц 58-й гімназіі (публікуецца з захаваннем аўтарскага стылю, арфаграфіі і пунктуацыі):

"Мы, учителя начальных классов ГУО "Гимназия №58 г. Гомеля им. Ф.П. Гааза" благодарим работников филиала Ветковского музея за интересную и содержательную лекцию. Материал подобран в соответствии с возрастными особенностями детей, их жизненным опытом и знаниями. Приятно, что ученики принимали активное участие: могли близко рассмотреть экспонаты, узнать значение элементов узоров. Огромное Вам спасибо и успехов в Вашей научной деятельности.

Гимназия №58

17.01.2013 г."

Атрымаць даведку і замовіць лекцыйны занятак у гомельскім філіяле Веткаўскага музея можна па тэлефонах 8 (0232) 74-10-40, 8 (0232) 74-88-87.

Фотаздымкі з лекцыйнага занятку ў сярэдняй школе №59:

"Веткаўскі музей стараабрадніцтва і беларускіх традыцый" г. Ветка, Беларусь - Copyright © 2012 - 2018.
Усе правы абаронены. Капіраванне матэрыялаў дазволена толькі са спасылкай на сайт-крыніцу.