Час Калядаў - час благаслаўлёны. Ён збірае і дахрысціянскую інтуіцыю аб аднаўленні светапарадка і хрысціянскае адкравенне аб Богу, які стаўся чалавекам, цалкам успрыняўшы чалавечую прыроду. Гэта думка рэфрэнам гучыць-паўтараецца ў каляднай паэзіі: "Хрыстос нарадзіўся на вашым двары", "у тым возеры Сам-Бог купаўся", "на той краваці Божая Маці". І бачыцца так, што ўсё гэта, самае большае, за тваім парогам. Хочаш праверыць - ідзі.
Таму сядзець па дамах такімі днямі, ці сваімі штодзённымі справамі займацца - дарма жыць увесь год. Вось і рашылi міжрэчаўцы сабрацца і падзяліцца: хто як сустрэў Святкi, колькі накалядаваў, што убачыў, чаму парадаваўся.
Распачне імпрэзу традыцыйнае батлеечнае прадстаўленне "Цар ірад" (на сучасны манер).
Прафесійныя калядоўшчыкі падзеляцца сакрэтамі свайго майстэрства з пачынаючымі.
Кожны, хто жадае распачаць гэты год з удзячнасці Богу і Чалавеку, мае ўнікальную мажлівасць зрабіць гэта ў кампаніі такіх жа як і ён сам, жыхароў міжрэчча Сожа і Дняпра.
Дзе: філіял Веткаўскага музея ў Гомелі
Калі: 14 студзеня (нядзеля) 2018 года, 16:00
Кошт: 0 р. 70 к.
Адрас: г. Гомель, пл. Леніна, 4 (тэрыторыя Гомельскага палацава-паркавага аснсамбля, за саборам Пятра і Паўла)
Тэлефоны: 8 (0232) 75-88-86, 75-88-87