Веткаўскі музей стараабрадніцтва і беларускіх традыцый ім. Ф.Р. Шклярава. Ветка, Беларусь

Навіны

Змена кошту на ўваходныя білеты ў Веткаўскі музей

З 1 верасня 2018 г. у Веткаўскім музеі (г. Ветка, Красная плошча, 5) змяняюцца кошты на ўваходныя білеты.

Спіс змен:

  • Уваходны для школьнікаў — 1 р. 00 к. → 1 р. 50 к.
  • Уваходны для навучэнцаў каледжаў, тэхнікумаў і ВНУ — 1 р. 50 к. → 2 р. 00 к.
  • Уваходны для астатніх катэгорый наведвальнікаў — 2 р. 00 к. → 3 р. 00 к.

Чытаць далей

Дэлегацыя з Веткаўскага музея наведае Музей рускай іконы ў Таліне

У верасні 2018 г. дэлегацыя з Веткаўскага музея стараабрадніцтва і беларускіх традыцый ім. Ф.Р. Шклярава наведае Музей рускай іконы, які знаходзіцца ў Таліне (Эстонія). У рамках візіту, дырэктар музея — Галіна Рыгораўна Нячаева правядзе экскурсію на рускай мове па тэме «Веткаўская школа іканапісу».

Ветка — невялічкі гарадок на ўсходзе Беларусі, непадалёк ад межаў з Расіяй і Украінай. Ветка з цягам часу сфармавала свой непаўторны стыль іконнага пісьма, яго лёгка распазнаць сярод іншых стылей іканапісу.

Чытаць далей

Прэзентацыя дыска "Мужчынская традыцыя спеву"

Дзе: філіял Веткаўскага музея ў Гомелі

Калі: 30 чэрвеня (субота) 2018 года - 17:00

Кошт удзелу: 2 р. 00 к., для дзяцей - вольны ўваход

Адрас: г. Гомель, пл. Леніна, 4 (тэрыторыя Гомельскага палацава-паркавага ансамбля, за саборам Пятра і Паўла)

Тэлефон: 8 (0232) 75-88-86

На прэзентацыі можна набыць дыск па спецыяльным кошце!

У межах праекта "Традыцыя" выйшаў унікальны СD мужчынскіх песень. На ім - запіcы аўтэнтычных ансамблевых і сольных спеваў, пераважна з палескіх вёсак, сабраныя вядомымі этнамузыколагамі ў 70-80-х гг. ХХ ст.

30 чэрвеня ў філіяле Веткаўскага музея ў Гомелі адбудзецца прэзентацыя першага дыска з серыі "Мужчынская традыцыя спеву".

Чытаць далей

Падаўжэнне выставы "Табе, маці, верацён кругаль, а мне, маці, палацён кубел"

Паважаныя наведвальнікі!

У сувязі з вялікай зацікаўленасцю экспанаванне выставы "Табе, маці, верацён кругаль, а мне, маці, палацён кубел" падаўжаецца да 28 чэрвеня 2018 года.

Чакаем Вас у філіяле Веткаўскага музея стараабрадніцтва і беларускіх традыцый імя Ф.Р. Шклярава.

Мы працуем: аўторак-нядзеля з 10:00-18:00; выходны - панядзелак

Чытаць далей

Прэзентацыя праекта drewa.by

Дзе: філіял Веткаўскага музея ў Гомелі

Калі: 25 мая (пятніца) 2018 года - 18:00

Кошт удзелу: бясплатна

Адрас: г. Гомель, пл. Леніна, 4 (тэрыторыя Гомельскага палацава-паркавага ансамбля, за саборам Пятра і Паўла)

Тэлефон: 8 (0232) 75-88-86

Беларусаў здаўна называюць драўляным народам, бо ўсё за што б ні ўзяцца ў жыцці ды гаспадарцы, то будзе зроблена пераважна з дрэва: дом, калыска, мэбля, посуд, дамавіна (труна)… Вялікую ўвагу людзі здаўна надавалі не толькі практычнай канструкцыі, але яшчэ эстэтычным і сімвалічным праявам. Як вельмі слушна заўважыў знакаміты даследчык традыцыі разьбянога дэкору Я.Р. Малікаў: "З дапамогай разбянога аздаблення заказчыкі і выканаўцы выказвалі свае мастацкія густы і светаўспрыманне, а таксама падсвядома адлюстроўвалі мастацкія традыцыі сваёй мясцовасці і часу. Творчае выкарыстанне гэтых традыцый было не толькі сродкам аздаблення жылля, але і яркім спосабам праяўлення ўласнай непаўторнасці і самаідэнтэфікацыі, што заўжды з’яўлялася важным аспектам у народнай культуры".

Чытаць далей

"Дзень Музеяў 2018" - "Дзень новых падзей!"

18 мая 2018 года з 9:00 да 18:00 Веткаўскі музей запрашае ўсіх (г. Ветка, Красная пл., 5)

Веткаўскі музей стараабрадніцтва і беларускіх традыцый імя Ф.Р.Шклярава рады запрасіць усіх сваіх сяброў адсвяткаваць Міжнародны дзень музеяў разам. Толькі ў гэты дзень кожны зможа адкрыць любімы і добра знаёмы музей па-новаму. 2018 - юбілейны год для Веткаўскага музея. Нам 40 гадоў, таму мы пачынаем здзіўляць і радаваць навінкамі.

Толькі 18 мая ў Дзень музеяў у вас будзе магчымасць прыняць удзел у падзеях:

  • 11:30 - майстар-клас па пляценні традыцыйных паясоў на пальцах;
  • 13:00 - уражыстае адкрыццё Дзіцячага інтэрактыўнага праекта "Спазнай гісторыю рукамі" (адміністрацыйны будынак музея па адрасе Красная пл., 13, 1 паверх);
  • 15:00 і 16:00 - квэст "Шляхамі Шклярава";
  • 18:00 - беларускія народныя танцы перад разнымі варотамі музея.

"Дзень Музеяў 2018" - "Дзень новых падзей!"

Уваход вольны!

"Ноч Музеяў 2018" - "Ноч танцаў"

19 мая 2018 года з 18:00 да 24:00 чакаем усіх у філіяле Веткаўскага музея (г. Гомель, пл. Леніна, 4, тэрыторыя палацава-паркавага ансамбля, за саборам Пятра і Паўла)

Штогод філіял Веткаўскага музея рады запрасіць жыхароў і гасцей горада Гомеля спасцігаць таямніцы традыцыйнай культуры менавіта ноччу.

Штогод супрацоўнікі музея выбіраюць і раскрываюць для наведвальнікаў нешта новае і ўнікальнае. На гэты раз тэма "Ночы Музеяў 2018" - ТАНЦЫ!

Штогод вакол будынка філіяла Веткаўскага музея збіраюцца ўнікальныя майстры-рамеснікі, каб падзяліцца частачкай свайго майстэрства на майстар-класах. Так будзе і сёння: кавальства, саломапляценне, традыцыйныя абрадавыя лялькі, ткацтва і шмат іншых цікавасцяў чакае Вас на інтэрактыўных пляцоўках.

Чытаць далей

Музейна-педагагічны занятак "Аз, букі, ведзі - глаголь дабро!"

15, 16 сакавіка (чацвер, пятніца) 2018 года вучні Гімназіі г. Веткі і сярэдняй школы №1 г. Веткі імя А.А. Грамыкі наведалі музейна-педагагічныя заняткі Школы старажытнай і сучаснай народнай культуры "Аз, букі, ведзі - глаголь дабро!", якая дзейнічае пры Веткаўскім музеі стараабрадніцтва і беларускіх традыцый імя Ф.Р. Шклярава з пачатку 1990-ых гадоў. На гэты раз для вучняў 2 "А", 3 "А", 3 "Б", 4 "А", 4 "Б" класаў СШ №1 і вучняў 5, 8 класаў Гімназіі былі наладжаны майстар-класы.

Чытаць далей

"Табе, маці, верацён кругаль, а мне, маці, палацён кубел". Фотасправаздача

2 сакавіка 2018 года ў філіяле Веткаўскага музея адбылося адкрыццё новай выставы "Табе, маці, верацён кругаль, а мне, маці, палацён кубел".

Нагадваем Вам, што выстава будзе дзейнічаць з 2 сакавіка па 28 чэрвеня 2018 года.

Чытаць далей

У прасторы дыялогу: Генадзь Лапацін - Варвара Грэцкая

Трымаю ў руках новую кнігу Генадзя Лапаціна, якая была выдадзена ў Гомелі ў лютым 2018 года: "К каждаму разгавору прыказка ё..." З вопыту вывучэння дыялектнай фразеалогіі. Матэрыялы да фразеалагічна-парэміалагічнага слоўніка асобы. Варвара Аляксандраўна Грэцкая. Запісы 2005-2012 гг. (У дзвюх частках).

Радуюся з'яўленню новай, вельмі патрэбнай кнігі. Дзякуючы ёй, можна глядзець на нашае жыццё, на сябе па-іншаму - адчуць яго вачыма, сэрцам і розумам Варвары Аляксандраўны Грэцкай, нашай знакамітай сучасніцы. Варвара Аляксандраўна нарадзілася ў 1925 годзе ў пасёлку Амяльное (непадалёк ад Старога Закружжа), а цяпер жыве ў Ветцы. Зараз няма ні Амяльнога, ні Старога Закружжа - зніклі ў часе Чарнобыльскай трагедыі. Радуюся яшчэ й таму, што давялося крыху дапамагчы ў працы над выданнем: быць карэктарам.

Чытаць далей

Міжнародны дзень роднай мовы

19 лютага 2018 г. у гімназіі г. Веткі, 21 лютага 2018 г. у сярэдняй школе №1 імя А.А. Грамыкі г. Веткі адбыліся святочныя сустрэчы, прысвечаныя Міжнароднаму дню роднай мовы. Яны былі наладжаны супрацоўнікамі Веткаўскага музея стараабрадніцтва і беларускіх традыцый імя Ф.Р. Шклярава і супрацоўнікамі Веткаўскай раённай бібліятэкі.

Вучні 8 класа гімназіі мелі магчымасць убачыць фільм Ларысы Шчыраковай, галоўны герой якога - незабыўны Міхась Басякоў, беларус, які нарадзіўся ў Расеі (так казаў ён) у 1965 г. у сям’і "самаходаў". "Самаходы" - беларусы, якія перасяляліся ў Сібір у 1880-1890-я гг., і сёння, жывучы там, кажуць па-беларуску. Здымкі фільма адбываліся ў асноўным на Серыкавай (Каменнай, Чортавай) гары каля пасёлка Чамярня Веткаўскага раёна ў 1911 г., у вёсцы Казацкія Балсуны, у школьных аўдыторыях.

Чытаць далей

Запрашаем на этна-вечарыну "Масленка"

Філіял Веткаўскага музея ў Гомелі запрашае ўсіх 17 лютага (субота) 2018 года ў 15:00 на этна-вечарыну "Масленка".

Кошт уваходу: 2 р. 00 к.

Падчас вечарыны нас чакае:

  • Лекцыя "Беларуская Масленка" ад даследчыцы Алены Ляшкевіч (Мінск);
  • Традыцыйныя танцы пад гармонік;
  • Святочная вячэра з блінамі і выпечкай;
  • Традыцыйныя спевы.

Кожны ўдзельнік прыме ўдзел у збіванні масла ў маслабойцы і абавязкова паспрабуе хатняга масла з гарачымі блінамі.

Адрас: г. Гомель, пл. Леніна, 4 (тэрыторыя Гомельскага палацава-паркавага ансамбля, за саборам Пятра і Паўла)

Тэлефон: 8 (0232) 75-88-86

Калядная сустрэча. Фотаспаваздача

Наўздагон за Калядамі і Шчодрамі фотападборка пра цудоўную сустрэчу ў філіяле Веткаўскага музея стараабрадніцтва і беларускіх традыцый імя Ф. Р. Шклярава. Батлеечнае прадстаўленне "Цар Ірад", чарада калядных і шчадроўных песень, зімовыя вершы, успаміны... Калі б не час зачыняць філіялавы дзверы, не разыйшліся б. Спявалі б ды зычылі б адзін аднаму добрых спраў у Новым годзе.

Чытаць далей

  • 1
  • 2

Паглядзіце нашу фотагалерэю

"Веткаўскі музей стараабрадніцтва і беларускіх традыцый" г. Ветка, Беларусь - Copyright © 2012 - 2018.
Усе правы абаронены. Капіраванне матэрыялаў дазволена толькі са спасылкай на сайт-крыніцу.