Філіял Веткаўскага музея прыме ўдзел у арганізацыі квэст-тура па музеях

вкл. .

З 25 снежня 2014 года па 7 студзеня 2015 года – у дні зімовых канікул – філіял Веткаўскага музея будзе ўключаны ў квэст-тур па музеях. Гэта праграма, якая аб’яднала 4 музея горада Гомеля. Наведнікі пройдуць па акспазіцыях з маршрутнымі лістамі – свайго кшталту картамі па музейных залах, дзякуючы якім удзельнікі спакваля пазнаёмяцца са славутасцямі Гомеля. Разгадаўшы ўсе таямніцы і загадкі маршрутаў, удзельнікі змогуць сабраць каляндар на 2015 год.

Акрамя філіяла Веткаўскага музея, удзельнікі змогуць наведаць Музей гісторыі горада Гомеля, Музей аўтографа Гомельскай цэнтральнай гарадской бібліятэкі імя А. Герцэна, Музей крыміналістыкі пры Гомельскім абласным музеі Ваеннай Славы.

Квэст-тур разлічаны на вучняў 2-4 і 5-7 класаў. Свае дзверы для ўдзельнікаў квэст-тура музеі расчыняць 25 снежня і штодзённа з 11.00 да 16.00 у перыяд зімовых канікул будуць прымаць усіх адважных вандроўнікаў. Праграма будзе цікавая як для сямейнага баўлення вольнага часу, так і для арганізаваных груп школьнікаў (да 10 навучэнцаў пры 2 суправаджаючых дарослых).

Для арганізаваных груп вучняў ужо распачаўся папярэдні запіс (па тэлефоне 21-27-37).

Кошт квэст-тура па 4 музеях для 1 школьника: 15 000.

Дата прэзентацыі: 24 снежня 2014 года, 14.00.

Месца прэзентацыі: Музей аўтографа Гомельскай цэнтральнай гарадской бібліятэкі імя А. Герцэна (вул. Савецкая, 26).

Месца правядзення і маршрут праходжання:

1.     Музей аўтографа Гомельскай цэнтральнай гарадской бібліятэкі імя А. Герцэна (вул. Савецкая, 26).

2.     Музей крыміналістыкі (Пушкіна, 1).

3.     Музей гсіторыі горада Гомеля (Пушкіна, 32).

4.     Філіял Веткаўскага музея стараабрадніцтва і беларускіх традыцый імя Ф.Р. Шклярава (пл. Леніна, 4).

Кантакты ў Гомелі:

8 (0232) 21-27-37, ggcbs.gomel.by

8 (0232) 74-28-23, www.gomelhistory.museum.by, //vk.com/id140157249 

8 (0232) 74-10-40, vetka-museum.by,  //m.vk.com/vetkamuseum.filial

8 (0232) 77-01-50, milglory.gomel.museum.by



Паглядзіце нашу фотагалерэю