Веткаўскі музей стараабрадніцтва і беларускіх традыцый ім. Ф.Р. Шклярава. Ветка, Беларусь

Мінулыя выставы музея

Выстава "Табе, маці, верацён кругаль, а мне, маці, палацён кубел"

Традыцыйны строй жыхароў горада Васілевічы і наваколля з уласных збораў Аляксандра Нікіціна

Выстава будзе дзейнічаць з 2 сакавіка па 28 чэрвеня 2018 года ў філіяле Веткаўскага музея ў Гомелі.

Годам малой радзімы аб’яўлены 2018 год. І для Веткаўскага музея гэта ідэя з’яўляецца як ніколі актуальнай. Бо менавіта рэгіянальна-лакальнай тэмай ужо 40 гадоў займаюцца супрацоўнікі музея. Акрамя ўласных даследаванняў музей выхаваў ужо шэраг сваіх паслядоўнікаў. Адным з такіх вучняў музея, па-праву, можна лічыць гамяльчаніна Аляксандра Нікіціна.

Чытаць далей

Выстава "Мая выцінанка"

Мастачка выцінанкі Вольга Бабурына і мастацтва "выцінання" ў ручніках з фондаў Веткаўскага музея

Выстава будзе дзейнічаць напрацягу студзеня-лютага 2018 года ў філіяле Веткаўскага музея ў Гомелі.

Цікавае назіранне - амаль кожны з нас у дзяцінстве пад Новы год выразаў сняжынкі з паперы на вокны: і ў дзіцячым садку, і пазней, у школе, але пры слове "выцінанка" вочы здзіўлена акругляюцца: "Што гэта? Мастацтва такое? Выразанне з паперы?" Сапраўды, пра выцінанку ведаем мы няшмат. Дзе нарадзілася, адкуль прыйшла, чаму калісьці такі распаўсюджаны від дэкаратыўнага мастацтва быў забыты, і якія прычыны справакавалі яго адраджэнне ў наш час? На гэтыя пытанні, і не толькі, паспрабавалі даць адказы арганізатары выставы "Мая выцінанка".

Чытаць далей

Выстава "Вы и нас, трудившихся, не забывайте..."

"Вы и нас, трудившихся, не забывайте..."

З гэтай назвай адкрываецца новая выстава ў філіяле Веткаўскага музея ў Гомелі. Менавіта з такой прозьбай звярнуўся да сваіх нашчадкаў, а значыцца, і да нас адзін з першых беларускіх друкароў Пятро Мсціславец у сваім Пасляслоўі да "Тэтраевангелля", выдадзеным у Віленскай друкарні ў 1575 годзе.

Чытаць далей

Выстава "Перамагаючы час"

"Перамагаючы час"

Выстава рэстаўрацыі адной іконы

Рэстаўрацыйная дзейнасць у працы Веткаўскага музея займае дастаткова грунтоўную частку. Веткаўскі музей - адзіны раённы музей у Гомельскай вобласці, які мае свой штат рэстаўратараў, якія вядуць працы па рэстаўрацыі тэмпернага і алейнага жывапісу, традыцыйнага тэкстылю, жамчужнага і бісернага шыцця, вырабаў з метала і дрэва. З нядаўняга часу і ў Гомельскай епархіі пачалася сур’ёзная праца па рэстаўрацыі культавых прадметаў, з гэтым звязана і з’яўленне адмысловай пасады - "захавальнік старажытнасцяў" ("древлехранитель"). І, як кажуць, адкрыцці не прымусілі сябе чакаць! Ужо напрыканцы мінулага года ў фонды культавых прадметаў Гомельскай епархіі патрапіла ўнікальная для нашага рэгіёну ікона Маці Божай, што датуецца XVII стагоддзем (па некаторых меркаваннях нават канцом XVI). Доўгія месяцы працы над унікальным творам мастацтва і духоўнага жыцця веруючых раскрылі шмат таямніцаў: ад трох анёлаў, што былі схаваны пад тоўшчай больш позняй фарбы да дзясятка гільзаў, што "зрашацілі" грудзі Маці Божай. Даведацца болей пра рэстаўрацыйныя сакрэты і адчуць сябе рэстаўратарам можна наведаўшы выставу "Перамагаючы час" ў філіяле Веткаўскага музея ў Гомелі.

Чытаць далей

Выстава "Галаўкіўскі падпаліваны роспіс"

"Галаўкіўскі падпаліваны роспіс"

Персанальная выстава Яўгена Паступайла (Чыгірын, Украіна)

Веткаўскі музей доўгія гады займаецца даследаваннем культуры Веткаўшчыны не столькі ў ізаляваным яе становішчы, колькі праз узаемапранікненне і ўзаемадзеянне розных культур і народнасцяў. Ні для кога не сакрэт, што ў культуры беларусаў і ўкраінцаў вельмі шмат агульнага, асабліва, калі казаць пра геаграфічнае памежжа ў якім знаходзіцца наша Гомельшчына. Традыцыйныя абрады, спевы, рамёствы - усё прасякнута агульнымі рысамі.

Чытаць далей

Выстава "Птушка на Ветцы"

"Пушка на Ветцы"

(Вобраз птушкі ў веткаўскіх рукапісах)

Духоўныя пошукі Веткі першапачаткова былі накіраваны на пераадольванне трагізму раскола, узнаўленне зруйнаванага свету, цэласнасці быцця, у першую чаргу, у душы чалавека. І адзін са шляхоў, які дазваляе гэта зрабіць, складаўся не ў сыходзе ад свету, а ў яго збудаванні праз ідэю вобразнага стварэння райскага "града" на зямлі. Магчыма, пошукі райскай краіны, якую стараабрадцы называлі Белаводдзем, прывялі іх у гэтыя "пустые и зверопастные места".

Чытаць далей

Выстава "Купалы"

"Купалы"

(Вобраз дома і храма ў веткаўскім іканапісе)

Праект "Купалы" па-новаму паставіў пытанні да тэмы нашага былога даследавання - феномена жывапісных ікон у еднасці з устаўнымі літымі абразкамі. Усе гэтыя "артаб’екты", па сутнасці, своеасаблівыя мікракосмы, дзе тэмы "свет-дом-міф" узаемапраяўляюць адзін аднаго. Так, яны - мадэлі светастварэння і ў прыватнасці дома-жылля, аж да дома душы чалавечай. Ад лекавага ківотца з ліццём у хатніх іканастасах - да шыкоўна квітнеючага райскага саду, што ўваходзіць у дом у выглядзе разнога залачонага ківота.

Чытаць далей

Выстава "Людзі і птушкі"

Афіша выставы "Людзі і птушкі" ў філіяле Веткаўскага музея

Птушкі па традыцыйных народных уяўленнях з’яўляюцца вястункамі Бога. Відаць, таму і зя’ўляецца адным з самых улюблёных сюжэтаў ці то ў традыцыйнай вышыўцы, ткацтве, ці то ў драўлянай дамавой разьбе пара птушак. Вера ў звышнатуральныя здольнасці птушак шугае ў сівую даўніну, калі людзі яшчэ верылі, што высока на небе Бог жыве і толькі птушкі могуць да яго даляцець. І на зімку птушкі ляталі таксама ў далі, куды чалавеку не дабрацца. Толькі ўслухаемся ў слова "выРАЙ"… У РАЙскія сады ляталі зімаваць птушкі, таму і "насяляюць" яны з даўніх часоў чырвоныя куты дамоў ў выглядзе вышывак, ды вянчаюць вільчыкі аканіц і дахаў вясковых хат - "там Бог жыве".

Чытаць далей

Выстава "Кветкі ля хаты"

Афіша выставы "Кветкі ля хаты"

Назва беларускага месяца красавік паходзіць ад слова "красаваць", таму і красуе ўсё навокал у гэты час. Палісаднікі нашых дамоў у гэты час пачынаюць свае першыя "подыхі", першыя каляровыя "ўсмешкі". А Веткаўскі музей у гэтыя цудоўныя сонечныя красавіцкія дні прапануе наведвальнікам спазнаць усю прыгажосць квецені ад веснавых падснежнікаў і фіялак, да восеньскіх гладыёлусаў і вяргінь. І гэты гадавы "баль" кветак нам прадстаўляе гомельская мастачка Ганна Пугачова. Яе далікатныя акварэлі побач з не меньш далікатнымі вышыўкамі зачароўваюць і прывабліваюць з аднаго боку сваёй натуралістычнасцю і ў той жа час фантастычнай нерэальнасцю вобразаў у сугуччы з колерамі.

Чытаць далей

Выстава "Зімовыя святы"

Самым светлым, загадкавым і таямнічым зімовым святам па праву лічыцца Раство Хрыстова - 7 студзеня (у праваслаўнай традыцыі). У "Апостальскіх пастановах" ужо ў ІІ ст. гэты дзень вылучаецца як святочны, і прыводзілася яго дата - 25 дзень дзясятага месяца (ад сакавіка). Аднак дата нараджэння Хрыста не мае астранамічнай дакладнасці, нават год вызначаецца ў інтэрвале паміж 12 г. да н.э. і 4 г. н.э., калі за аснову лічыць атаясамленне Віфлеемскай зоркі з каметай Галлея. З’яўленне Бога ў свеце як чалавека сталася беспрэцэндэнтнай магчымасцю для кожнага вярнуць страчанае адзінства Бога, чалавека і света. І гэта не проста гістарычны факт або прыгожая легенда, а назаўжды актуальнае дзеянне Бога ў свеце. Разам з Богам нараджаецца і новы свет, і новы год, і новае жыццё… Да ІХ ст. была распрацавана і прынята іканаграфія Раства Хрыстова, дзе Хрыстос-немаўля ў яслях у пячоры, побач асёл і бык, Іосіф у задуменні, Маці Божая. У Заходняй традыцыі важным з’яўляецца момант пакланення валхвоў (вешчуноў) і пастухоў з дарамі. У эпоху Рэнесанса і Барока гэтыя іканаграфіі ўваходзяць і ў праваслаўны іканапіс, арганічна спалучаючы ўсходні і заходні каноны.

Чытаць далей

Выстава "Што ў Неглюбцы ў сяле..."

Неглюбскія тэкстыльныя традыцыі Веткаўскага раёна ў 2016 годзе занесены ў спіс "Нематэрыяльнай культурнай спадчыны Беларусі". Але ж прызнанне да Неглюбкі і яе майстрыц прыйшло ўжо даўно. Яшчэ з сярэдзіны ХХ стагоддзя неглюбскія ткачыхі пачалі сваю "вандроўку" ў лепшыя выставачныя залы нашай краіны і не толькі: "Мінскі дом мастацтваў", выставачныя пляцоўкі ВДНХ у Маскве, "ЭКСПО" ў Манрэалі і Осака, нават нью-йорскі "Метрапалітэн-музей" набыў неглюбскі ручнік для сваёй калекцыі. А вось сапраўднай скарбніцай неглюбскага "рукадзелля" можна па-праву назваць Веткаўскі музей. Сотні і сотні тэкстыльных вырабаў экспануюцца ў выставачных залах і захоўваюцца ў фондах нашага музея. Сярод іх тканыя і вышытыя ручнікі, посцілкі, дарожкі, фіранкі, абрусы, традыцыйнае адзенне (кашулі, панёвы, паясы, "платкі", гарсэты, запіны, світы).

Чытаць далей

Выстава "Аз, букі, ведзі. Глаголь - дабро"

Тэме "Навучанне грамаце ў стараабрадніцкім асяродку Веткі" прысвечана выстава "Аз, букі, ведзі. Глаголь - дабро", якая адкрываецца 28 кастрычніка 2016 года ў філіяле Веткаўскага музея ў Гомелі.

Той факт, што ў Веткаўскім рэгіёне існавала развітая кніжная культура і кніжнае мастацтва, не выклікае сёння ніякага сумневу. Але гэта было б немагчыма без сталага і бесперапыннага працэсу навучання грамаце. У стараабрадніцкім асяродку цудоўна разумелі, што толькі яна здатная адкрыць вялікі свет традыцыйных ведаў.

Чытаць далей

Выстава "Душа по радужному мосту…"

Аўтар этнаграфічных нататкаў пра Ветку Іван Абрамаў яшчэ ў 1907 годзе бачыў тут "багатыя старажытныя жаночыя ўборы:… прыгожыя парчовыя какошнікі з сеткай жэмчугу, што спускалася на вочы, … вялізныя жамчужныя завушніцы, так званыя "карзінкі" і "малінкі".

Любілі "апранаць" і іконы. Аклады, дакладней, "рызы" на абразы, шылі бісерам і "жэмчугам". Мастацтва іх вырабу вядома на Ветцы, паводле словаў старажыл, "з праку веку", тобок першапачаткова. Узыходзячы яшчэ да візантыйскіх, а пасля і старажытнарускіх узораў, шыццё шмат у чым захоўвае архаічныя прыёмы да 1930-х гадоў. У Веткаўскім музеі ўзнавілі старажытныя мясцовыя тэхналогіі і рэстаўрыруюць унікальныя творы мастацтва.

Чытаць далей

Выстава "Голоса ушедших деревень"

"Голоса ушедших деревень" - адзін з буйнейшых "твораў" нашага музея. Праект пачаўся ў выніку "аварыйнай" сітуацыі. Калі мы зразумелі, што Чарнобыльская катастрофа не прайшла міма Веткаўшчыны. Праўда, тады яшчэ не было зразумела, наколькі маштабным з’яўляецца радыяцыйнае забруджванне рэгіёна. Разам са спецкамандамі па дэзактывацыі населеных пунктаў ездзілі і навуковыя супрацоўнікі музея, хоць яны і не атрымлівалі такога загаду. Інтуіцыя падказвала, што многія беларускія вёскі, стараабрадніцкія слабоды і шляхецкія засценкі асуджаны на высяленне. Так у фонды музея папалі іконы, рукапісныя і старадрукаваныя кнігі, прадметы традыцыйнага адзення і ўзорнага ткацтва, фрагменты архітэктурнага дэкору, розныя побытавыя прадметы і інструмент. А разам з матэряльнай культурай мы імкнуліся зафіксаваць сведчанне вуснай творчасці: спевы, легенды, паданні, расповеды.

Чытаць далей

Выстава "Шыццё як жыццё"

Філіял Веткаўскага музея ў чарговы раз рады прэзентаваць працы гомельскіх майстроў. На гэты раз наведвальнікі музея будуць мець магчымасць атрымаць творчую асалоду ад прац гамяльчанкі Святланы Баразны, якая даволі доўгі час займаецца тэхнікай лапікавага шыцця ("пэчворк").

Як распавядае сама майстар, рукадзеллем займалася заўжды, нават у самым маленькім узросце. У арсенале Святланы Георгіеўны і іголкі з каляровымі ніткамі, і спіцы, і кручкі, і "вілкі" для вязання, і лаза з прыстасаваннямі для пляцення, папера, тканіна, нажніцы… Гэты рад можна працягваць бясконца. Але ж самае блізкае і "цёплае" – гэта лапікавае шыццё. Старыя сукенкі, паліто, нагавіцы, спадніцы, што "захламляюць" нашы шафы, Святлана Баразна па-майстэрску ператварае ў шэдэўры інтэр’ернага дэкору. Многія рэчы могуць служыць як утылітарнай рэччу (сурвэткі пад гарачае, пледы, касметычкі, падушачкі), так і вартым упрыгожаннем для канапы ці цэлага дома.

Чытаць далей

Выстава "Хай будзе цьвердзь пасярод вады…"

Новая выстава ў філіяле Веткаўскага музея прапануе наведвальнікам пагрузіцца ў "філасофію" керамікі Аляксандра Наўгародскага.

Самы старажытны прадмет з абпаленай гліны - керамічная статуэтка "Вестоницкой Венеры" - датуецца 29 - 25 тысячагоддзем да нашай эры. Мабыць, за ўвесь час існавання керамікі як рамяства, гэтая сфера сфармавала не толькі вызначаныя тэхналагічныя каноны, але і своеасаблівую "эстэтыку" і "міфалогію". Па "народнай" Бібліі, менавіта з гліны быў зроблены першы чалавек. Магчыма таму ад шматлікіх мастакоў-керамістаў вельмі часта можна пачуць: "Гліна - гэта жывы матэрыял".

Чытаць далей

Выстава "Евангелле. Кніга на ўсе часы"

Відаць, няма ў свеце больш ні воднай кнігі, што выклікае столькі ж пачуццяў, спрэчак, тлумачэнняў. Ва ўсе часы яна магічна прыцягвала да сябе тысячы і тысячы чалавечых душаў, якія імкнуліся да спазнання ісціны. На кожным этапе свайго жыцця мы зноў і знаў вяртаемся да гэтых тэкстаў, імкнучыся зразумець філасофскую глыбіню, мудрасць, што змешчаныя ў алегарычннай мове. Кнігі евангелістаў напоўненыя прытчаў, афаразмаў, якія і сёння жывуць у нашых прамовах. Вось толькі некаторыя з іх: "няма нічога таямнічага, што не зрабілася б відавочным", "Тое што мае вушы чуць, ды пачуе", "Хто не супраць вас, той за вас", "Няма прарокаў у сваёй айчыне", "Не судзіце, да не судзімымі будзеце", "Многія будуць першыя апошнімі, і апошнія першымі", "Хто без граху, першы кінь камень", "Палюбі блізкага свайго, як самога сябе".

Чытаць далей

Выстава "Ростань"

Ростань – месца, дзе водзяцца нячысцікі. Тут робяць свае цёмныя справы варажбіты. Тут хаваюць самагубцаў. Ростань – месца на мяжы з іншасветам, вельмі небяспечнае для чалавека…

Таямнічасць скрыжавання дарог у традыцыйным уяўленні беларусаў стала лейтматывам выдадзенага ў 2015 годзе музычнага альбома гомельскага гурта "Млын Сонца". Зробленыя да альбома "Ростань" арыгіналы ілюстрацый музыкі калектыву Цімафея Палуніна прадстаўлены на аднайменнай выставе. А таксама змайстраваныя ім этнічныя інструменты – колавая ліра, дуда, гудок, гуслі.

Чытаць далей

Выстава "Дивен Бог во святых Своих"

Выстава "Дивен Бог во святых Своих" стала сумесным праектам Веткаўскага музея і Гомельскай епархіі Беларускай Праваслаўнай Царквы.

Тэматычныя блокі прысвечаны асабліва шануемым святым у народзе: Мікалаю Цудатворцу, Іллі Прароку, Георгію, Варвары Вялікапакутніцы; асобным Багародзічным іканаграфіям, выяўленым на нашай зямлі; Пакрову Прасвятой Багародзіцы - вялікага свята ў Рускай Праваслаўнай Царкве; св. кн. Аляксандру Неўскаму; прп. Сергію Раданежскаму; прп. Серафіму Сароўскаму; нядаўна праслаўленым Царквой святым - Аляксею Лельчыцкаму і Іаану Кармянскаму.

Чытаць далей

Выставка "Прикосновение к прекрасному"

"Прикосновение к прекрасному" - именно так называется выставка авторской живописи и вышивки гомельчанки Анны Пугачевой.

Удивительнейшим образом эта мастерица позволяет каждому, кто соприкасается с её работами, заглянуть в мир прекрасного. С одной стороны - хрупкого и нежного, а с другой - мощного и импульсивного искусства. Каждый штрих карандаша или пера, каждый мазок кистью, каждый шов нитью заманивает нас постичь внутреннюю красоту работ Анны Пугачевой.

Чытаць далей

Яшчэ артыкулы ...

"Веткаўскі музей стараабрадніцтва і беларускіх традыцый" г. Ветка, Беларусь - Copyright © 2012-2018.
Усе правы абаронены. Капіраванне матэрыялаў дазволена толькі са спасылкай на сайт-крыніцу.