Навіны

Сустрэча «Гомельскі патрыятызм: выдумка ці рэальнасць» адбываецца ў межах выставы «Гомель. 1929», дзе прадстаўлены больш 30-ці фотаздымкаў гомельскай сям'і ў яе штодзённым жыцці, датаваных 1929 годам.

Дзе: філіял Веткаўскага музея (г. Гомель, Плошча Леніна, 4, цэнтральны парк, за саборам Пятра і Паўла)
Калі: 27 снежня (пятніца) 2019, 18:00
Кошт: 2 р. 00 к.
Тэлефон: 8(0232) 75-88-86

Актуальнасць тэмы гарадскога патрыятызма даўно агучвалася ў асяродку людзей, якія неабыякава адносіліся да мясцовага краязнаўства, гісторыі, культуры. Гомель, адзін з абласных цэнтраў Беларусі, які не сфармаваў выразнай гарадской культуры, бо фармальна стаў горадам толькі ў сярэдзіне ХIX ст. Аднак, за апошняе стагоддзе, у выніку імклівага росту, у выніку складаных гістарычных працэсаў і драматычных падзей сфармаваліся выразныя рысы гомельскай свядомасці, своеасаблівы ментальны партрэт гомельца, які вядомы нам, дзякуючы дакументам, мемуарнай літаратуры, фота ды інш. Але варта адзначыць, што сёння, гэтыя дадзеныя не сістэматызаваны, і, што больш турбуе, не асэнсаваны. Адсутнічае такі напрамак даследванняў як «гомелезнаўства», прытым, што даследванні ў вобласцi гісторыі, этнаграфіі, культуры, экалогіі ды іншых дысцыплінаў так ці інакш закранаюць межы горада і ягоных ваколіцаў.

Беларускі народны лялечны тэатр — батлейка ў філіяле Веткаўскага музея.

Дзе: філіял Веткаўскага музея (г. Гомель, Плошча Леніна, 4, цэнтральны парк, за саборам Пятра і Паўла)
Калі 25 снежня (серада) 2019, 11:30
Кошт: 3 р. 00 к. (дзецям да 3-х гадоў бясплатна)
Тэлефон: 8 (0232) 75-88-86

Філіял Веткаўскага музея запрашае нашых самых юных наведвальнікаў і іх бацькоў на Каляднае інтэрактыўнае мерапрыемства (працягласць каля 1-й гадзіны), якое ўключае ў сябе:

Майстар-клас па вырабе елачнай цацкі з ваты.

Дзе: філіял Веткаўскага музея (г. Гомель, Плошча Леніна, 4, цэнтральны парк, за саборам Пятра і Паўла)
Калі: 14 снежня (субота) 2019, 14:00
Кошт: уваходны квіток у музей*
Тэлефон: 8 (0232) 75-88-86
*Усе матэрыялы прадастаўляюцца музеем

Зусім хутка наступіць Новы год, кожная сям'я чакае гэта свята з нецярплівасцю. Кожны чалавек святкуе гэты дзень па-рознаму. У першую чаргу Новы год сімвалізуецца з навагоднімі ўпрыгожваннямі.

Адкрыццё выставы «Корни и ветви». Мастацтва рукапіснай кнігі Ветцы ў кантэксце еўрапейскай кніжнай культуры.

Дзе: філіял Веткаўскага музея (г. Гомель, Плошча Леніна, 4, цэнтральны парк, за саборам Пятра і Паўла)
Калі: 13 снежня (пятніца) 2019, 17:00
Тэлефон: 8 (0232) 75-88-86

«Веткаўскі кніжны арнамент», «веткаўскі мастацкі стыль рукапіснай кнігі» — такія паняцці былі ўведзены ў навуковы абарот дзякуючы яго высокаму мастацкаму ўзроўню, вялікай ступені арыгінальнасці і пазнавальнасці.

6 снежня (пятніца) 2019 у 17:00 у Нацыянальным мастацкім музеі Рэспублікі Беларусь (г. Мінск) адбудзецца адкрыццё выставы «Всегда готов, храбрствуя...». Мастак і вобраз. Прорысы і іконы XVIII-XIX стст.

Гэта ўжо не першы раз калі Веткаўскі музей дэманструе свае выставы ў сталіцы нашай дзяржавы. Да гэтага часу выстава экспанавалась у філіяле Веткаўскага музея ў Гомелі. А зараз, на працягу амаль двух месяцаў мінчане і госці сталіцы будуць мець цікавую магчымасць азнаёміцца з веткаўскай школай іканапісу і унікальнай, адзінай у Беларусі, калекцыяй прорысаў (контурных малюнкаў, знятых з арыгіналаў ікон), якой валодае Веткаўскі музей.

Запрашаем вас на майстар-клас па стварэнню і перанясенню прорыса (контурнага малюнка) на драўляную нарыхтоўку.

Дзе: філіял Веткаўскага музея (г. Гомель, Плошча Леніна, 4, цэнтральны парк, за саборам Пятра і Паўла)
Калі: 22 лістапада (пятніца) 2019, 17:00, 23 лістапада (субота) 2019, 14:00
Кошт: уваходны квіток у музей*
Тэлефон: 8(0232) 75-88-86
*Усе матэрыялы прадастаўляюцца музеем

Тэрмін «прорыс» сустракаецца ў розных дысцыплінах. Часцей за ўсё яго звязваюць з іканапісам. Веткаўскі музей — адзіны ў Беларусі, які валодае унікальнай калекцыяй прорысаў.

У ткацкай майстэрне філіяла Веткаўскага музея адбылося адкрыццё аўтарскай выставы Віктара Шыпкова «И швец, и жнец, и на дуде игрец». Зацікавіліся мы гэтым майстрам невыпадкова. Віктар — даўні сябар музея, і ведаем мы яго, як заліхвацкага гарманіста, які грае на філіяле, калі ладзяцца разнастайныя мерапрыемствы. Але ж мы прапануем паглядзець на аўтара з іншага боку, на чалавека, які вельмі цікавіцца традыцыйнай культурай.

У суботу, 5 кастрычніка 2019, у ткацкай майстэрне філіяла сабраліся такія ж зацікаўленыя народнай культурай людзі, як і сам Віктар. Адкрыццё выставы не было тыповым, а з майстар-класам. Аба ўсім па парадку.

Веткаўскі музей прываблівае людзей тым, што ў ім наведвальнікі адчуваюць чалавечы дух, то, што зусім нядаўна бачылі самі ў доме бацькоў, альбо бабулі ці дзядулі, а зараз — гэта рэчы з прыватнай калекцыі. Дзякуючы Віктару Шыпкову ў нашым музеі працягваецца дэманстрацыя народнай культуры і традыцый. У дадзеным выпадку, гэта в. Маркавічы (Гомельскі р-н). Калі людзі прапануюць шчыра то, што ім самім падабаецца, то кожны гэта адчувае. Дадайце гэтаму разважанні пра канкрэтных персон, якіх вы ня ведаеце, але, дзякуючы ўбачанаму, усе становіцца крышачку бліжэй да нас, адчуваеш сабе ва утульнай хаце.

Апошні набытак музея ў калекцыю дэкаратыўнай дамавой разьбы — падарунак гомельскага гісторыка, даследчыка драўлянай архітэктурнай разьбы Яўгена Малікава. Гэта надваконная «карона», наверша аконнай ліштвы быхаўскага дома пачатку-першай чвэрці XХ ст.

Як водзіцца, стан такога элемента упрыгожвання даволі кепскі. І нават час тут ні пры чым.

Пры умацаванні разьбянога элемента да гарызантальнай паліцы ў прыдатны для гэтага дэкаратыўны вузел, а пасля для сушчаплення трэснутага элемента было убіта каля дзесяці цвікоў рознага «калібра». Цікава, што большасць масіўных цвікоў маюць квадратнае сячэнне, што падцвярджае даціроўку «кароны».

Сезон этна-вечарын працягваецца! У гэты раз Вас чакае традыцыйнае беларускае ВЯСЕЛЛЕ ў філіяле Веткаўскага музея (г. Гомель, Плошча Леніна, 4, цэнтральны парк, за саборам Пятра і Паўла).

Калі: 9 лістапада (субота) 2019, 16:00
Кошт: 3 р. 00 к.
Тэлефон: 8(0232) 75-88-86

Гуляць традыцыйнае беларускае вяселле кожны год стала для нас ужо традыцыяй. Гэты год не будзе выключэннем. Раней, вяселле прадстаўляла сабой цэлы комплекс самых розных абрадавых дзеянняў. Некаторыя з іх дайшлі да сённяшняга часу і нават выкарыстоўваюцца ў сучасным вяселлі. Гаворачы аб сучаснасці, большая частка вясельных традыцый была запазычана з Захаду, і яны ніколі не сустракаліся на беларускіх землях.

Напярэдадні Вясельнай этна-вечарыны запрашаем вас на майстар-клас па вырабу вясельнага вянка.

Дзе: філіял Веткаўскага музея ў Гомелі (г. Гомель, Плошча Леніна, 4, цэнтральны парк, за саборам Пятра і Паўла)
Калі: 26 кастрычніка (субота) 2019, 14:00
Кошт: уваходны квіток у музей*
Тэлефон: 8(0232) 75-88-86
*Усе матэрыялы прадастаўляюцца музеем

Падчас майстар-класа вы даведаецеся не толькі пра Вяселле і тэхналогію вырабу вянка, а паспрабуеце зрабіць разам вясельны вянок, які будзе выкарыстоўвацца на наступнай этна-вечарыне (сачыце за анонсамі).

Запрашаем усіх на адкрыццё фотавыставы «Гомель. 1929».

Дзе: філіял Веткаўскага музея ў Гомелі
Калі: 18 кастрычніка (пятніца) 2019, 17:00
Кошт: бясплатна
Тэлефон: 8(0232) 75-88-86

У 2017 г. Яўген Раманавіч Малікаў (гісторык, кандыдат мастацтвазнаўства) набыў вялікую падборку двайных фотаздымкаў для стэрэапрагляду — фотапар, зробленых у Гомеле ў 1929 г. Вялікая частка калекцыі фотапар знаходзіцца на шкле, частка — на паперы. Усе яны датуюцца адным горадам і годам — Гомель. 1929. І сёлета атрымліваецца круглая дата — роўна 90 год з часу іх вырабу. Таму было вырашана падрыхтаваць адмысловую выставу на аснове гэтых фотаздымкаў.

Запрашаем усіх на адкрыццё аўтарскай выставы Віктара Шыпкова: «И швец, и жнец, и на дуде игрец» з майстар-класам па пляценню пояса ў тэхніцы «спрэнг».

Дзе: філіял Веткаўскага музея ў Гомелі
Калі: 5 кастрычніка (субота) 2019, 15:00
Кошт: бясплатна
Тэлефон: 8(0232) 75-88-86

Прадстаўленая калекцыя ўключае ў сябе многае: гэта і музычныя інструменты (майстравыя гармонікі, бубны), ручнікі і традыцыйныя жаночыя строі (некаторыя элементы касцюма зроблены рукамі аўтара) і калядныя зоркі. Усё гэта Віктар збіраў лакальна, дзе нарадзіўся і вырас.

Да свята рыхтаваліся зараней. 21 верасня — Другая Прачыстая, дзень Раства Прасвятой Багародзіцы.

Што патрэбна, каб свята адбылося? Запаліць агеньчык у сваёй душы, а таксама — запаліць свечку перад вобразам Царыцы Нябеснай.

Да Другой Прачыстай даўней, ды і цяпер вяскоўцы стараюцца сабраць увесь ураджай на полі. Да гэтага ж прыкладна часу — часу восеньскага раўнадзенства прымяркоўвалася першае запальванне хатняга агменя: на Палессі спраўлялі абрад — «Жаніцьбу коміна», ці ўшаноўвалі Багача — сявеньку з зернем і пастаўленай у яго свечкай (жыта ці пшаніцу для сявенькі бралі з першага зажынкавага снапа).

Сустрэча з аўтарам і прэзентацыя зборніка Ірыны Валер'еўны Глушэц «Што ў Неглюбцы й у сяле».

Дзе: філіял Веткаўскага музея ў Гомелі
Калі: 28 верасня (субота) 2019, 15:00
Кошт: бясплатна
Тэлефон: 75-88-87

Аўтар выдання — Ірына Валер'еўна Глушэц — жыхарка г. Гомеля, тут яна і нарадзілася ў 1985 г. Вучылася ў сярэдняй школе №30 з музычна-харавым ухілам. Пасля школы паступіла ў Гомельскі дзяржаўны каледж мастацтваў імя. Н.Ф. Сакалоўскага на спецыяльнасць «музыказнаўства». Скончыўшы Беларускі дзяржаўны універсітэт культуры і мастацтваў, атрымала кваліфікацыю спецыяліст па фальклоры, выкладчык фальклорных дысцыплін.

Ужо традыцыйна, Веткаўскі музей распачынае новы сезон этна-вечарын і сардэчна запрашае ўсіх зацікаўленых далучыцца да рэканструкцыі архаічнага абраду «Жаніцьба коміна»!

Дзе: філіял Веткаўскага музея ў Гомелі
Калі: 21 верасня (субота) 2019, 15:00
Кошт: уваходны квіток у музей
Тэлефон: 75-88-87

Гэты цікавы і архаічны абрад быў зафіксаваны ў некаторых вёсках Гомельшчыны, акрамя гэтага сустракаўся ў Пінскім, Столінскім, Жыткавіцкім і Лельчыцкім раёнах. Ён азначаў заканчэнне работ на полі і распачынанне часу вячорак. Ушанаванне «коміна» таксама азначала першае запальванне лучыны пасля летняга перапынку і пераход ад палявых работ, да хатніх спраў.

«Пра што звініць і шэпча гліна?»

У Дзень ведаў разам з класным кіраўніком Наталляй Іванаўнай Паўловіч у Веткаўскі музей завіталі вучні 4 «В» класа СШ №1 г. Веткі імя А.А. Грамыкі. Інтэрактыўны праект для дзяцей «Спазнаю гісторыю рукамі», які ажыццяўляецца ў этнаграфічна-археалагічнай экспазіцыі музея, закліканы пашыраць веды дзяцей пра мясцовыя ўнікальныя артэфакты, якімі так багаты наш рэгіён. Пры гэтым ёсць магчымасць спазнаць гісторыю сваімі рукамі: напрыклад, самому зрабіць саламяны мат (для ўцяплення пчол на зіму, як гэта пчаляры рабілі даўней) у часе заняткаў «Пчала ў традыцыйнай беларускай культуры», або — сплесці вузенькі паясочык, або — паспрабаваць нанесці ўзоры на вільготную гліну старажытнымі спосабамі падчас заняткаў «Гліняныя метамарфозы: пра што звініць і шэпча гліна?».

… І тут мы ўбачылі яго… Нешта вялікае, доўгае, шыза-цёмнае, гладкае, выпуклае, завостранае па абодвух канцах, ляжала на траве паўз плот.

Так, гэта быў ён, стары човен. Яго чакала спальванне ў топцы кацельні ў якасці паліва (разам з рэшткамі старых вясковых разбураных хат). Відавочна, там, дзе стаялі гэтыя хаты, зараз роўная, як гліняны ток, зямля; праўда, не глеба, а пясок, вырыты бульдозерамі з тоўшчы зямлі. Такое цяпер часта бачыш.

— У нас такія драўляныя чоўны доўбанкамі называюць. І гэты — доўбанка. Толькі ж ён — рэдкі, бачыце — двайны, спараны, — расказвае адзін з выратавальнікаў чоўна, жыхар Чачэрскага раёна, Дзмітрый Канавалаў. Човен знайшлі ў Рудні-Нісімкавіцкай. З асіны зроблены. Стаяў, прыхілены да сцяны. Добра было на ім плаваць, — устойлівы, не перакуліцца. Плавалі на ім па рацэ, па Покаці…

Культурна-адукацыйнае мерапрыемства «Антосік і брат Зубар» пры ўдзеле Bignose Theatrik.

Дзе: філіял Веткаўскага музея ў Гомелі
Калі: 11 жніўня (нядзеля), 16:00
Кошт: уваходны квіток у музей
Тэлефон: 75-88-86

Bignose Theatrik (лялечны тэатрык «Бальшы нос») нарадзiўся ў Англіі, дзе пачаў ствараць i паказваць спектаклі па матывах казак, легенд і паданняў на англійскай і расейскай мовах.

Летнік неглюбскага ткацтва «Кросенцы» будзе праходзіць з 21 па 25 жніўня 2019 у аг. Неглюбка.

Вас чакае незабыўны тыдзень паглыблення ў тэхналогію і сімволіку традыцыйнага ткацтва. Лепшыя неглюбскія майстры і іх пераемнікі з Веткаўскага музея будуць дзяліцца таямніцамі неглюбскага ткацтва напрацягу ПЯЦІ ДЗЁН!

*** ЗАПІС НА ЛЕТНІК АБАВЯЗКОВЫ (анкета і праграма летніка неглюбскага ткацтва «Кросенцы» знаходзіцца ніжэй)
** КОШТ УДЗЕЛУ: 15 BYN ЗА КОЖНЫ ДЗЕНЬ «ЛЕТНІКА»
* ПА ЎСІХ ПЫТАННЯХ ЗВЯРТАЦЦА ДА КУРАТАРА (+375(29) 335-06-00)

«Zingeray» — свята габрэйскіх песень і танцаў у Гомелі!

Дзе: пляцоўка перад філіялам Веткаўскага музея ў Гомелі
Калі: 4 жніўня (нядзеля) 2019, 18:00
Уваход ВОЛЬНЫ для ўсіх!
Тэлефон: 8(0232)75-88-86, +375(29) 565-72-18

Адным з удзельнікаў мерапрыемства будзе ўнікальны калектыў BAREZNBURGER KAPELYE:

bezh-CNenfrderues

 Яндекс.Метрика