Навіны

Каб нас радавалі пчолы, а мы — іх!

Паміж Веткаўскім музеем стараабрадніцтва і беларускіх традыцый імя Ф.Р. Шклярава і дзяржаўнымі ўстановамі адукацыі г. Веткі здаўна існуе цеснае супрацоўніцтва. На працягу амаль трыццаці гадоў пры музеі дзейнічае Школа старажытнай і сучаснай культуры «Аз, букі, ведзі — глаголь дабро!». Па праграме Школы супрацоўнікі музея праводзяць музейна-педагагічныя заняткі для вучняў СШ №1 г. Веткі імя А.А. Грамыкі, выхаванцаў чатырох дашкольных дзіцячых устаноў г. Веткі. Заняткі праводзяцца як у экспазіцыях музея, так і ў адукацыйных установах. «Абрад «Свяча» у вёсках Веткаўскага раёна» — занятак, падчас якога распавядаецца пра асаблівасці правядзення мясцовага абраду ў розных вёсках Гомельшчыны, пра яго сутнасць, пра выраб свечак з воску — адзін з самых запамінальных, адметных. Тым болей, што ў экспазіцыі музея прадстаўлены абрадавыя комплексы «Свячы» (з Веткаўскага, Добрушскага, Чачэрскага раёнаў Гомельскай вобласці) — розныя на выгляд хатнія агмені, на якіх вернікі ў час малітвы запальваюць свечкі.

Веткаўскі музей працягвае працаваць для Вас у Online-фармаце. Усе жнівеньскія сустрэчы прысвечаны новай і вельмі цікавай выставе, пра якую мы раскажам трошкі пазней. Не забываем, што кожную сераду ў 15:00 мы сустракаемся з Вамі.

Жнівеньскія тэмы Online-лекторыя «СРЕДА общения»:

  • 05.08 — «Акно, як яно ёсць». Драўляная архітэктурная разьба і веткаўскі стыль. (Скідан А.В.)
     
  • 12.08 — «Книга: окно в иной мир». Об «архитектуре» ветковских рукописей. (Лявонцьева С.І.)
     
  • 19.08«Архитектура Покрова». Ветковская иконопись. (Нячаева Г.Р.)
     
  • 26.08 — «Дом-Мір-Міф». Абрады і звычаі звязаныя з будоўляй дома. (Цалка П.М.)

Сябры.

З 1 ліпеня 2020 Веткаўскі музей і яго філіял ў Гомелі пачынае працаваць з некаторымі зменамі. Цяпер Вы можаце наведаць музей і філіял у Гомелі ў ЛЮБЫ зручны для Вас час, таму што мы працуем без выхадных і перапынкаў.

МУЗЕЙ (г. Ветка):
штодзённа без выхадных з 9:00 да 18:00


ФІЛІЯЛ (г. Гомель):
штодзённа без выхадных з 9:30 да 18:00

Ноч музеяў 2020 дорыць наведвальнікам яшчэ адзін цікавы «падарунак». Пазнаёміцца з экспазіцыямі і праектамі Веткаўскага музея і яго філіяла ў Гомелі можна будзе не проста НОЧЧУ, але яшчэ ў рэжыме ONLINE, застаючыся пад цёплым пледам дома.

18 мая — МІЖНАРОДНЫ ДЗЕНЬ МУЗЕЯЎ. І менавіта ў гэты дзень Вас чакаюць неверагодныя вандроўкі па начных залах музея.

Веткаўскі музей у гэтым годзе святкуе вельмі значны юбілей — 95 год са дня нараджэння свайго заснавальніка Фёдара Шклярава. На жаль, яго ўжо няма разам з намі, але кожны хто працуе ў музеі ведае, што Фёдар Рыгоравіч за намі НАЗІРАЕ і натхняе на цікавыя адкрыцці і плённую працу. Таму і тэма ночы музеяў гэтага года — «НАЧНЫ ДАЗОР».

Замілаванне прайсціся цяністымі вуліцамі, удыхваючы водар кветак, забыўшыся пра імклівы рытм жыцця, які нясецца зусім побач, па суседніх магістралях. Яшчэ якіх дваццаць гадоў таму «Залінія» была сапраўдным кландайкам для аматараў драўлянай архітэктуры і дэкаратыўнай дамавой разьбы. Якіх толькі ліштваў, падзораў, варотаў, ганкаў тут не даводзілася бачыць! Безліч тыпаў упрыгожванняў і варыянтаў арнаментальных кампазіцый! Дамы на цотным і няцотным баках вуліцы, здавалася, навыперадкі дэманстравалі вартасці местачковай архітэктуры, спаборнічалі ў дэкаратыўных адметнасцях…

Дом №16 на вул. Ауэрбаха, якая даўней называлася Скобелеўскай, 1916 г. пабудовы славіўся сваімі вулічнымі ганкамі і філянговымі дзвярамі, і кожны, сапраўдны гарадзкі патрыёт, трапіўшы на гэтую вуліцу, рады быў бы прайсці пад ажурнымі драўлянымі карункамі былога слупавога ганку.

Адзін у полі не воін – у апошнія часы гэта народная мудрасць не раз абвяргалася дзейным і творчым удзелам асобы. Колькі вядома такіх непасед, якія здолелі сур'ёзна змяніць звычайны ход гісторыі. Імя веткаўчаніна Фёдара Шклярава, стваральніка мясцовага музея, – якраз з гэтага шэрагу.

Русскоязычный сайт Ветковского музея  Китайскоязычная страница Ветковского музея
bezh-CNenfrderues
Facebook  vKontakte  Instagram
  Яндекс.Метрика