Навіны

Далучайцеся да традыцыі «Гукання вясны» разам з Веткаўскім музеем.

Дзе: збор на пляцоўцы каля філіяла Веткаўскага музея
Калі: 3 красавіка (субота) 2021, 12:00
Тэлефон: 50-96-98

Любы жадаючы можа далучыцца да нас!

Амаль што кожны год Веткаўскі музей разам с наведвальнікамі падтрымлівае традыцыйны лад. У гэты раз мы будзем «Гукаць вясну».

Працягваецца творчае супрацоўніцтва Веткаўскага музея і навучальных устаноў г. Веткі. Вось і сёння ў зале, дзе звычайна праводзяцца заняткі паводле інтэрактыўнага праекта для дзяцей «Спазнаю гісторыю рукамі», адбыліся заняткі па новай тэме «Крыніцы ў Веткаўскім раёне», замоўленай выхавацелямі Дашкольнага цэнтра развіцця дзіцяці г. Веткі.

Падчас экспедыцый, якія праводзіліся Веткаўскім музеем па Гомельшчыне, Магілёўшчыне, Бранскай вобласці (Расія), супрацоўнікамі было запісана даволі многа цікавых аповедаў, легенд, звязаных са з’яўленнем крыніц, іх назваў. І, вядома, былі аповеды пра абрады, святкаванні, якія праводзілі і праводзяць жыхары той ці іншай вёскі каля крыніц.

Гэтыя намоленыя месцы дзе-нідзе ў Беларусі называюць прошчамі. Самі крыніцы, азёры, і мясцовасць, дзе яны знаходзяцца, уяўляюцца мясцовымі людзьмі як святыя мясціны. Да крыніц, каля якіх звычайна стаяць аброчныя крыжы з аброчнымі ручнікамі, прыходзяць людзі, каб памаліцца Богу, Маці Божай, папрасіць аб нечым важным. На тое ж яны і «ключы», «жыўцы», - так называюць крыніцы ў нашых мясцінах. І да вады звяртаюцца з надзеяй, са словамі: «Святая вадзіца, усяму свету памашніца! Памагала ты ўсяму свету, памажы і мне…»

Выстава, прысвечаная памяці выдатнага паэта Дзмітрыя Кавалёва, была адкрыта 4 сакавіка ў памяшканні Веткаўскай раённай бібліятэкі. Над яе зместам і афармленнем працавалі як супрацоўнікі Веткаўскага музея стараабрадніцтва і беларускіх традыцый імя Ф.Р. Шклярава, так і бібліятэкары.

Тэма выстаўкі – творчасць паэта-земляка Дзмітрыя Міхайлавіча Кавалёва, яго жыццяпіс, аўтабіяграфічныя звесткі, дзённікавыя запісы, у якіх раскрываюцца характар, светапогляд аўтара. Ідэя выстаўкі – пазнаёміць прысутных з цудоўнымі вершамі паэта, пераканаць наведвальнікаў у тым, што паэзія Д.М. Кавалёва была актуальнай як у ранейшы часы, такой жа застаецца і ў сённяшнія дні: «…Многие его строки свежи, будто написаны сегодня», па словах сына паэта, Міхаіла Дзмітрыевіча Кавалёва (з прадмовы да кнігі Дзмітрыя Кавалёва «Нет вечных истин ничего новей»).

Шчырасць і бескампраміснасць выказванняў, вера ў дабрыню і высакароднасць людзей, непрыняцце хлусні, тонкае адчуванне непаўторнай прыгажосці родных мясцін, сум па Ветцы, дзе пахавана маці паэта, імкненне і ўменне найбольш проста выказваць думкі, пабудова многіх вершаў у форме дыялогу - адметныя рысы паэзіі Дзмітрыя Кавалёва.

Яшчэ адна магчымасць даведацца пра архітэктуру Гомеля на нашай экскурсіі, якая пачнецца на выставе «Ішоў па горадзе майстар...» і працягнецца на вуліцах горада!

Дзе: пачатак экскурсіі ў філіяле Веткаўскага музея, працяг — вуліцы Гомеля
Калі: 27 лютага (субота) 2021, 12:00
Кошт удзелу: 6,00 руб.
Тэлефон: 50-96-98

«Ішоў па горадзе майстар...» — гэта, бадай, першая выстава музея, дзе разам сустрэліся артэфакты і дакументы, якія адносяцца да традыцыйнай драўлянай архітэктуры і да архітэктуры прафесійнай. Безыменныя майстры і выбітныя прафесіяналы, мастацкія стылі і дзедаўскія прыёмы, столяры і муляры, архітэктары і брыгадзіры. Дзякуючы ім мы можам любавацца сённяшнім Гомелем. Але гэта яшчэ не ўвесь пералік тых, каго мы маем гонар менаваць майстрамі. Яшчэ гэта студэнты-архітэктары, мастакі, даследчыкі, музейныя супрацоўнікі, краязнаўцы, дзякуючы якім, здавалася, страчаныя незваротна архітэктурныя цікавосткі могуць вярнуцца ў якасці чарцяжоў, малюнкаў, макетаў, а можа, калісьці, і ў якасці рэальных абектаў, адроджаныя руплівай рукой удзячнага майстра. Зрэшты, майстар — кожны з вас, шаноўныя наведвальнікі, шчыроўцы роднага горада.

Філіял Веткаўскага музея запрашае на творчую сустрэчу-развагу «Я тибе пою про любовь твою».

Дзе: філіял Веткаўскага музея ў Гомелі (плошча Леніна, 4А)
Калі: 14 лютага (нядзеля) 2021, 15:00
Кошт удзелу: уваходны квіток у музей (2,00 руб.)
Тэлефон: 50-96-98

Наша сустрэча адбудзецца у межах выставы «Як палюбіла, так і зрабіла!», якая прысвечана неглюбскай традыцыі ткацтва і, менавіта, Марыі Паўлаўне Каўтуновай. На ёй мы пагаворым з нашымі наведвальнікамі пра каханне ў кантэксце традыцыйнай культуры.

Этна-вечарына ў Філіяле Веткаўскага музея ў Гомелі! Моладзь заўжды была ініцыятарам усяго самага паспяховага, вясёлага ды пазітыўнага.

Дзе: філіял Веткаўскага музея ў Гомелі (плошча Леніна, 4А)
Калі: 31 студзеня (нядзеля) 2021, 15:00
Кошт удзелу: уваходны квіток у музей (2,00 руб.)
Тэлефон: 50-96-98

Так адбудзецца і ў гэты раз у філіяле Веткаўскага музея ў Гомелі!

Студэнты Беларускай дзяржаўнай акадэміі музыкі, студэнты Гомельскага каледжа мастацтваў імя Сакалоўскага вырашылі, што годзе сядзець дома — прыйшоў час для спеваў, танцаў ды гульняў!

Філіял Веткаўскага музея ў Гомелі прапаноўвае ўсім жадаючым далучыцца да святкавання Раства!

На працягу трох дзён будзе праходзіць творчая імпрэза «Як Каза з Калядой да Марыі прыйшла».



ЧАСТКА ПЕРШАЯ

7 студзеня (чацвер) 2021 на старонках Vkontakte і Facebook будзе апублікавана відэа майстар-класа па калядным спевам, які будзе праводзіць сябра Веткаўскага музея — Наталля Кадзетава.

Графік працы Веткаўскага музея і гомельскага філіяла ў святочныя дні:

31 снежня 2020 — да 13:00

1,2 студзеня 2021 — выхадны дзень

6 студзеня 2021 — да 17:00

7 студзеня 2021 — выхадны дзень

Жадаем шчаслівых і натхняльных святаў!

У 2019 г. гамяльчанка Святлана Лазарэнка зафіксавала на фота цудоўныя імгненні калядавання ў вёсцы Стаўбун Веткаўскага раёна. Яе праца стала зместам выставы «Раю раіўся, Хрыстос нарадзіўся!..», падрыхтаванай супрацоўнікамі Веткаўскага музея стараабрадніцтва і беларускіх традыцый імя Ф.Р. Шклярава ў памяшканні Веткаўскай раённай бібліятэкі.

На адкрыцці выставы прысутныя даведаліся, чаму менавіта вёска Стаўбун стала прыцягальнай для калядоўшчыкаў, якія сувязі існавалі ды існуюць паміж яе жыхарамі і сябрамі «Талакі» — гомельскім аб'яднанні моладзі (фотаздымкі Святланы Лазарэнка захоўваюцца ў архіве аб'яднання).

Хараство зімовага вечара, людзі, паяднаныя чаканнем чагосьці незвычайнага, адчуванне тваёй далучанасці да Божай таямніцы нараджэння… — невыказнае бачыш на фотаздымках.

Ужо традыцыйна, Веткаўскі музей для самых маленькіх сваіх наведвальнікаў праводзіць каляднае мерапрыемства. Гэты год не будзе выключэннем. У гэты раз перад тым як правесці батлеечную п'есу «Цар Ірад», мы сумесна зробім лялек з тканіны, а потым будзем выкарыстоўваць іх у батлейке!

Дзе: філіял Веткаўскага музея ў Гомелі* (плошча Леніна, 4А)
Калі: 25 снежня (пятніца) 2020, 12:00
Кошт удзелу: 6,00 руб. з кожнага чалавека (дзецям да 3-х гадоў бясплатна)
Тэлефон: 50-96-98
*кожны ўдзельнік павінен быць у масцы

«Мікольскія» Свечы на Гомельшчыне: традыцыі «народнага» хрысціянства.

Веткаўскі музей шмат гадоў даследуе ўнікальную для Беларусі традыцыю «Іконы-Свячы»: ездзіць у экспедыцыі, выдае артыкулы і кнігі, ладзіць выставы і лекцыі.

На гэты раз, напярэдадні экспедыцыі ў Чачэрскі раён на абрад «Мікольскай Свячы» запрашаем наведвальнікаў музея на творчую сустрэчу, каб падзяліцца вопытам, ведамі і сакрэтамі ў гэтым накірунку «народнага» хрысціянства.

Дзефіліял Веткаўскага музея ў Гомелі* (плошча Леніна, 4А)
Калі: 18 снежня (пятніца) 2020, 17:30
Кошт удзелу: 2,00 руб.
Тэлефон: 50-96-98
*І не забудзьцеся, калі ласка, на сустрэчу апрануць маску!

У памяшканні Веткаўскай раённай бібліятэкі наладжана выстава «…Альбом у меня всегда был с собой», прысвечаная 95-годдзю з Дня нараджэння Ф.Р. Шклярава, 75-годдзю Перамогі ў Вялікай Айчыннай вайне.

Вайна, пасляваенны час, убачаныя вачыма юнака, творчая асоба Ф.Р. Шклярава — асноўныя тэмы выставы, падрыхтаванай супрацоўнікамі Веткаўскага музея, які носіць імя свайго знакамітага заснавальніка. Фёдар Шкляраў перадаў у музей, заснаваны 30 лістапада 1978 года, 500 экспанатаў з уласнай калекцыі. У 1983 г. ён падарыў найбольш каштоўную і ўнікальную калекцыю: дванаццаць кніг ХVI ст.

На працягу ўсяго свайго жыцця Фёдар Рыгоравіч захапляўся мастацтвам, даследваў мясцовую гісторыю. Нарадзіўся ён вясной 1925 г. Пасля заканчэння сямі класаў Веткаўскай СШ працаваў паштальёнам. Афіцыйную сярэднюю адукацыю атрымаў толькі к 40 гадам. Перад вайной паступіў у Харкаўскае мастацкае вучылішча. Прыйшоў выклік, але вучыцца не давялося: не было грошай на дарогу. З 1939 па 1943 год працаваў цесляром на Веткаўскай судаверфі. Двойчы адслужыў у войску — у ваенны і пасляваенны час. Пасля службы ў войску скончыў школу працоўнай моладзі, працаваў у мастацкай майстэрні г. Гомеля. Быў мастаком у Гомельскім драмтэатры. Пазней працаваў у Ветцы ў розных установах. Як умеў, вучыў маляваць таленавітых веткаўскіх падлеткаў (пра гэта ўзгадваў беларускі мастак Алесь Цыркуноў).

Тэмай этна-вечарыны «Кудзеліца», якую зладзіць філіял Веткаўскага музея пры падтрымцы сваіх сяброў — прадзенне. Той, хто прыйдзе да нас у суботу даведаецца пра таямніцы гэтага «бабскага» рамяства, таму што менавіта з кастрычніка і да Каляд, гэта заставался адной з самых галоўных «бабскіх» спраў.

Дзе: філіял Веткаўскага музея ў Гомелі*
Калі: 24 кастрычніка (субота) 2020, 15:00
Кошт удзелу: 3,00 руб.
Тэлефон: 50-96-98

На аўтэнтычным матэрыяле супрацоўнікі музея падрыхтуюць для вас майстар-класы. Для таго каб ажыццявіць задуманае Веткаўскі музей дастане з «закрамоў» грэбні, часала ды верацёна, каб разам з удзельнікамі прайсці ўсе этапы вырабу ніткі. Кожны з вас зробленую нітку зможа забраць з сабой. Асноўным матэрыялам для яе вырабу будзе воўна, а прасці будзем на верацёнах. Таксама падчас этна-вечарыны мы будем разам спяваць традыцыйныя спевы.

«Пчаліныя цуды» — пад такой назвай 22, 23 верасня адбыліся заняткі для вучняў 2А, 2Б класаў СШ №1 г. Веткі імя А.А. Грамыкі. Інтэрактыўны праект для дзяцей і падлеткаў дзейнічае ў Веткаўскім музеі ўжо трэці год. Вышэй названыя заняткі, гэтаксама як і іншыя, праводзяцца паводле праграмы супрацоўнікамі музея.

Пчаліныя цуды пачаліся адразу, як толькі вучні 2Б класа разам з класным кіраўніком падыйшлі да адміністрацыйнага будынка музея. Па-над блакітнымі дробненькімі кветкамі, пасаджанымі каля музея, звінела некалькі пчол. Дзеці першымі іх заўважылі. Побач, проста паміж пліткамі, вырасла і расцвіла блакітная кветка. Відаць, вецер занёс сюды насенне. І, на дзіва, яно прарасло ў такім суровым месцы, нібыта чазенія (дрэва, якое першым пасяляецца на камяністых схілах на Далёкім Усходзе).

У апошнія цёплыя восеньскія дні, у пару бабінага лета, і кветкі, і пчолы імкнуцца радаваць адно аднаго. Такая вось простая, мудрая, стваральная сіла жыцця: кветкі — для пчолак, і пчолкі — для кветак.

«Дзень архітэктара» — так называецца экскурсія-пагулянка, якая пачынаецца ў прасторы музейнай экспазіцыі, a пасля працягваецца на вуліцах горада.

Дзе: пачатак экскурсіі ў філіяле Веткаўскага музея ў Гомелі, працяг — вуліцы Гомеля
Калі: 4 кастрычніка (нядзеля) 2020, 10:00
Кошт удзелу: 6, 00 руб.
Тэлефон: 50-96-98

У філіяле Веткаўскага музея 21 жніўня пачала працаваць выстава «Ішоў па горадзе майстар...». Гомельская архітэктура: стваральнікі, тэхналогіі, вобразы. Гэта, бадай, першая выстава музея, дзе разам сустрэліся артэфакты і дакументы, якія адносяцца да традыцыйнай драўлянай архітэктуры і да архітэктуры прафесійнай. Безыменныя майстры і выбітныя прафесіяналы, мастацкія стылі і дзедаўскія прыёмы, столяры і муляры, архітэктары і брыгадзіры. Дзякуючы ім мы можам любавацца сённяшнім Гомелем. Але гэта яшчэ не ўвесь пералік тых, каго мы маем гонар менаваць майстрамі. Яшчэ гэта студэнты-архітэктары, мастакі, даследчыкі, музейныя супрацоўнікі, краязнаўцы, дзякуючы якім, здавалася, страчаныя незваротна архітэктурныя цікавосткі могуць вярнуцца ў якасці чарцяжоў, малюнкаў, макетаў, а можа, калісьці, і ў якасці рэальных абектаў, адроджаныя руплівай рукой удзячнага майстра. Зрэшты, майстар — кожны з вас, шаноўныя наведвальнікі, шчыроўцы роднага горада.

Веткаўскі музей распачынае новы сезон этна-вечарын і запрашае ўсіх далучыцца да рэканструкцыі абраду «Жаніцьба коміна»!

Дзе: філіял Веткаўскага музея ў Гомелі
Калі: 26 верасня (субота) 2020, 16:00
Кошт удзелу: 3, 00 руб.
Тэлефон: 50-96-98

Святло — пачатак жыцця ўсяго існуючага. Невыпадкова, што Сонцу, як крыніцы яго, адводзілася першае месца сярод нябесных свяціл, да якіх людзі звярталіся за дапамогай.

Лета скончылася, але наш праект працягвае знаёміць вас з цікавымі экспанатамі, таму што фонды Веткаўскага музея не змяншаюцца, а наадварот кожны месяц папаўняюцца.

У верасні Online-лекторый «СРЕДА общения» пазнаёміць вас з культурным асяроддзем унікальнай вёскі Неглюбка праз экспанаты Веткаўскага музея.

Прапануем наступныя тэмы:

02.09 — Катастрафічны мікракосм неглюбскага ручніка (Нячаева Г.Р.)

09.09 — Ручнік як вітраж (Нячаева Г.Р.)

Каб нас радавалі пчолы, а мы — іх!

Паміж Веткаўскім музеем стараабрадніцтва і беларускіх традыцый імя Ф.Р. Шклярава і дзяржаўнымі ўстановамі адукацыі г. Веткі здаўна існуе цеснае супрацоўніцтва. На працягу амаль трыццаці гадоў пры музеі дзейнічае Школа старажытнай і сучаснай культуры «Аз, букі, ведзі — глаголь дабро!». Па праграме Школы супрацоўнікі музея праводзяць музейна-педагагічныя заняткі для вучняў СШ №1 г. Веткі імя А.А. Грамыкі, выхаванцаў чатырох дашкольных дзіцячых устаноў г. Веткі. Заняткі праводзяцца як у экспазіцыях музея, так і ў адукацыйных установах. «Абрад «Свяча» у вёсках Веткаўскага раёна» — занятак, падчас якога распавядаецца пра асаблівасці правядзення мясцовага абраду ў розных вёсках Гомельшчыны, пра яго сутнасць, пра выраб свечак з воску — адзін з самых запамінальных, адметных. Тым болей, што ў экспазіцыі музея прадстаўлены абрадавыя комплексы «Свячы» (з Веткаўскага, Добрушскага, Чачэрскага раёнаў Гомельскай вобласці) — розныя на выгляд хатнія агмені, на якіх вернікі ў час малітвы запальваюць свечкі.

Веткаўскі музей працягвае працаваць для Вас у Online-фармаце. Усе жнівеньскія сустрэчы прысвечаны новай і вельмі цікавай выставе, пра якую мы раскажам трошкі пазней. Не забываем, што кожную сераду ў 15:00 мы сустракаемся з Вамі.

Жнівеньскія тэмы Online-лекторыя «СРЕДА общения»:

  • 05.08 — «Акно, як яно ёсць». Драўляная архітэктурная разьба і веткаўскі стыль. (Скідан А.В.)
     
  • 12.08 — «Книга: окно в иной мир». Об «архитектуре» ветковских рукописей. (Лявонцьева С.І.)
     
  • 19.08«Архитектура Покрова». Ветковская иконопись. (Нячаева Г.Р.)
     
  • 26.08 — «Дом-Мір-Міф». Абрады і звычаі звязаныя з будоўляй дома. (Цалка П.М.)

Сябры.

З 1 ліпеня 2020 Веткаўскі музей і яго філіял ў Гомелі пачынае працаваць з некаторымі зменамі. Цяпер Вы можаце наведаць музей і філіял у Гомелі ў ЛЮБЫ зручны для Вас час, таму што мы працуем без выхадных і перапынкаў.

МУЗЕЙ (г. Ветка):
штодзённа без выхадных з 9:00 да 18:00


ФІЛІЯЛ (г. Гомель):
штодзённа без выхадных з 9:30 да 18:00

Русскоязычный сайт Ветковского музея  Китайскоязычная страница Ветковского музея
bezh-CNenfrderues
Facebook  vKontakte  Instagram
  Яндекс.Метрика