Аўтар:

Катэгорыя: Навіны

З 14 па 21 кастрычніка мы ладзім акцыю, прымеркаваную да тыдня бацькоўскай любові "У музей усёй сям'ёй"!

Прыходзьце ў музей усёй сям’ёй, а набывайце толькі адзін квіток, незалежна ад колькасці членаў сям'і, што прыйшлі з вамі.

Кошт квітка:

Веткаўскі музей - 8 BYN
*у кошт уваходзіць самастойнае наведванне музея, калі замовіце экскурсію + 16 BYN

г. Ветка, Красная плошча, 5 (з 10:00 да 19.00 - уваход у экспазіцыю да 18:30, панядзелак - выходны)
+375(2330)4-27-49

філіял Веткаўскага музея - 5 BYN
*у кошт уваходзіць самастойнае наведванне музея, калі замовіце экскурсію + 10 BYN

г. Гомель, плошча Леніна, 4а (з 10:00 да 19:00 - уваход у экспазіцыю да 18:30, панядзелак - выходны; 14 кастрычніка - закрыты на санітарны дзень).
+375(0232) 50-96-97.

Выдатная нагода, каб правесці час разам. І, напрыклад, наведаць музей усёй сям'ёй.

*Акцыя распаўсюджваецца на сем’і з дзецьмі любога складу: гэта можа быць толькі маці альбо тата з дзецьмі, мама + тата + дзеці. Узрост і колькасць дзяцей не мае абмежаванняў 

**Акцыя не распаўсюджваецца на экскурсійныя групы. 

Створана 09 Кастрычнік 2025

Аўтар:

Катэгорыя: Навіны

Працягваем цыкл майстар-класаў па абрадавай ляльцы!

У кастрычніку мы адзначаем адно з самых важных і цёплых свят - Дзень Маці! З гэтай нагоды запрашаем зрабіць абярэжную ляльку "Мамушка"!

Гэта лялька прыносіць шчасце ў сям'ю і, самае галоўнае, дапамагае з'яўленню дзяцей  Таксама гэта лялька з'яўляецца абярэгам усяго рода.

Абавязковы папярэдні запіс па тэлефоне +375 232 50-96-98 (з 10:00 да 17:30), альбо ў прыватныя паведамленні.

Калі: 11.10 (субота), у 12:00.
Кошт: 10 BYN.
Дзе: філіял Веткаўскага музея. Гомель, пл. Леніна, 4а (у парку, за саборам Пятра і Паўла).

Створана 03 Кастрычнік 2025

Аўтар:

Катэгорыя: Навіны

1 кастрычніка, у Міжнародны дзень пажылых людзей, можна будзе бясплатна наведаць Веткаўскі музей і гомельскі філіял музея.

Умова бясплатнага наведвання - паказаць пенсійнае пасведчанне.

*Бясплатным будзе самастойнае наведванне ўсіх выстаў, без экскурсавода.

Створана 30 Верасень 2025

Аўтар:

Катэгорыя: Навіны

Пешаходная экскурсія па Гомелі ад Веткаўскага музея!

"Станіслаў Шабунеўскі. Гомель - ад эклектыкі да мадэрна" - гэта экскурсія па архітэктурнай спадчыне выбітнага гомельскага архітэктара, які спраектаваў адны з самых знакавых будынкаў горада!

На экскурсіі мы акунемся ў жыццё цэнтральнай часткі горада канца XIX - пачатку XX ст. (перыяд бурнага дэмаграфічнага і эканамічнага росту) з яго забудовай, паўсядзённым жыццём, праблемамі і станоўчымі тэндэнцыямі. На свае вочы ўбачым творчы шлях і эвалюцыю стылістыкі ў архітэктуры гарадскіх сядзіб, даходных дамоў, банкаўскіх і забаўляльных устаноў.

Экскурсійны маршрут "Станіслаў Шабунеўскі. Гомель - ад эклектыкі да мадэрна" распрацаваны супрацоўнікамі Веткаўскага музея. Праводзіць экскурсію дырэктар музея Юрый Катляроў.

Абавязковая бронь месцаў па тэлефоне +375 232 50-96-98
І так як пачатак экскурсіі не ў музеі, білеты неабходна аплаціць загадзя ў любы дзень (акрамя панядзелка) з 10:00 да 17:30.

Калі: 12.10 (нядзеля) у 11:00
Месца збору - у скверыку насупраць будынка БелДУТа, што на вуліцы Камсамольскай.
Кошт: 10 BYN
Тэлефон для запісу: +375 232 50-96-98. 

Створана 28 Верасень 2025

Аўтар:

Катэгорыя: Навіны

Анонс мерапрыемстваў у Веткаўскім музеі і гомельскім філіяле музея на КАСТРЫЧНІК:

*Асобна кожную падзею мы будзем больш падрабязна анансаваць бліжэй да даты яе правядзення, як гэта робім заўсёды.
У гэтым анонсе магчымы змены.

Экскурсіі (абавязковы папярэдні запіс):
"Станіслаў Шабунеўскі. Гомель - ад эклектыкі да мадэрна" - новая пешаходная экскурсія па Гомелі
12.10 (нядзеля) у 11:00
кошт: 10 BYN

Майстар-класы (абавязковы папярэдні запіс):
Лялька "Мамушка"
11.10 (субота) у 12:00, філіял Веткаўскага музея (Гомель)
кошт: 10 BYN

Неглюбская гарлячка:
25.10 (субота) у 12:00, філіял Веткаўскага музея (Гомель)
кошт: 10 BYN

Майстар-класы па ткацтве на кроснах "Нацянькі"
па нядзелях, па папярэднім запісе па нумары +375299819022, Веткаўскі музей (Ветка)
кошт: бясплатна 

Створана 28 Верасень 2025

Аўтар:

Катэгорыя: Навіны

27 верасня (субота) а 15-й гадзіне ў філіяле Веткаўскага музея адбудзецца адкрыццё новай выставы "Ён так бачыў".

Гэта выстава прысвечана памяці дарагога сябра нашага музея. Памяці фотамастака Аляксея Смыка.

Лёша нарадзіўся ў Гомелі 24 сакавіка 1993 года. Апошні дзень мінулага лета стаў і яго апошнім днём. І ў гэты прамежак яго зямнога жыцця нам пашчасціла з ім пазнаёміцца, працаваць разам, сябраваць.

Аляксей быў адным з самых таленавітых фатографаў нашага горада. Ён здымаў у розных жанрах: партрэты, навінавыя рэпартажы, камерцыйныя фотасесіі, сацыяльныя праекты, тэатральныя пастаноўкі. Але асаблівае месца ў творчасці Лёшы займала этнафатаграфія, якая была для яго аддушынай і любоўю. І гэта тое, што нас з ім паяднала.

Хоць Лёша не быў супрацоўнікам Веткаўскага музея, ён час ад часу ездзіў з намі ў этнаграфічныя экспедыцыі. Рабіў гэта як валанцёр, проста з уласнай ініцыятывы. Бо шчыра падзяляў з намі любоў да сваёй культуры, да традыцый, і хацеў перадаваць гэтую прыгажосць людзям так, як умеў лепш за ўсіх — праз фатаграфію.

На выставе будуць прадстаўлены здымкі з адной з самых цікавых нашых паездак — экспедыцыі да старавераў заходняй Віцебшчыны ў 2021 годзе. У красавіку 2024-га Лёша ў сваім instagram-допісе так узгадваў гэтую тую паездку: «Той цудоўны свет, у які я акунуўся ў сярэдзіне 2021 года, не пакідае мяне і зараз».

Таксама можна будзе пабачыць фотаздымкі самых яскравых абрадаў нашага рэгіёна: «Звязду» ў вёсцы Маркавічы Гомельскага раёна, «Гуканне вясны» ў Гомелі, «Сулу» ў вёсцы Маркавічы Гомельскага раёна, «Юраўскі карагод» у вёсцы Пагост Жыткавіцкага раёна,
«Ваджэнне і пахаванне стралы» ў вёсцы Стаўбун Веткаўскага раёна,
Яблычны Спас і ткацкі летнік «Кросенцы» ў вёсцы Неглюбка Веткаўскага раёна.

Фізічна Лёшы няма. Але ён ёсць праз свае фотапрацы.
Так і з традыцыямі, якія ён фіксаваў: калісьці яны знікнуць. Але праз здымкі будуць жыць далей, з намі і пасля нас.

Запрашаем вас на адкрыццё выставы!

Калі: 27.09.2025 у 15:00.

Дзе: г. Гомель, плошча Леніна, 4а (у парку, за саборам Пятра і Паўла).

Уваход вольны.

 Тэлефон філіяла: +375 232 50-96-98

Створана 24 Верасень 2025

Аўтар:

Катэгорыя: Навіны

Запрашаем на заняткі па вывучэнні традыцыйных песень!

На такіх занятках можна пазнаёміцца з традыцыйнымі беларускімі песнямі, не эстраднымі, а сапраўды традыцыйнымі! І заспяваць іх разам з намі.

Не важна, ці ўмееце вы спяваць, ці ведаеце песні.
Гэта выдатная магчымасць паспяваць усім разам, і тым, хто наведвае заняткі даўно, і тым, хто прыйдзе да нас упершыню.

А яшчэ перад тым, як пачаць спяваць, мы праводзім пэўную галасавую і дыхальную гімнастыку. Такая размінка ды спевы ў народнай манеры - шыкоўна аздараўляе і голас, і арганізм у цэлым.

Час правядзення: 20.09 у 14:00.

Месца правядзення: філіял Веткаўскага музея, г. Гомель, плошча Леніна, 4а (у парку, за саборам Пятра і Паўла).

Кошт: бясплатна.

Створана 18 Верасень 2025

Аўтар:

Катэгорыя: Навіны

Працягваем цыкл майстар-класаў па абярэжнай ляльцы!

Лялька верасня - “Кубышка-траўніца”

Кубышка-траўніца - гэта абярэг на здароўе. Такая лялька будзе абараняць хату ад усялякай хваробы. Унутры яна напоўненая духмянымі лекавымі травамі. Часта, менавіта Кубышку-траўніцу падвешвалі над калыскай дзіцяці. Бо яна не толькі спрыяе здароўю, а яшчэ і мацуе сон.

Абавязковы папярэдні запіс па тэлефоне +375 232 50-96-98 (з 10:00 да 18:00). 

Калі: 20.09 (субота), у 12:00.
Кошт: 10 BYN.
Дзе: філіял Веткаўскага музея. Гомель, пл. Леніна, 4а (у парку, за саборам Пятра і Паўла). 

Створана 10 Верасень 2025

Аўтар:

Катэгорыя: Навіны

У нядзелю 21 верасня ў Веткаўскім музеі адбудзецца тэматычная экскурсія, прысвечаная святу Раства Багародзіцы. 

На экскурсіі мы пакажам вам, як звязаны з Раством Багародзіцы старажытныя знакі, арнаменты на нашых ручніках, і дэталёва разгледзім сюжэт Раства Багародзіцы ў сцэнах на веткаўскіх шматчасткавых іконах.

Правядзе экскурсію Галіна Рыгораўна Нячаева.

Мова экскурсіі - руская.

Патрэбны папярэдні запіс па тэлефоне +375 233 04-27-49 (з 10:00 да 18:00).

Калі: 21.09 (нядзеля), у 12:00
Працягласць: 1,5 гадзіны

Месца правядзення: Веткаўскі музей - Ветка, Красная плошча, 5
Кошт: 10 BYN 

Створана 10 Верасень 2025

Аўтар:

Катэгорыя: Навіны

Запрашаем на майстар-клас па пляценні гарлячкі - традыцыйнага неглюбскага дзявочага ўпрыгожвання!

Гарлячка - гэта шыйнае ўпрыгожванне з бісеру, з'яўляецца элементам неглюбскага жаночага строя. Такі сабе неглюбскі чокер Гарлячка была штодзённым упрыгожваннем, якое яшчэ ў першай палове 20 ст. насіла амаль кожная жанчына любога ўзросту.

На майстар-класе кожны пачне рабіць сваю гарлячку. Мы не паспеем зрабіць яе цалкам. Але вы будзеце ведаць тэхналогію, і лёгка зможаце скончыць упрыгожванне дома.

Бісер для ўпрыгожвання мы прадаставім. Але калі вы хочаце ўзяць пэўны з сабой, то спатрэбіцца бісер 2-х ці 3-х колераў - па адным пакуначкі кожнага колеру. Памер бісернай пацеркі (бісерыны) - на ваш выбар. Чым буйнейшыя пацеркі - тым хутчэй спляцецца гарлячка, але і больш шырокая яна атрымаецца.

*Майстар-клас падыходзіць для ўзросту ад 12 год.

Абавязковы папярэдні запіс па тэлефоне +375 232 50-96-98 (з 9:30 да 18:00)

Кошт: 10 BYN.

Калі: 13.09 (субота), у 12:00.

Дзе: філіял Веткаўскага музея - г. Гомель, плошча Леніна, 4а (у парку, за саборам Пятра і Паўла).  

Створана 03 Верасень 2025

Аўтар:

Катэгорыя: Навіны

З 15 верасня Веткаўскі музей і наш гомельскі філіял працуюць па новым графіку.

З 10:00 да 19:00,
уваход у экспазіцыю і праца касы - да 18:30.
Панядзелак - выходны. 

Створана 03 Верасень 2025

Аўтар:

Катэгорыя: Навіны

Экскурсія па Спасавай слабадзе - адным з самых цікавых гістарычных раёнах Гомеля.

З часоў свайго існавання, а менавіта, з сярэдзіны XVIII стагоддзя, раён Спасава слабада быў месцам пражывання стараабрадцаў. Можна сказаць, што гэта быў адзін з самых заможных і дагледжаных раёнаў горада, які садзейнічаў фарміраванню своеасаблівага іміджу Гомеля, як горада гандляроў, чыгуначнікаў, дробных прадпрымальнікаў і рамеснікаў.

Падчас экскурсіі мы:

• разгледзім гісторыю Гомеля праз малавядомыя факты пра яго стараабрадніцкую спадчыну;
• абмяркуем гісторыю стараабрадцаў Гомеля, захаваную і страчаную спадчыну, дамы, сакральныя збудаванні;
• з дазволу настаяцеля стараабрадніцкай Спаса-Праабражэнскай царквы, айца Сергія, патрапім у сам храм.

Экскурсійны маршрут "Спасава слабада. Стараабрадцы Гомеля" распрацаваны супрацоўнікамі Веткаўскага музея. Праводзіць экскурсіі будзе дырэктар музея Юрый Катляроў.

Колькасць месцаў абмежаваная. Абавязковы папярэдні запіс па тэлефоне +375 232 50-96-98 (з 9:30 да 18:00).

Падчас экскурсіі мы наведаем стараабрадніцкі Спаса-Праабражэнскі храм. Для тых, хто хоча наведаць сам храм, пажадана адпаведна апрануцца: жанчынам - сукенка/спадніца ніжэй за калена, хустка, доўгія рукавы; мужчынам - доўгія нагавіцы (не шорты), доўгія рукавы.

Калі: 06.09 у 10:00
Дзе: Збор у філіяле Веткаўскага музея - г. Гомель, плошча Леніна, 4а (у парку, за саборам Пятра і Паўла)
Кошт: 10 BYN

Створана 29 Жнівень 2025

Аўтар:

Катэгорыя: Навіны

Анонс мерапрыемстваў у Веткаўскім музеі і гомельскім філіяле музея на ВЕРАСЕНЬ:

*Асобна кожную падзею мы будзем больш падрабязна анансаваць бліжэй да даты яе правядзення, як гэта робім заўсёды.
У гэтым анонсе магчымы змены.

Новая выстава:
Адкрыццё фотавыставы-прысвячэння
філіял Веткаўскага музея (Гомель)
дату абвесцім асобным анонсам

Экскурсіі і святочныя лекцыі (абавязковы папярэдні запіс):

"Спасава Слабада. Стараабрадцы Гомеля" - пешаходная экскурсія па гістарычным раёне Гомеля
06.09 (субота) 10:00
кошт: 10 BYN

Тэматычная экскурсія-лекцыя "Раство Багародзіцы"
21.09 (нядзеля) 12:00, Веткаўскі музей (Ветка)
кошт: 10 BYN

Святочная лекцыя «На Ветке жить вольно, добро и мирно», прысвечаная Дню Веткі
28.09 (нядзеля) 11:00, Веткаўскі музей (Ветка)
кошт: бясплатна

Майстар-класы (абавязковы папярэдні запіс) і спевы:

Неглюбская гарлячка
13.09 (субота) у 12:00, філіял Веткаўскага музея (Гомель)
кошт: 10 BYN

Лялька "Кубышка-траўніца"
20.09 (субота) у 12:00, філіял Веткаўскага музея (Гомель)
кошт: 10 BYN

Майстар-класы па ткацтве на кроснах "Нацянькі"
па нядзелях, па папярэднім запісе па нумары +375299819022, Веткаўскі музей (Ветка)
кошт: бясплатна

"Супольныя спеўкі" - заняткі па традыцыйных спевах
06.09, 13.09, 20.09, 27.09 (суботы) дакладны час будзе ў анонсах
філіял Веткаўскага музея (Гомель)
кошт: бясплатна

Створана 29 Жнівень 2025

Аўтар:

Катэгорыя: Навіны

Пасля летніх вакацый павяртаюцца нашы заняткі па традыцыйных спевах!

На такіх занятках можна пазнаёміцца з традыцыйнымі беларускімі песнямі, не эстраднымі, а сапраўды традыцыйнымі! І заспяваць іх разам з намі.

Не важна, ці ўмееце вы спяваць, ці ведаеце песні.
Гэта выдатная магчымасць паспяваць усім разам, і тым, хто наведвае заняткі даўно, і тым, хто прыйдзе да нас упершыню.

А яшчэ перад тым, як пачаць спяваць, мы праводзім пэўную галасавую і дыхальную гімнастыку. Такая размінка ды спевы ў народнай манеры - шыкоўна аздараўляе і голас, і арганізм у цэлым.

Прыходзьце самі і бярыце з сабой кампанію.

Час правядзення: 30.08 у 14:00.
Месца правядзення: філіял Веткаўскага музея, г. Гомель, плошча Леніна, 4 (у парку, за саборам Пятра і Паўла).
Кошт: бясплатна. 

Створана 27 Жнівень 2025

Аўтар:

Катэгорыя: Навіны

У Веткаўскім музеі адкрыта вакансія навуковага супрацоўніка.

‍Разглядаем кандыдатаў, якія:
• Маюць вышэйшую адукацыю (пажадана гістарычную, альбо ў сферы культуры, але калі прысутнічае наступны пункт, разгледзім з любой вышэйшай адукацыяй).
• Цікавяцца такімі кірункамі: гісторыя стараабрадніцтва, кніжная культура, іканапіс, беларуская традыцыйная культура, этнаграфія.

У працоўныя абавязкі навуковага супрацоўніка ўваходзіць:
• Правядзенне экскурсій, лекцый, музейных заняткаў.
• Стварэнне музейных выстаў.
• Навуковае даследаванне пэўнага кірунку (напісанне артыкулаў, удзел у навуковых канферэнцыях)

Умовы працы:
• Поўная занятасць.
• Асноўнае месца працы: філіял Веткаўскага музея - Гомель, пл. Леніна, 4а. 
• Працоўны графік: з 9:30 да 18:00
• Заробак: 1000 рублёў. 

Больш падрабязна на суразмове.  

Рэзюмэ дасылайце на электронны адрас: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.
⠀
Тэлефон: +375 (23) 304-26-05 (з панядзелка па пятніцу з 8:30 да 17:30) 

Створана 16 Жнівень 2025

Аўтар:

Катэгорыя: Навіны

Запрашаем на майстар-клас па пляценні гарлячкі - традыцыйнага неглюбскага дзявочага ўпрыгожвання!

Гарлячка - гэта шыйнае ўпрыгожванне з бісеру, з'яўляецца элементам неглюбскага жаночага строя. Такі сабе неглюбскі чокер Гарлячка была штодзённым упрыгожваннем, якое яшчэ ў першай палове 20 ст. насіла амаль кожная жанчына любога ўзросту.

На майстар-класе кожны пачне рабіць сваю гарлячку. Мы не паспеем зрабіць яе цалкам. Але вы будзеце ведаць тэхналогію, і лёгка зможаце скончыць упрыгожванне дома.

Бісер для ўпрыгожвання мы прадаставім. Але калі вы хочаце ўзяць пэўны з сабой, то спатрэбіцца бісер 2-х ці 3-х колераў - па адным пакуначкі кожнага колеру. Памер бісернай пацеркі (бісерыны) - на ваш выбар. Чым буйнейшыя пацеркі - тым хутчэй спляцецца гарлячка, але і больш шырокая яна атрымаецца.

*Майстар-клас падыходзіць для ўзросту ад 12 год.

Абавязковы папярэдні запіс па тэлефоне +375 232 50-96-98 (з 9:30 да 18:00)

Кошт: 10 BYN.

Калі: 23.08 (субота), у 12:00.

Дзе: філіял Веткаўскага музея - г. Гомель, плошча Леніна, 4а (у парку, за саборам Пятра і Паўла).

Створана 16 Жнівень 2025

Аўтар:

Катэгорыя: Навіны

Працягваем цыкл майстар-класаў па абярэжнай ляльцы!

Гэтым разам зробім ляльку "Крупенічка".

Гэта лялька з'яўляецца абярэгам на сытасць, добры ўраджай, прыносіць у хату дастатак і дабрабыт.  

Абавязковы папярэдні запіс па тэлефоне +375 232 50-96-98 (з 9:30 да 18:00).

Калі: 09.08 (субота), у 12:00.
Дзе: філіял Веткаўскага музея. Гомель, пл. Леніна, 4а (у парку, за саборам Пятра і Паўла).
Кошт: 10 BYN. 

Створана 04 Жнівень 2025

Аўтар:

Катэгорыя: Навіны

У суботу 26 ліпеня ў філіяле Веткаўскага музея адбудзецца святочная лекцыя "Вобраз Маці Божай Траяручыцы ў традыцыйнай культуры".

Шырокае народнае шанаванне некаторых Багародзічных ікон увасобілася, у тым ліку, у з'яўленні некалькіх варыянтаў паходжання іх іканаграфіі.

Такім з'яўляецца абраз Маці Божай Траяручыцы, які не толькі ў свой час бянтэжыў вернікаў, але і станавіўся часта і храмавым, і хатнім, з ім звязвалі надзеі і спадзяванні многія пакаленні хрысціян.

Такі вобраз вядомы ў праваслаўнай народнай традыцыі і ў стараабрадніцкай веткаўскай культуры, якія адчувалі ўзаемаўплыў і ўзаемаўзбагачэнне.

У царкоўным календары памяць пра гэту ікону прыпадае на 25 ліпеня. А мы прапануем на сустрэчы 26 ліпеня разам паразважаць над таямніцамі гэтай выявы, увайсці ў гісторыю яго паходжання і ўзбагаціць сябе царкоўным паданнем.

Правядзе лекцыю навуковая супрацоўніца Веткаўскага музея, магістр тэалогіі Вольга Афанасьева.

Мова лекцыі - руская.

Запіс на лекцыю па тэлефоне +375 (232) 50-96-98 (з 9:30 да 18:00). 

Дата: 26.07 (субота) у 12:00
Месца правядзення: філіял Веткаўскага музея, г. Гомель, плошча Леніна, 4а (у парку, за саборам Пятра і Паўла).
Кошт: 7 BYN. 

Створана 16 Ліпень 2025

Аўтар:

Катэгорыя: Навіны

Запрашаем на майстар-клас па пляценні гарлячкі - традыцыйнага неглюбскага дзявочага ўпрыгожвання!

Гарлячка - гэта шыйнае ўпрыгожванне з бісеру, з'яўляецца элементам неглюбскага жаночага строя. Такі сабе неглюбскі чокер Гарлячка была штодзённым упрыгожваннем, якое яшчэ ў першай палове 20 ст. насіла амаль кожная жанчына любога ўзросту.

На майстар-класе кожны пачне рабіць сваю гарлячку. Мы не паспеем зрабіць яе цалкам. Але вы будзеце ведаць тэхналогію, і лёгка зможаце скончыць упрыгожванне дома.

Бісер для ўпрыгожвання мы прадаставім. Але калі вы хочаце ўзяць пэўны з сабой, то спатрэбіцца бісер 2-х ці 3-х колераў - па адным пакуначкі кожнага колеру. Памер бісернай пацеркі (бісерыны) - на ваш выбар. Чым буйнейшыя пацеркі - тым хутчэй спляцецца гарлячка, але і больш шырокая яна атрымаецца.

*Майстар-клас падыходзіць для ўзросту ад 12 год.

Абавязковы папярэдні запіс па тэлефоне +375 232 50-96-98 (з 9:30 да 18:00)

Кошт: 10 BYN.

Калі: 26.07 (субота), у 14:00.

Дзе: філіял Веткаўскага музея - г. Гомель, плошча Леніна, 4а (у парку, за саборам Пятра і Паўла). 

Створана 15 Ліпень 2025

Аўтар:

Катэгорыя: Навіны

Запрашаем на лекцыю "Археалагічная калекцыя металічных вырабаў зарубінецкай культуры ў фондах Веткаўскага музея".

Лекцыя прымеркавана да пачатку новага сезона сумесных археалагічных раскопак з Эрмітажам.

На прыкладзе ўнікальных знаходак з зарубінецкага могільніка каля вёскі Гарошкаў будзе падрабязна разгледжана вытворчасць і выкарыстанне металічных прадметаў эпохі позняга латэна.

Мы пазнаёмім вас з разнастайнасцю і тыпалогіяй жалезных і бронзавых фібул, пакажам прыклад унікальнага ўпрыгожвання, раскажам пра формы зарубінецкіх нажоў і копій, пра тэхналогіі сырадутнай металургіі, асаблівасці апрацоўкі металаў і значэнне гэтых артэфактаў для разумення этнагенезу раннеславянскіх плямён.

Лекцыя раскрые культурныя сувязі і рамесныя традыцыі зарубінецкай культуры, абапіраючыся на багатую калекцыю Веткаўскага музея.

*Мова лекцыі - руская.

Неабходны папярэдні запіс па тэлефоне +375 232 50-96-98 (з 9:30 да 18:00).

Калі: 12.07 (субота) у 12:00
Месца правядзення: філіял Веткаўскага музея - г. Гомель, плошча Леніна, 4а (у парку, за саборам Пятра і Паўла).
Кошт: 7 BYN. 

Створана 06 Ліпень 2025