Веткаўскі музей стараабрадніцтва і беларускіх традыцый ім. Ф.Р. Шклярава. Ветка, Беларусь

Навіны

Цыкл лекцый «Ікона звалась Свячой...»

Анонс

Веткаўскі музей распачынае цыкл лекцый прысвечаных выставе «Ікона звалась Свячой...», якая зараз экспануецца ў філіяле Веткаўскага музея.

Кожную пятніцу ў той жа час і на тым жа самым месцы чакаем усіх зацікаўленых!

Дзе: філіял Веткаўскага музея ў Гомелі
Калі:
22, 29 сакавіка (пятніца) 2019, 18:30
5, 12, 19 красавіка (пятніца) 2019, 18:30
3, 10 мая (пятніца) 2019, 18:30
Кошт: 2 р. 00 к.
Тэлефон: 75-88-86

Чытаць далей

Музейна-педагагічныя заняткі «Вясна на крылах птушак»

Прапаноўваем вам спецыяльныя веснавыя музейна-педагагічныя заняткі «Вясна на крылах птушак» з творчымі заданнямі для дзяцей 1-11 класаў.

Увага! Заняткі праводзяцца па папярэднім запісе!
(кошт аднаго занятку — 1 р. 50 к. з вучня)

Кантактныя тэлефоны для запісу:
8 (02330) 4-27-49 — аўторак-нядзеля 9:00-17:30
+375 (29) 271-07-73 — серада-нядзеля 9:00-17:00
+375 (25) 969-27-67 — панядзелак-пятніца 9:00-17:00

Чытаць далей

«Гуканне вясны» 2019

Анонс

Запрашаем усіх далучыцца да архаічнай традыцыі «Гукання вясны» разам з Веткаўскім музеем.

Дзе: збіраемся на пляцоўцы каля будынка філіяла Веткаўскага музея
Калі: 23 сакавіка (субота) 2019, 12:00
Удзел: бясплатна
Тэлефон: 75-88-86

У культуры няма апошняй кропкі, калі ўсё скончваецца, а ёсць моманты пераходу. Адным з такіх перходаў з'яўляецца «Гуканне вясны» — архаічны абрад, звязаны з абуджэннем прыроды і заклікам вясны: своеасаблівы пераход ад зімы да лета.

Чытаць далей

Падстаўка пад гарачае з лапікаў. Майстар-клас

Фотасправаздача

Фотаздымкі з майстар-класа на якім мы з нашымі наведвальнікамі рабілі падстаўку пад гарачае з маленькіх тканкавых куткоў!

Майстар-клас праходзіў у межах выставы «Кругляши из уголков», якую вы можаце пабачыць у філіяле Веткаўскага музея.

Чытаць далей

Тысяча нітак ільняных для закаханых

У памяшканні Веткаўскай раённай бібліятэкі 5 сакавіка адкрыліся дзве выставы, наладжаныя супрацоўнікамі Веткаўскага музея стараабрадніцтва і беларускіх традыцый імя Ф.Р. Шклярава ў якасці падарунка нашым шаноўным веткаўчанам. На адкрыццё выстаў завіталі вучні 4 «А» і 4 «Б» СШ №1 імя А.А. Грамыкі, настаўнікі гэтай школы, а таксама — жыхары Веткі. Наведванне працягнецца да канца сакавіка.

Першая выстава, «Любоўныя гісторыі», узнаўляе ў душы кожнага наведвальніка згадку пра светлае пачуццё, імя якога — Каханне: літаральна на ўсіх карцінах самадзейнага мастака Міхаіла Савасцьянава — Ён і Яна, або — Яна і Ён. Побач з імі — лебедзі, сімвал вернасці, лілеі — сімвал пяшчоты, прыгожыя краявіды. А вось — сустрэча каля берага ракі: дзяўчаты мыюць ручнікі. Побач — хлопец на кані.

Чытаць далей

Свяча: суаўтарства пчалы і чалавека

Пласціны воску

Вырабляць васковыя свечы можна рознымі спосабамі. Свячу ў філіяле Веткаўскага музея зрабілі тым жа традыцыйным спосабам, што і ў в. Лука (Столінскі раён, Брэсцкая вобласць), ды іншых беларускіх вёсках.

Распачаў гэтую працу Іван Дзмітрыевіч Осіпаў, даўні сябра музея, стваральнік Таварыства босых бортнікаў. Іван Дзмітрыевіч расказаў пра свае шматлікія падарожжы, звязаныя з бортніцтвам — развядзеннем пчол у лесе, пра бортніцтва і бортнікаў, якімі багатае наша Палессе. Па яго словах, бортнікаў налічваецца больш за сто чалавек, іх узрост — ад 35 да 85 гадоў. На сустрэчу завіталі пчаляры з Веткі і Хальча: Ігар Васільевіч Медзін, Міхаіл Аляксеевіч Крышчыхін. Протаіерэй Андрэй Булацкі, які служыць у Свята-Мікольскай царкве ў в. Данілавічы Веткаўскага раёна, распавядаў пра Стрэчанне, быў вельмі рады прыняць удзел у агульнай пачэснай працы. Тэма бортніцтва (ды пчалаводства) — бясконцая.

Чытаць далей

«Сожская скань». Майстар-клас

Шкатулка ў тэхніцы "Сожскай скані"

Фотасправаздача

Прапануем вашай увазе фотасправаздачу з майстар-класа па «Сожскай скані», які праводзіў Міхаіл Аляксеевіч Лізагуб.

Майстар распавёў гісторыю «Сожскай скані» і прадэманстраваў працэс яе вырабу. У кожнага з удзельнікаў майстар-класа напрыканцы занятку засталася брош уласнага вырабу.

Чытаць далей

«Выраб Грамнічнай свечкі»

Анонс

Дзе: філіял Веткаўскага музея ў Гомелі
Калі: 16 лютага (субота), 15:00
Кошт: 2 р. 00 к.
Тэлефон: 75-88-86, +37529 335-06-00 (Пятро Міхайлавіч)

Традыцыйная культура ўтрымлівае ў сабе шмат таямніц і сакрэтаў! Дакрануцца да адной з такіх таямніц філіял Веткаўскага музея ў Гомелі сумесна з «Братэрствам босых бортнікаў» запрашае вас!

Чытаць далей

У дзень Хрышчэння Гасподняга. Ветка

Ціхенька, ласкава, нясмела прабіваецца сонца штодзень праз лёгкія зімовыя аблокі, з'яўляецца бліжэй да поўдня не болей чым на гадзіну-дзве.

Дзень павялічваецца.

Сонца на пачатку года абнадзейвае, распачынае новы кругазварот жыцця.

Гаспадары, як і сотні гадоў таму назад, на Крышчэнне асвячаюць пасвяцонай вадой свае дамы, прыбудовы, крэйдай малююць крыжыкі.

Чытаць далей

Майстар-клас па вышыўцы гладдзю на «вязёнках»

Рукавічкі з вышыўкай Ганны Пугачовай

У межах выставы «Зимняя радуга» Ганна Пугачова (аўтар работ) правядзе майстар-клас па вышыўцы гладдзю на «вязёнках».

Дзе: філіял Веткаўскага музея ў Гомелі
Калі: 2 лютага (субота) 2019, 12:00
Кошт:
3 р. 00 к. — са сваімі рукавічкамі
9 р. 00 к. — з рукавічкамі набытымі ў музеі
Тэлефон: 75-88-86

З Веткаўскім музеем Ганна Валер'еўна супрацоўнічае з даўніх часоў, стала аўтарам пяці выстаў, якія праходзілі ў філіяле Веткаўскага музея: «Зимняя радуга» (будзе дзейнічаць да канца лютага 2019) «Цветы у дома», «Прикосновение к прекрасному», «Очей очарованье», «Танец иглы».

Чытаць далей

«Кніга ў вуснах маіх была салодкая, як мёд...» (Адкр 10:10)

Евангелле першай паловы XVI ст.

Фотасправаздача

У рамках экспанавання выставы «Красное Евангелие» ў філіяле «Веткаўскага музея стараабрадніцтва і беларускіх традыцый імя Ф.Р. Шклярава» ў г. Гомелі адкрываецца цыкл асветніцка-адукацыйных пятнічных сустрэч.

Фотаздымкі з сустрэчы 1 лютага 2019, якую праводзіла галоўны захавальнік фондаў Веткаўскага музея — Святлана Іванаўна Лявоньцева:

Чытаць далей

Этна-вечарына «Пекчы ката»

Фігурка галавы ката з цеста і сала

У гэты раз мы з Вамі паспрабуем адкусіць хвост «кату»!

Дзе: філіял Веткаўскага музея ў Гомелі
Калі: 19 студзеня (субота) 2019, 16:00
Кошт: 2 р. 00 к.
Тэлефон: 75-88-86

Паглыбіўшыся ў міфалогію мы даведаемся аб тым, што кот лічыўся і лічыцца ахоўнікам шлюбу і генератарам сямейнага шчасця. Простымі словамі кот — ахоўнік сям’і, таму і абрад (характэрны для тэрыторыі Міншчыны, но сустракаўся і на тэрыторыі Ельскага района) праводзіўся з «катом».

Чытаць далей

Павалілася козачка наша...

Вучні апранаюць касцюм казы і мядзведзя

Святкавалі Каляды ў Ветцы 10, 11 студзеня 2019 супрацоўнікі Веткаўскага музея разам з выхаванцамі і выхавацелямі дзіцячых ясляў-садоў №1, 3, 4, 5, вучнямі і настаўнікамі 1-4 класаў СШ №1, 1-6 класаў Гімназіі.

Куццю гатавалі, танчылі, спявалі, ладзілі паказ «Батлейкі» (п'еса «Цар Ірад»). І, вядома, згадвалі, як даўней Мароза гукалі: «Мароз, мароз, хадзі куццю есці! Улетку не бывай, не марозь жыта, пшаніцы, аўса, проса, лёну і ўсяго, што трэба пасеяць, бы мы будзем біць цябе жалезнымі пугамі!»

Чытаць далей

Дзіцячая ялінка «Казачка пра Пятра, Казу і Каляды». Фотасправаздача

Дзеткі глядзяць батлейку ў межах мерапрыемства

Святочныя мерапрыемствы «Казачка пра Пятра, Казу і Каляды» з батлейкай адбыліся ў філіяле Веткаўскага музея 29 снежня 2018 г. і 5 студзеня 2019 г.

У межах мерапрыемства нашы самыя маленькія наведвальнікі сталі актыўнымі ўдзельнікамі прыгод Пятра і Казы. Даведаліся, як было раней цэлы год лета і адкуль зіма пачалася. Сумесна с гуртом ГМКГА «Талака» адшукалі Казу, праспявалі з ёй шчодры і павіталі сонца!

У канцы мерапрыемства Веткаўскі музей парадаваў гасцей батлейкай, герояў якой і саму хатку-батлейку стварылі сваімі рукамі напярэдадні з нашымі наведвальнікамі!

Чытаць далей

«Дева днесь Пресущественнаго рождает». Сустрэча дыялог-клуба «Міжрэчча»

Афіша мерапрыемства дыялог-клуба "Міжрэчча"

Сустрэчы дыялог-клуба «Міжрэчча» вяртаюцца!

Першая ў Новым годзе адбудзецца ў філіяле Веткаўскага музея.

Дзе: філіял Веткаўскага музея ў Гомелі
Калі: 11 студзеня (пятніца) 2019 г., 18:00
Кошт: 1 р. 50 к.
Тэлефон для даведак: 75-88-86

Калядны перыяд на Беларусi — час надзвычайных падзей. Тым цiкавей, што яднае ён усе слаi грамадства. Самы нерэлiгiйны чалавек знойдзе ў сыходзе каляндарнага года момант узнёслай велiчнасцi, а сустракаць новы год будзе з пераможнай надзеяй. Тым болей той, хто iмкнецца духоўнае аснаванне жыцця ўважаць за прыярытэт. Амаль месяц доўжыцца на шматканфесiйнай беларускай зямлi святочны час. Не мароз, не сцюжа, не замёты снегу не перашкода для радасцi, шчырых падарункаў, дабрадзейных учынкаў. Нездарма, у гэты чароўны час здараюцца неверагодныя цуды.

Чытаць далей

Майстар-клас «Саламяны павук» 12 студзеня 2019

Майстар-клас "Саламяны павук" у 2016

Фотасправаздача

Адным з традыцыйных упрыгожванняў інтэр'ера беларусаў з даўніх часоў з'яўляўся саламяны павук.

Акрамя ўпрыгожвання, саламяны павук таксама быў адным з самых старажытных абярэгаў, які забяспечваў дабрабыт сям'і і ахоўваў хату ад нячыстай сілы.

Кожны год, перад Раством, збіралася сям'я і рабіла новага павука, замест старага. Са старым саламяным павуком у розных рэгіёнах Беларусі паступалі па-рознаму. Напрыклад на Магілёўшчыне салому пераціралі і аддавалі на з'ядзенне свойскай жывёле. У другіх рэгіёнах спальвалі ў печы альбо коміне для таго, каб знішчыць усё нядобрае, набранае за год.

Чытаць далей

План мерапрыемстваў на студзень 2019

«Крывыя» вечары — час весялосці, свавольстваў і кантакту з іншасветам! (Так на Палессі называлі час паміж Раством і Хрышчэннем).

Веткаўскі музей сумесна з ГМКГА «Талака», Гомельскім абласным цэнтрам народнай творчасці, «Гомельскай Школкай бытавога танца», Маркавіцкім СДК, Стаўбунскім СДК і гуртом «Стаўбунскія вячоркі» прапануюць усім «павандраваць у традыцыю»!

Чытаць далей

«Батлейка НОН-СТОП». Фотасправаздача

23 снежня 2018 г. у філіяле Веткаўскага музея напрацягу цэлага працоўнага дня супрацоўнікі разам з наведвальнікамі зрабілі сваімі рукамі хатку-батлейку і батлеечных герояў, а затым адбылася прэм'ера традыцыйнага батлеечнага спектакля «Цар Ірад» і яшчэ некалькіх інтэрмедый!

Чытаць далей

Дзіцячая імпрэза «Казачка пра Пятра, Казу і Каляды»

Дзіцячая святочная імпрэза «Казачка пра Пятра, Казу і Каляды».
У святочныя дні Калядаў і Новага года філіял Веткаўскага музея рады павіншаваць і ўзрадаваць сваіх самых маленькіх наведвальнікаў казачнай імпрэзай!

Дзе: філіял Веткаўскага музея ў Гомелі
Калі:
29 снежня (субота) 2018 г., 12:00
5 студзеня (субота) 2019 г., 12:00
Кошт: 3 р. 00 к. (вядзецца папярэдні продаж квіткоў)
Тэлефон для даведак: +375 232 75-88-86, +375 29 335-06-00 (Пятро Міхайлавіч)

Чытаць далей

Яшчэ артыкулы ...

Паглядзіце нашу фотагалерэю

Copyright © "Веткаўскі музей стараабрадніцтва і беларускіх традыцый" г. Ветка, Беларусь - 2012 - 2019.
Усе правы абаронены. Капіраванне матэрыялаў дазволена толькі са спасылкай на сайт-крыніцу.