Веткаўскі музей стараабрадніцтва і беларускіх традыцый ім. Ф.Р. Шклярава. Ветка, Беларусь

  • Райскі сад

    Матыў райскага саду стаў галоўным вобразным момантам, які аб»яднаў старажытную сімволіку іконы з натуралізмам арнаменту барока. Майстэрства рэзання пазалочаных кіётаў-«садоў» на Ветцы перадавалася ад бацькі да сына

  • Кузня

    У Ветцы, што славілася сваімі верфямі здаўна шанаваліся майстры-якарнікі, самымі вядомымі былі Кавалёвы, якія забяспечвалі якарамі не толькі рачны, але і марскі рыбацкі флот

  • Майстар квітнеючых вокан

    Упрыгожваліся перш за ўсё вокны. Акрамя гэтага, разьба размяшчалася на вуглах і карнізах пабудоў, на масіўных уязных варотах, ператвараючы дом і падворак у суцэльны дэкаратыўны ансамбль

  • Гісторыя горада

    Ветка заснавана рускімі перасяленцамі ў 1683 г. Доўгі час была духоўным і культурным цэнтрам усяго стараабрадніцтва, застаючыся сімвалам волі і натхнення для шмат якіх «адзінаверцаў» на тэрыторыі Расіі

  • Майстэрня іканапісца

    Дошка пакрывалася грунтам-«ляўкасам». Выкарыстоўвалі асятровы клей, мел, алебастр. Пігметы расціраліся і размешваліся з жаўтком яйка, часночным «зеллем» (сокам) — у лыжках або ракавінах

  • Абрады

    Свята летняга сонцавароту, вядомае ўсёй Еўропе, у нас называецца Купалле. Гэта начны абрад, ён захаваўся ў розных варыянтах. Спявалі песні, дзяўчаты пускалі па вадзе вянкі са свечкамі, моладзь танчыла, палілі вогнішча і скакалі праз агонь

  • Партрэт

    Музей у Ветцы быў заснаваны дзякуючы ініцыятыве Фёдара Рыгоравіча Шклярава, карэннага веткаўчаніна. Так выглядала майстэрня калекцыянера ў 70-я гг. XX ст., а некаторыя прадметы з яе і зараз знаходзяцца ў фондах музея

  • Мы так даўно тут жывем...

    Найстаражытнейшыя знаходкі, што сведчаць аб знаходжанні першабытнага чалавека на Веткаўшчыне, адносяцца да эпохі палеаліту і датуюцца 100-40 тыс. г. да н. э.

  • Гандаль

    Шкляныя слоікі для гарбаты, скрынкі ад цукерак — упакоўка рэдка захоўваецца. Паводле расповедаў старажыл, у Ветцы была тысяча гандлёвых крам. Пад час жа кірмашоў з навакольных вёсак прыязджалі ў 2-3 гадзіны ночы, каб заняць месца бліжэй да цэнтра

  • Уздоўж ракі

    Многія веткаўчане звязалі сваё жыццё з рачным флотам: хтосьці быў капітанам парахода, хтосьці членам каманды, хтосьці будаваў рачныя судна, хтосьці сплаўляў плыты

  • Чайная

    Ад малюсенькага паходнага самавара да вялізнага раскошнага ў выглядзе вазы. Ніводная стараабрадніцкая сям'я не абыходзілася без самавара

  • Веткаўскі іканапіс

    Веткаўская ікона паслядоўна ўвабрала рысы рэнесансу, барока, ракако, класіцызму, мадэрну, а таксама дасягненні іншых відаў беларускага выяўленчага мастацтва

  • Майстэрня златакаваля

    Раслінны ўзор на адзенні святых то рупліва «тчэцца» чаканамі, гравіруецца і «чарніцца», узнаўляючы старажытную парчу, то абгортваецца жывымі веткамі з кветкамі

  • Тканы космас

    Калекцыя ўзорнага ткацтва і вышыўкі музея ўнікальная. Гэты «генны фонд» нашай культуры абяцае даць у будучыні нацыянальны па значэнні «банк дадзеных» архаічных знакаў і тэхнік беларускага ткацтва

  • Кніжная культура

    Унікальнасць кніжнай культуры Веткі ў тым, што яна захавала старажытныя традыцыі кніжнага мастацтва. Тут працягвалі ствараць рукапісы ў 20-я — 30-я гг. XX ст.

Вось і скончыўся  II Нацыянальны форум "Музеі Беларусі". Апошні дзень быў для Веткаўскага музея карысным, значным, багатым на падзеі. Сёння нашы супрацоўнікі прэзентавалі дэманстрацыйную праграму "Выйдзі, Манечка! Надзень панёўку, завяжы галоўку…", кнігі "Живая вера. Ветка" и "Книжная культура. Ветка", наведалі лекцыю і трэнінг “Музей і тэксты” ад нямецкага спецыяліста Хрысціны Янэке.

А яшчэ наш дырэктар Галіна Нячаева перамагла ў намінацыі “Лепшы кіраўнік музея”.

- Дзівосная, неверагодна самаадданая… Яна прыдумала, нарадзіла гэты музей, як уласнае дзіця. Яна ім жыве, яна ў ім жыве, яна дзеля яго жыве. І меркаванне членаў журы супала, што шмат аб чым гаворыць: калі калегі кажуць “так”, то гэта “так” з трыма клічнікамі, - кажа старшыня Цэнтральнага камітэта Беларускага прафсаюза работнікаў культуры Наталля Аўдзеева, уручаючы Галіне Рыгораўне ў падарунак электронную кнігу.

- Дзякуй вам за ваш давер. Я шмат слоў не ўмею казаць, але калі вы прыйдзеце да мяне ў музей, то абяцаю, - кажа наш дырэктар, відавочна хітруючы, бо перад гэтым вельмі красамоўна прамаўляла аб тым, што гэта за справа – быць дырэктарам музея.

Віншуем Галіну Рыгораўну з заслужанай перамогай!

Глядзіце фота з апошняга форумнага дня.

Генеральная рэпетыцыя прэзентацыі дэманстрацыйнай праграмы. Праграма "Выйдзі, Манечка! Надзень панёўку, завяжы галоўку…" – гэта былы сумесны з Гомельскім каледжам машынабудавання праект, прэзентаваны ў 2014 годзе на конкурсе “Беларускі вянок”.

Хрысціна Янэке распавяла пра тэксты ў экспазіцыях музея, іх прызначэнне, сучасныя патрабаванні да іх з улікам густаў і патрэб наведніка і інш.

Музей падараваў дырэктару расійскага Дзяржаўнага Эрмітажа Міхаілу Піатроўскаму два сваіх унікальных выданні, прэзентаваных на форуме - "Живая вера. Ветка" и "Книжная культура. Ветка".

На ўрачыстым закрыцці форуму і цырымоніі ўзнагароджання.

Пасля афіцыйнай часткі для ўдзельнікаў форуму граў гомельскі інструментальны ансамбль "Лірыца".

Такі торт быў падораны арганізатарамі дырэктару Эрмітажа. Упрыгожанне да яго - дзве салодкія выявы (палаца Румянцавых і Паскевічаў і Эрмітажа).

"Веткаўскі музей стараабрадніцтва і беларускіх традыцый" г. Ветка, Беларусь - Copyright © 2012 - 2018.
Усе правы абаронены. Капіраванне матэрыялаў дазволена толькі са спасылкай на сайт-крыніцу.