Навіны

Дыялог-клуб "Міжрэчча". Калядная сустрэча

on .

Калядная сустрэча. Афіша. Веткаўскі музей

Час Калядаў - час благаслаўлёны. Ён збірае і дахрысціянскую інтуіцыю аб аднаўленні светапарадка і хрысціянскае адкравенне аб Богу, які стаўся чалавекам, цалкам успрыняўшы чалавечую прыроду. Гэта думка рэфрэнам гучыць-паўтараецца ў каляднай паэзіі: "Хрыстос нарадзіўся на вашым двары", "у тым возеры Сам-Бог купаўся", "на той краваці Божая Маці". І бачыцца так, што ўсё гэта, самае большае, за тваім парогам. Хочаш праверыць - ідзі.

Таму сядзець па дамах такімі днямі, ці сваімі штодзённымі справамі займацца - дарма жыць увесь год. Вось і рашылi міжрэчаўцы сабрацца і падзяліцца: хто як сустрэў Святкi, колькі накалядаваў, што убачыў, чаму парадаваўся.

Дыялог-клуб "Міжрэчча". Кніжная сустрэча

on .

Кніжная сустрэча. Афіша. Веткаўскі музей

Сустрэча, безумоўна, прысвечана 500-­годдзю выдання першай усходнеславянскай кнігі. Аднак, для Веткаўскага музея, кніжнае сховішча якога адно з самых буйных на Беларусі, гэта не проста добрая нагода пагутарыць аб урачыстасці. У музеі працуюць людзі, якiя разважаюць аб кнізе, як аб унікальным культурным феномене і аб кніжнай культуры, як традыцыі ўспрымання тэкста ў кантэксце жыцця.

Для сучаснага "посткн­іжнага" чалавека так­ая падзея, як выданне кнігі, знаходзіцца ў шэрагу звычайнасцяў. Ці адрознівалася ўспрыманне тэкста ў сярэднявечнага чалавека ад нашага і як мы адносімся да тэксту?

Выцінанка. Майстар-клас

on .

Выцінанка майстар-клас. Філіял Веткаўскага музея ў Гомелі

Запрашаем усіх ахвотных на майстар-клас па традыцыйных выцінанках ад знакамітай беларускай выцінаначніцы, сябра беларускага саюза майстроў народнай творчасці Вольгі Бабурынай!

Выцінанка (мясцовыя назвы выразанка, выстрыганка - ажурны ўзор, выразаны з белай, чорнай ці каляровай паперы. Від дэкаратыўна-прыкладнога мастацтва.

Рэжым працы музея ў святочныя дні

on .

Паважаныя наведвальнікі!

Рэжым працы ДУК "Веткаўскі музей стараабрадніцтва і беларускіх традыцый імя Ф.Р. Шклярава"

1, 2 і 7 студзеня (панядзелак, аўторак, нядзеля) 2018 года - ВЫХОДНЫ.

22 студзеня (панядзелак) 2018 года (за 2 студзеня 2018 года) - ПРАЦОЎНЫ з 9:00 - 18:00.

Дзіцячая імпрэза "Святочная забава ад Казы і Зюзі"

on .

Дзіцячая калядна-навагодняя імпрэза

Дзіцячая калядна-навагодняя імпрэза "Святочная забава ад Казы і Зюзі" пройдзе ў філіяле Веткаўскага музея 28, 29 і 30 снежня 2017 года.

Дзе: філіял Веткаўскага музея ў Гомелі

Калі: 28, 29, 30 снежня (чацвер, пятніца, субота) 2017 года, 12:00

Кошт: 2 р. 00 к. (вядзецца папярэдні продаж квіткоў)

Адрас: г. Гомель, пл. Леніна, 4 (тэрыторыя Гомельскага палацава-паркавага аснсамбля, за саборам Пятра і Паўла)

Тэлефоны: 8 (0232) 75-88-86, 75-88-87, +375 29 3350600 (Пятро Міхайлавіч)

Змены ў працы музея

on .

Будынак Веткаўскага музея

Паважаныя наведвальнікі! Інфармуем Вас аб тым, што 8 снежня (пятніца) 2017 года Веткаўскі музей па тэхнічных прычынах будзе зачынены.

Прыносім прабачэнні за часовыя нязручнасці.

Танцавальная этна-вечарына

on .

Танцавальная этна-вечарына у філіяле Веткаўскага музея ў Гомелі

Ужо традыцыйна, каторы год філіял Веткаўскага музея ў Гомелі адкрывае сезон зімовых вячорак.

Вячоркі - традыцыйная форма баўлення часу доўгімі зімовымі вечарамі. Падчас вячорак не толькі пралі, ткалі, вышывалі, але яшчэ і казкі цікавыя бавілі, песні спявалі, а таксама танцавалі.

Падарунак у фонды музея

on .

У ліпені 2016 года адбыўся афіцыйны візіт дэлегацыі горада Екацярынбурга ў горад Магілёў. Дэлегацыю ўзначальваў кіраўнік Екацярынбурга, Старшыня Екацярынбургскай гарадской думы Яўген Вадзімавіч Ройзман. Па жыцці ён - надзвычай актыўны і захоплены чалавек. Вядомы не толькі як грамадскі дзеяч. Ройзман - збіральнік цудоўнай калекцыі уральскіх ікон і даследчык іканапісу. У лагічнай паслядоўнасці - і заснавальнік Музея "Невьянская икона".

Яўген Ройзман

Яўген Вадзімавіч Ройзман

Міні-мюзікл "Паляванне на ліса"

on .

Міні-мюзікл "Паляванне на ліса" ў філіяле Веткаўскага музея ў Гомелі

Пры падтрымцы Пасольства Швецыі ў Беларусі, 22 лістапада філіял Веткаўскага музея ў Гомелі рады запрасіць сваіх самых маленькіх наведвальнікаў на прэзентацыю міні-мюзікла "Паляванне на ліса" паводле кнігі Свэна Нурдквіста.

Прэм’ера фільма "Іншазем'е"

on .

Афіша прэм'еры фільма "Іншазем'е"

Дакументальны фільм аб таямнічым знікаючым Палессі.

Пятро Цалка - загадчык гомельскага філіяла Веткаўскага музея стараабрадніцтва і беларускіх традыцый імя Ф. Шклярава, у выходныя збіраецца адведаць сваю родную вёску Сіманічы, што ў глыбіні Убарцкага Палесся ў Лельчыцкім раёне. Гэта выспа зямлі пасярод лясоў і балотаў, дзе мясцовыя дасюль ходзяць лекаваць хваробы не да дактароў, а толькі да знахароў. Яны вераць у Бога, але б’юць паклоны з малітвамі перад камянямі. Там няма добрых дарог, але бясконцыя лясы ды балоты даюць людзям і жытло, і харчаванне...

"Як ты пішаш буквы, так я - узоры...". Адкрыццё. Фотасправаздача

on .

19 жніўня (аўторак) 2017 года ў цэнтральнай гарадской бібліятэцы імя А.І. Герцэна адбылося адкрыццё выставы з фондаў Веткаўскага музея стараабрадніцтва і беларускіх традыцый імя Ф.Р. Шклярава "Як ты пішаш буквы, так я - узоры...".

Адкрыццё выставы "Як ты пішаш буквы, так я - узоры..."

on .

29 жніўня (аўторак) 2017 года ў 17:00 цэнтральная гарадская бібліятэка імя А.І. Герцэна запрашае на адкрыццё выставы "Як ты пішаш буквы, так я - узоры…" з фондаў Веткаўскага музея стараабрадніцтва і беларускіх традыцый імя Ф.Р. Шклярава.

ПерадКупальская імпрэза

on .

"...Свяціла ночкі агнём, агнём, пляла вяночкі шаўком, шаўком"

Напярэдадні аднаго з самых таямнічых і чароўных святаў - Купалля, філіял Веткаўскага музея ў Гомелі запрашае на ўнікальную сустрэчу з трыма знатнымі асобамі. Як трыадзінства вады, зямлі і агню, стварае касмічную цэласнасць Сусвету, так і гэтыя тры асобы маюць намер раскрыць таямніцы традыцыйнай культуры беларусаў для нас з вамі.

"Галасы стагоддзяў". Як жыве абрад з тысячагадовымі каранямі

on .

Штогод старажытны абрад "Пахаванне Стралы" збірае сотні аматараў традыцыйнай культуры з розных куткоў свету. Чым жа ён цікавы? Што ў сабе хавае ці захоўвае? Хто падтрымлівае жыццё традыцыі? На гэтыя пытанні, і не толькі, паспрабуем адказаць.

"Ноч музеяў - 2017". Інтэрактыўная праграма "ВЯСЕЛЛЕ.BY"

on .

20 мая (субота) 2017 года з 18:00 - 23:00 Веткаўскі музей прыме ўдзел у міжнароднай акцыі "Ноч музеяў - 2017" з інтэрактыўнай праграмай "ВЯСЕЛЛЕ.BY"

Штогод філіял Веткаўскага музея ў Гомелі збірае аматараў традыцыйнай культуры "ўначы", каб паказаць экспазіцыі музея і пазнаёміць з традыцыйнай культурай беларусаў яшчэ глыбей. У гэты раз супрацоўнікамі музея выбрана адна з найцікавейшых тэм - беларускае вяселле. Што мы ведаем пра вяселле? Якія песні выконваліся? Які танцы? Што елі і што пілі беларусы на вяселлі? Пра ўсё гэта і не толькі ў наведвальнікаў музея будзе магчымасць дазнацца ў гэтую ноч.

Рэпетыцыя абраду ці далучэнне да традыцыі?

on .

Адзін з самых вядомых і ў той жа час таямнічых абрадаў Веткаўшчыны - "Ваджэнне і Пахаванне Стралы". Але што ж мы ведаем пра гэты абрад: адкуль ён узяўся, колькі яму гадоў, для чаго ён праводзіцца, што сімвалізуе? Паспрабаваць знайсці адказы на ўсе гэтыя пытанні, і не толькі, сабраліся гэтымі цёплымі веснавымі днямі ў філіяле Веткаўскага музея ў Гомелі на этна-імпрэзе "Як пушчу Стралу…"

Яшчэ артыкулы ...



Паглядзіце нашу фотагалерэю