Веткаўскі музей стараабрадніцтва і беларускіх традыцый ім. Ф.Р. Шклярава. Ветка, Беларусь

  • Майстэрня златакаваля

    Раслінны ўзор на адзенні святых то рупліва «тчэцца» чаканамі, гравіруецца і «чарніцца», узнаўляючы старажытную парчу, то абгортваецца жывымі веткамі з кветкамі

  • Чайная

    Ад малюсенькага паходнага самавара да вялізнага раскошнага ў выглядзе вазы. Ніводная стараабрадніцкая сям'я не абыходзілася без самавара

  • Гісторыя горада

    Ветка заснавана рускімі перасяленцамі ў 1683 г. Доўгі час была духоўным і культурным цэнтрам усяго стараабрадніцтва, застаючыся сімвалам волі і натхнення для шмат якіх «адзінаверцаў» на тэрыторыі Расіі

  • Майстэрня іканапісца

    Дошка пакрывалася грунтам-«ляўкасам». Выкарыстоўвалі асятровы клей, мел, алебастр. Пігметы расціраліся і размешваліся з жаўтком яйка, часночным «зеллем» (сокам) — у лыжках або ракавінах

  • Райскі сад

    Матыў райскага саду стаў галоўным вобразным момантам, які аб»яднаў старажытную сімволіку іконы з натуралізмам арнаменту барока. Майстэрства рэзання пазалочаных кіётаў-«садоў» на Ветцы перадавалася ад бацькі да сына

  • Абрады

    Свята летняга сонцавароту, вядомае ўсёй Еўропе, у нас называецца Купалле. Гэта начны абрад, ён захаваўся ў розных варыянтах. Спявалі песні, дзяўчаты пускалі па вадзе вянкі са свечкамі, моладзь танчыла, палілі вогнішча і скакалі праз агонь

  • Тканы космас

    Калекцыя ўзорнага ткацтва і вышыўкі музея ўнікальная. Гэты «генны фонд» нашай культуры абяцае даць у будучыні нацыянальны па значэнні «банк дадзеных» архаічных знакаў і тэхнік беларускага ткацтва

  • Партрэт

    Музей у Ветцы быў заснаваны дзякуючы ініцыятыве Фёдара Рыгоравіча Шклярава, карэннага веткаўчаніна. Так выглядала майстэрня калекцыянера ў 70-я гг. XX ст., а некаторыя прадметы з яе і зараз знаходзяцца ў фондах музея

  • Мы так даўно тут жывем...

    Найстаражытнейшыя знаходкі, што сведчаць аб знаходжанні першабытнага чалавека на Веткаўшчыне, адносяцца да эпохі палеаліту і датуюцца 100-40 тыс. г. да н. э.

  • Веткаўскі іканапіс

    Веткаўская ікона паслядоўна ўвабрала рысы рэнесансу, барока, ракако, класіцызму, мадэрну, а таксама дасягненні іншых відаў беларускага выяўленчага мастацтва

  • Кузня

    У Ветцы, што славілася сваімі верфямі здаўна шанаваліся майстры-якарнікі, самымі вядомымі былі Кавалёвы, якія забяспечвалі якарамі не толькі рачны, але і марскі рыбацкі флот

  • Уздоўж ракі

    Многія веткаўчане звязалі сваё жыццё з рачным флотам: хтосьці быў капітанам парахода, хтосьці членам каманды, хтосьці будаваў рачныя судна, хтосьці сплаўляў плыты

  • Майстар квітнеючых вокан

    Упрыгожваліся перш за ўсё вокны. Акрамя гэтага, разьба размяшчалася на вуглах і карнізах пабудоў, на масіўных уязных варотах, ператвараючы дом і падворак у суцэльны дэкаратыўны ансамбль

  • Кніжная культура

    Унікальнасць кніжнай культуры Веткі ў тым, што яна захавала старажытныя традыцыі кніжнага мастацтва. Тут працягвалі ствараць рукапісы ў 20-я — 30-я гг. XX ст.

  • Гандаль

    Шкляныя слоікі для гарбаты, скрынкі ад цукерак — упакоўка рэдка захоўваецца. Паводле расповедаў старажыл, у Ветцы была тысяча гандлёвых крам. Пад час жа кірмашоў з навакольных вёсак прыязджалі ў 2-3 гадзіны ночы, каб заняць месца бліжэй да цэнтра

Шмат гадоў Веткаўскі музей займаецца вывучэннем традыцыйнага ткацтва. Дзякуючы шматлікім экспедыцыям сабрана ўнікальная калекцыя народнага тэкстылю (ручнікоў, посцілак, строяў і інш.), назапашаны вялікі архіў тэарэтычных “ ткацкіх” ведаў, пераняты ад прамых носьбітаў традыцыйнага ткацтва шматлікія тэхнікі і прыёмы старажытнага рамяства.

Фестываль ткацтва “Кросенцы” – гэта магчымасць пабываць у этна-вандроўцы, этнаграфічнай экспедыцыі, пабачыць майстроў з усёй Гомельскай вобласці, паўдзельнічаць у майстар-класах па традыцыйным ткацтве. Заключная святочная праграма фестывалю будзе праходзіць у Гомелі каля філіяла Веткаўскага музея. Гасцей свята чакаюць дзіцячыя пляцоўкі, этнаграфічныя выставы, кніжныя выставы, этна-кірмаш і, натуральна, святочная канцэртная праграма. Паказаць сваю спеўную ўнікальнасць прыедуць фальклорныя і народныя калектывы амаль з усёй вобласці.

Падрабязная праграма фестывалю:

Дата

Мерапрыемства

18.08.2015 – 21.08.2015

Экспедыцыя ў вёскі Рэчыцкага раёна “Тканымі шляхамі ўспамінаў”.

Тэматыка: жаночыя рамёствы (прадзенне, ткацтва, вышыўка і г.д.), традыцыйны строй, абрадавыя тканіны, аброчныя крыжы.

22.08.2015

Фестываль ткацтва “Кросенцы” ў вёсцы Неглюбка.

23.08.2015

Этна-вандроўка “Аброк на сем рок”. Традыцыя аброчных крыжоў (Веткаўскі і Чачэрскі раёны) – вядзецца запіс на вандроўку ўсіх ахвотных.

24.08.2015

Адкрыццё дзіцячай школы традыцыйнага ткацтва “тКАЧАНЯТЫ”.

Занятак №1: “Гісторыя ткацтва. Вертыкальны ткацкі стан. Гліняныя прасніцы IV-Iст. да н. э.”.

25.08.2015

Школа традыцыйнага ткацтва “тКАЧАНЯТЫ”.

Занятак №2: “Ткацтва на бердзечку. Лекавыя якасці зёлак. Ткацтва “зёлкавых” габеленаў”.

26.08.2015

Школа традыцыйнага ткацтва “тКАЧАНЯТЫ”.

Занятак №3: “Каларыстыка. Сімволіка колераў  у традыцыйнай культуры. Кручаныя паясы, ткацтва на бердзечку”.

27.08.2015

Школа традыцыйнага ткацтва “тКАЧАНЯТЫ”.

Занятак №4: “Кросны (гарызантальны ткацкі стан). Тэхнічная складовая частка кроснаў. Сімволіка ткацтва. Ткацтва “клетчатага” андарачнага палатна”.

28.08.2015

Школа традыцыйнага ткацтва “тКАЧАНЯТЫ”.

Занятак №5: “Традыцыйны арнамент: тэхналогія і сімволіка”. Ткацтва арнаментаў на рамцы”.

29.08.2015

Сустрэча з Зінаідай Іванаўнай Зіміной – сааўтарам выдання “Белорусский народный костюм. Крой, вышивка и декоративные швы”.

30.05.2-15

Святочная праграма рэгіянальнага фестывалю ткацтва “Кросенцы” (12:00 – 17:00):

- інтэрактыўныя выставы: “Чалавек – Строй – Абрад”, “Бацькава дачка ясна панначка…”, “Што ні сяльцо, то слаўцо…”;

- фотавыстава “Тайнапіс неглюбскіх майстрых. Размова праз тысячагоддзі…”;

- інтэрактыўная дзіцячая пляцоўка “Чаўначок”;

- майстар-класы ад майстроў па ткацтве Веткаўскага, Лельчыцкага, Жыткавіцкага, Калінкавіцкага, Светлагорскага і Акцябрскага раёнаў Гомельскай вобласці;

- дэфіле ў беларускіх традыцыйных строях з прыватных калекцыі і калекцый сучаснага адзення этнанакірунку;

- літаратурная пляцоўка “Повязь часоў”;

- handmade кірмаш “Чароўныя падарункі”;

- этна-кавярня;

- Святочная праграма з удзелам народных і фальклорных калектываў Веткаўскага, Чачэрскага, Добрушскага, Лельчыцкага, Жыткавіцкага, Светлагорскага і Ельскага раёнаў.

Падрабязнасці па тэлефонах: 8 (0232) 74-10-40, 74-88-87.

"Веткаўскі музей стараабрадніцтва і беларускіх традыцый" г. Ветка, Беларусь - Copyright © 2012 - 2018.
Усе правы абаронены. Капіраванне матэрыялаў дазволена толькі са спасылкай на сайт-крыніцу.