Веткаўскі музей стараабрадніцтва і беларускіх традыцый ім. Ф.Р. Шклярава. Ветка, Беларусь

Дзеючыя выставы музея

Выстава "Пчолачкі гудуць, хаткі будуюць..."

Першая ў Беларусі выстава прысвечаная выключна традыцыйнаму бортніцтву

Выстава будзе дзейнічаць з 8 ліпеня па 30 лістапада 2018 года ў філіяле Веткаўскага музея ў Гомелі.

Вас чакае ўсё толькі самае цікавае і незвычайнае — усё тое, што характэрызуе самы таямнічы лясны промысел. Той самы высакародны, жывы промысел, які існуе ў нашым краі, той самы, што апякуе пчалу і шануе старыя традыцыі. Гэта ўсё пра бортніцтва мы кажам.

На выставе прадстаўлены старыя борці-калоды, бортны інструмент, традыцыйны беларускі і стараабрадніцкі іканапіс, арыгінал рукапіснага зборніка «Як пчел водіті і за пчеламі ходіті» (XVIII ст.), традыцыйны тэкстыль, фотаздымкі, копіі карт традыцыйных промыслаў і шмат іншых цікавых артэфактаў. Выстава паспрабуе раскрыць усе таямніцы звязаныя непасрэдна як з матэрыяльнай, так і духоўнай спадчынай традыцыйнага бортніцтва.

Выстава "Где, плавно взмахивая, - дальше, выше кони..."

Жывапіс Галіны Нячаевай

Жывапіс, графіка і лірыка Галіны Нячаевай

Выстава будзе дзейнічаць да 1 верасня 2018 года ў філіяле Веткаўскага музея ў Гомелі.

Галіна Нячаева не толькі дырэктар Веткаўскага музея ўжо на працягу двух дзясяткаў гадоў, але і знакаміты даследчык традыцыйнай культуры і стараабрадніцкага іканапісу, паэтка (сябра Саюза пісьменнікаў Беларусі), а таксама мастак. Яе працы не проста адлюстраванне рэчаіснасці, а свет глыбокага сімвалізма. Коні на карцінах Галіны Рыгораўны могуць быць чорнымі, чырвонымі, сінімі, зялёнымі… гэтым самым адлюстроўваючы ў сабе ўсе стыхіі і само светастварэнне. Менавіта коні становяцца галоўнымі героямі жывапісных прац аўтара. У карцінах прасочваецца вельмі яскравае ўзаемадапаўненне і ўзаемазалежнасць колеру і рытму. Гэта абумоўліваецца яшчэ адной любоўю Галіны Рыгораўны - паэзія. Таму наведвальнікі выставы будуць мець магчымасць паглыбіцца адначасова ў свет жывапісу, графікі і лірыкі.

На выставе дэманструюцца пяць графічных прац, а таксама жывапісныя палотны гуаш’ю і пастэлью. Раскрыццю ж сімволікі ў творчасці будзе садзейнічаць зборнік лірыкі "Ужин с живописцем".

Выстава "Радуйся, Заре Умнаго Солнца"

Вобразы Багародзіцы ў гісторыі і культуры Веткі

Выстава будзе дзейнічаць напрацягу студзеня-кастрычніка 2018 года ў філіяле Веткаўскага музея ў Гомелі.

Запрашаем увайсці ў сакральны свет іканапісу Веткі праз "двери рая совершенныя", дакрануцца да таямніцы ўзаемаадносін чалавека і Бога, да таямніцы жыцця культурнага, асветніцкага і запаветнага цэнтра - Веткі.

З вобразамі Багародзіцы звязаны лёс Веткі на працягу некалькіх стагоддзяў, як і лёс ўсяго стараабрадніцтва…

Чытаць далей

Выстава "Жывое рамяство"

Пастаянная экспазіцыя ў зале "Жывое рамяство" філіяла Веткаўскага музея стараабрадніцтва і беларускіх традыцый ім. Ф.Р. Шклярава і дзеючы пры філіяле клуб "Параскева" з'яўляюцца цэнтрам вывучэння сапраўднай аўтэнтычнай культуры, якой на наш час бракуе як сталаму, так і маладому пакаленню беларусаў.

Чытаць далей

"Веткаўскі музей стараабрадніцтва і беларускіх традыцый" г. Ветка, Беларусь - Copyright © 2012-2018.
Усе правы абаронены. Капіраванне матэрыялаў дазволена толькі са спасылкай на сайт-крыніцу.