Аўтар:

Катэгорыя: Навіны

З 20 па 25 снежня ў нашым музеі ў Ветцы, а таксама ў гомельскім філіяле не будзе даступна аплата праз тэрмінал.

Таму, калі вы збіраецеся наведаць музей ці набыць сувеніры ў нашых крамках, бярыце з сабой наяўныя грошы.

Створана 19 Снежань 2024

Аўтар:

Катэгорыя: Навіны

Дадатковыя даты каляднай Батлейкі!

Столькі жадаючых наведаць нашу чароўную калядна-навагоднюю імпрэзу "Батлейка ў Веткаўскім" 

Таму мы з радасцю дадаем яшчэ дзве даты: 28 снежня а 15-й гадзіне і 6 студзеня а 12-й гадзіне.

Што будзе ў праграме:

• Мы раскажам вам пра традыцыйны калядны стол, абавязковую страву - куццю, і пакажам, як трэба накрываць калядны стол па ўсім правілам традыцыі.
• Разам спяем калядкі - усе жадаючыя будуць ператварацца ў калядоўшчыкаў і атрымліваць за спевы салодкія падаруначкі (мы б на вашым месцы загадзя падрыхтаваліся і падвучылі парачку калядак).
• Цвік нашай праграмы - батлеечнае прадстаўленне “Цар Ірад” - п’еса па аднаму з самых папулярных біблейскіх сюжэтаў беларускай батлейкі*.

Абавязковы папярэдні запіс па тэлефоне +375 (232) 50-96-98 (з 9:30 да 18:00).

Калі: 28.12 (субота) у 15:00, 06.01(выходны панядзелак) у 12:00.
Дзе: філіял Веткаўскага музея - Гомель, пл. Леніна, 4а (у парку, за саборам Пятра і Паўла).
Узрост: ад 3х год і да бясконцасці.
Кошт: 7 BYN з чалавека. Бясплатна для дзяцей да 5 год (уключна), але абавязкова ў суправаджэнні дарослага.

*Батлейка - беларускі лялечны тэатр. Для пастановак выкарыстоўваецца спецыяльны домік у выглядзе жылля або царквы. Ролі ўсіх ляляк, часцей за ўсё, выконвае адзін батлеечнік.
**Малюнак для ілюстрацыі - з сеціва.

Створана 16 Снежань 2024

Аўтар:

Катэгорыя: Навіны

20 снежня ў Веткаўскім музеі (у Ветцы) адбудзецца адкрыццё выставы «Неглюбка_33АК000089».

У 1970-я гг. слава Неглюбкі грымела. Створаныя яе ткачыхамі ручнікі дарылі высокім гасцям, іх набывалі знакамітыя музеі кшталту Метраполітэн і Луўра. Неглюбскія ручнікі ўпрыгожвалі адну з залаў штаб-кватэры ААН.

Жыццё не стаіць на месцы. Мяжа стагоддзяў – і тысячагоддзяў! – унесла карэктывы ў сучасны побыт. Разам з традыцыйным вясковым укладам адыходзяць у нябыт звычаі, якія нядаўна падаваліся вечнымі. Але неглюбская тэкстыльная традыцыя працягваецца.

Ад 2016 г. яна – у Дзяржаўным спісе гісторыка-культурных каштоўнасцей Рэспублікі Беларусь. 33АК000089 – гэта шыфр, нададзены неглюбскай тэкстыльнай традыцыі ў катэгорыі ГКК – А. Гэта абазначае, што традыцыя належыць да аўтэнтычных і нязменных.

Цэнтральнае месца, як і раней, належыць ручнікам. Урачыстае, магутнае паліхромнае гучанне неглюбскіх ручнікоў сёння зачароўвае не менш, чым 50 гадоў таму. Але ручнікі ў гэтай экспазіцыі – не рэплікі, не бяздумныя копіі, хаця і маюць яскравыя рысы пераемнасці.

Прадстаўленыя на выставе творы выкананы рукамі сучасных неглюбскіх ткачых – Людмілы Васільеўны Кавалёвай, Алены Мікалаеўны Дзямчыхінай, Таццяны Паўлаўны Суглоб. Кожная з іх – Народны майстар Беларусі. Кожная пераймала сваё майстэрства ад неглюбскіх ткачых папярэдніх пакаленняў. Кожная мае свой непаўторны почырк у межах традыцыі.

Праект “Неглюбка_33АК000089” – чарговая спроба паглыбіцца ў шматгранны і надзвычай багаты сусвет неглюбскага мастацтва. Спрычыніцца і – наколькі гэта магчыма – зразумець яго шыфр, шыфр неглюбскай тэкстыльнай традыцыі, пранесены рукамі руплівых захавальніц праз бездані часу.

На адкрыцці выставы будуць прысутнічаць самі неглюбскія майстрыцы Людміла Кавалёва, Алена Дзямчыхіна і Таццяна Суглоб. Цудоўная мажлівасць пазнаёміцца з імі асабіста!

 Запрашаем на адкрыццё!

Калі: 20.12 (пятніца) у 15:00.

Дзе: г. Ветка, Красная плошча, 13 (адміністратыўны будынак музея)

Уваход вольны!

Тэлефон музея: +375 (2330) 4-27-49 

Створана 13 Снежань 2024

Аўтар:

Катэгорыя: Навіны

Экскурсія па Спасавай слабадзе - адным з самых цікавых гістарычных раёнах Гомеля.

З часоў свайго існавання, а менавіта, з сярэдзіны XVIII стагоддзя, раён Спасава слабада быў месцам пражывання стараабрадцаў. Можна сказаць, што гэта быў адзін з самых заможных і дагледжаных раёнаў горада, які садзейнічаў фарміраванню своеасаблівага іміджу Гомеля, як горада гандляроў, чыгуначнікаў, дробных прадпрымальнікаў і рамеснікаў.

Падчас экскурсіі мы:

• разгледзім гісторыю Гомеля праз малавядомыя факты пра яго стараабрадніцкую спадчыну;
• абмяркуем гісторыю стараабрадцаў Гомеля, захаваную і страчаную спадчыну, дамы, сакральныя збудаванні;
• з дазволу настаяцеля стараабрадніцкай Спаса-Праабражэнскай царквы, айца Сергія, патрапім у сам храм.

Экскурсійны маршрут "Спасава слабада. Стараабрадцы Гомеля" распрацаваны супрацоўнікамі Веткаўскага музея. Праводзіць экскурсію дырэктар музея Юрый Катляроў.

Колькасць месцаў абмежаваная. Абавязковы папярэдні запіс па тэлефоне +375 232 50-96-98.

Падчас экскурсіі мы наведаем стараабрадніцкі Спаса-Праабражэнскі храм. Для тых, хто хоча наведаць сам храм, пажадана адпаведна апрануцца: жанчынам - сукенка/спадніца ніжэй за калена, хустка, доўгія рукавы; мужчынам - доўгія нагавіцы (не шорты), доўгія рукавы.

Калі: 21.12 (субота) у 10:00
Дзе: Збор у філіяле Веткаўскага музея - г. Гомель, плошча Леніна, 4а (у парку, за саборам Пятра і Паўла)
Кошт: 10 BYN
Тэлефон для запісу: +375 232 50-96-98 (з 9:30 да 18:00) 

Створана 11 Снежань 2024

Аўтар:

Катэгорыя: Навіны

У бліжэйшыя святочныя дні графік працы Веткаўскага музея і нашага гомельскага філіяла будзе такі:

24 і 25 снежня працуем да 17:00 (уваход у экспазіцыю да 16:30)

31 снежня, 1 і 2 студзеня - не працуем.

Ва ўсе астатнія дні снежня працуем па звычайным графіку: 

Веткаўскі музей (што ў Ветцы) працуе штодзень з 9:00 да 18:00. Замовіць экскурсію можна ў любы дзень акрамя панядзелка па тэлефоне +375 (2330) 4-27-49

Філіял музея ў Гомелі працуе штодзень з 9:30 да 18:00. Замовіць экскурсію можна ў любы дзень, у тым ліку ў панядзелак, па тэлефоне +375 (232) 50-96-98  

Створана 03 Снежань 2024

Аўтар:

Катэгорыя: Навіны

Настае магічны калядна-навагодні перыяд!
Зрабіць гэты час сапраўды чароўным дапамогуць атмасферныя святочныя імпрэзы.

Лепшы варыянт - “Батлейка ў Веткаўскім”!

Што будзе ў праграме:
• Мы раскажам вам пра традыцыйны калядны стол, абавязковую страву - куццю, і пакажам, як трэба накрываць калядны стол па ўсім правілам традыцыі.

• Разам спяем калядкі - усе жадаючыя будуць ператварацца ў калядоўшчыкаў і атрымліваць за спевы салодкія падаруначкі (мы б на вашым месцы загадзя падрыхтаваліся і падвучылі парачку калядак).

• Цвік нашай праграмы - батлеечнае прадстаўленне “Цар Ірад” - п’еса па аднаму з самых папулярных біблейскіх сюжэтаў беларускай батлейкі*.

Абавязковы папярэдні запіс па тэлефоне +375 (232) 50-96-98 (з 9:30 да 18:00).

Калі: 23.12 (панядзелак), 27.12 (пятніца), 28.12 (субота) у 12:00.
Дзе: філіял Веткаўскага музея - Гомель, пл. Леніна, 4а (у парку, за саборам Пятра і Паўла).
Узрост: ад 3х год і да бясконцасці.
Кошт: 7 BYN з чалавека. Бясплатна для дзяцей да 5 год (уключна), але абавязкова ў суправаджэнні дарослага.

*Батлейка - беларускі лялечны тэатр. Для пастановак выкарыстоўваецца спецыяльны домік у выглядзе жылля або царквы. Ролі ўсіх ляляк, часцей за ўсё, выконвае адзін батлеечнік.
**Малюнак для ілюстрацыі - з сеціва. 

Створана 28 Лістапад 2024

Аўтар:

Катэгорыя: Навіны

Анонс мерапрыемстваў у Веткаўскім музеі і гомельскім філіяле музея на СНЕЖАНЬ:

*Асобна кожную падзею мы будзем больш падрабязна анансаваць бліжэй да даты яе правядзення, як гэта робім заўсёды.
У гэтым анонсе магчымы змены.

Святочная імпрэза (абавязковы папярэдні запіс):
Калядныя батлейкі - паглядзім батлеечнае прадстаўленне “Цар Ірад” і разам пакалядуем
23.12 (панядзелак), 27.12 (пятніца) і 28.12 (субота) 12:00, філіял Веткаўскага музея (Гомель)
кошт: 7 BYN

Лекцыя:
"Базарная плошча" - лекцыя пра архітэктурную спадчыну Гомеля з дэманстрацыяй макетаў будынкаў, у тым ліку страчаных
08.12 (нядзеля) 12:00, філіял Веткаўскага музея (Гомель)
кошт: 5 BYN

Майстар-класы (абавязковы папярэдні запіс) і спевы:
Неглюбская гарлячка
07.12 (субота) 14:00, філіял Веткаўскага музея (Гомель)
кошт: 12 BYN

 "Зімовае чараўніцтва свечкі" - калядны падарунак сваімі рукамі
14.12 (субота) 11:00, філіял Веткаўскага музея (Гомель)
кошт: 7 BYN

Лялька "Спірыдон-Сонцаварот"
21.12 (субота) 10:00, філіял Веткаўскага музея (Гомель)
кошт: 7 BYN

Саламяны павук
25.12 (серада) 12:00, філіял Веткаўскага музея (Гомель)
кошт: 12 BYN

Лепка з гліны
07.12, 21.12 (суботы) 11:00, філіял Веткаўскага музея (Гомель)
кошт: 15 BYN (+5 BYN майстру за абпал вырабу ў печцы)

Майстар-класы па ткацтве з ласкутоў тканіны "Нацянькі"
па нядзелях, па папярэднім запісе, Веткаўскі музей (Ветка)
кошт: бясплатна

Заняткі "Школкі традыцыйных спеваў” - вывучаем і спяваем традыцыйныя песні нашага рэгіёна
у выходныя дні (сачыце за падрабязным анонсам), філіял Веткаўскага музея (Гомель)
кошт: бясплатна 

Створана 26 Лістапад 2024

Аўтар:

Катэгорыя: Навіны

Анонс мерапрыемстваў у Веткаўскім музеі і гомельскім філіяле музея на ЛІСТАПАД:

*Асобна кожную падзею мы будзем больш падрабязна анансаваць бліжэй да даты яе правядзення, як гэта робім заўсёды.
У гэтым анонсе магчымы змены.
 
Экскурсіі (абавязковы папярэдні запіс):
Экскурсія па выставе "Шлях крыжа"
23.11 (субота) 12:00, філіял Веткаўскага музея (Гомель)
кошт: 7 BYN

Экскурсія па выставе "Адкуль родам знакі на нашых ручніках? Хрэст"
30.11 (субота) 12:00, філіял Веткаўскага музея (Гомель)
кошт: 7 BYN

Майстар-класы (абавязковы папярэдні запіс) і спевы:
Неглюбская гарлячка ў Гомелі
02.11 (субота) 11:00, філіял Веткаўскага музея (Гомель)
кошт: 12 BYN

Лялька "На шчасце"
09.11 (субота) 14:00, філіял Веткаўскага музея (Гомель)
кошт: 7 BYN

Дзявочы вяночак
16.11 (субота) 12:00, філіял Веткаўскага музея (Гомель)
кошт: 12 BYN

Неглюбская гарлячка ў Ветцы
24.11 (нядзеля) 11:00, Веткаўскі музей (Ветка)
кошт: 12 BYN

Лепка з гліны
09.11, 23.11 (суботы) 11:00, філіял Веткаўскага музея (Гомель)
кошт: 15 BYN (+5 BYN майстру за абпал вырабу ў печцы)

Заняткі "Школкі традыцыйных спеваў” - вывучаем і спяваем традыцыйныя песні нашага рэгіёна
у выходныя дні (сачыце за падрабязным анонсам), філіял Веткаўскага музея (Гомель)
кошт: бясплатна

Створана 26 Кастрычнік 2024

Аўтар:

Катэгорыя: Навіны

18 і 19 кастрычніка адбылася трэцяя навуковая канферэнцыя, прысвечаная стараабрадніцтву: «"Дабы не предати небытию надобные вещи". Стараабрадніцтва як гісторыка-культурны феномен».

Веткаўскі музей як навуковы цэнтр, які займаецца даследаваннем стараабрадніцтва, У 2022 годзе выступіў ініцыятарам і арганізатарам канферэнцыі, прысвечанай вывучэнню стараабрадніцтва як гісторыка-культурнага феномена. І вось ужо трэці год запар мы праводзім гэтую навуковую канферэнцыю.

У гэтым годзе ў канферэнцыі ўзяла ўдзел больш за 20 навукоўцаў, даклады і выступы якіх былі падзеленыя на 4 секцыі: "Гісторыя", "Іканапіс", "Кніжная культура" і "Антрапалогія. Этнаграфія. Архітэктура". Менавіта так: шырока і глыбока, з розных бакоў мы даследуем стараабрадніцтва.

Пятніца 18 кастрычніка была суцэльна навуковым днём: удзельнікі чыталі, слухалі і абмяркоўвалі даклады.

А ў суботу мы пагружалі нашых гасцей у тэму стараабрадніцтва праз экскурсіі: па экспазіцыях музея ў Ветцы, нашага філіяла ў Гомелі. Завіталі ў стараабрадніцкую (дакладней, древлеправаслаўную) Спаса-Прабражэнскую царкву, дзе нас сустрэў яе настаяцель айцец Сергій (ён таксама ўдзельнічаў у канферэнцыі ў якасці суаўтара даклада), і расказаў пра гісторыю храма.

Па выніках канферэнцыі будзе выдадзены зборнік навуковых артыкулаў.

Зборнікі дакладаў двух папярэдніх канферэнцый можна набыць у Веткаўскім музеі і нашым гомельскім філіяле. 

У свой час, Ветка, з’яўляючыся часткай Рэчы Паспалітай, стала прытулкам для вернікаў, якія не прынялі новыя рэформы ў Рускай праваслаўнай царкве, за што падвергліся ганенням у Маскоўскім царстве. А на нашай зямлі яны маглі жыць у бяспецы і вольна "служыць па старому". З часам Ветка стала магутным духоўным цэнтрам страабрадніцтва, і паспрыяла не толькі захаванню гэтай цікавай самабытнай культуры, але і яе росквіту. Таму натуральна, што Веткаўскі музей не проста намагаецца зберагчы памяць пра тое мінулае, якое мы ведаем, але больш глыбока даследаваць сваю гісторыю.

Створана 20 Кастрычнік 2024

Аўтар:

Катэгорыя: Навіны

Змены ў наведванні Веткаўскага музея (што ў Ветцы):

па панядзелках - толькі самастойнае наведванне;
з аўторка па нядзелю - і самастойнае наведванне, і экскурсійнае абслугоўванне.

У нашым гомельскім філіяле экскурсійнае абслугоўванне даступнае ў любы дзень.

Калі вы хочаце наведаць музей у Ветцы ці наш гомельскі філіял з экскурсіяй, лепш загадзя запісацца.
Так для вас дакладна будзе экскурсавод і вам не прыйдзецца чакаць.

Тэлефоны для запісу:

Веткаўскі музей
г. Ветка, Красная плошча, 5
+375 2330 42749 (з 9:00 да 18:00)

Філіял Веткаўскага музея
г. Гомель, плошча Леніна, 4а (у парку, за саборам Пятра і Паўла)
+375 232 509698 (з 9:30 да 18:00)

Створана 30 Верасень 2024

Аўтар:

Катэгорыя: Навіны

Анонс мерапрыемстваў у Веткаўскім музеі і гомельскім філіяле музея на КАСТРЫЧНІК:

*Асобна кожную падзею мы будзем больш падрабязна анансаваць бліжэй да даты яе правядзення, як гэта робім заўсёды.
У гэтым анонсе магчымы змены.

Новая выстава:
Адкрыццё выставы "Мастацтва Неглюбкі ў XXI стагоддзі. Неглюбская ткачыха Людміла Кавалёва"
15.10 (аўторак) 16:00, Веткаўскі музей (Ветка)
кошт: бясплатна

Куратарскія экскурсіі па новых выставах:
Экскурсія па выставе "Шлях крыжа"
13.10 (нядзеля) 13:00, філіял Веткаўскага музея (Гомель)
кошт: 7 BYN

Экскурсія па выставе "Адкуль родам знакі на нашых ручніках? Хрэст"
27.10 (нядзеля) 14:00, філіял Веткаўскага музея (Гомель)
кошт: 7 BYN

Канферэнцыя:
Міжнародная канферэнцыя «"Дабы не предати небытию надобные вещи". Стараабрадніцтва як культурна-гістарычны феномен»
18.10, Веткаўскі музей (Ветка)
кошт: бясплатна

Экскурсія:
"Спасава Слабада. Стараабрадцы Гомеля" - пешаходная экскурсія па гістарычным раёне Гомеля
20.10 (нядзеля) 11:00, філіял Веткаўскага музея (Гомель)
кошт: 10 BYN

Майстар-класы (абавязковы папярэдні запіс) і спевы:
 Неглюбская гарлячка ў Гомелі
05.10 (субота) 14:00, філіял Веткаўскага музея (Гомель)
кошт: 12 BYN

 Неглюбская гарлячка ў Ветцы
27.10 (нядзеля) 11:00, Веткаўскі музей (Ветка)
кошт: 12 BYN

 Лялька "Берагіня"
19.10 (субота) 12:00, філіял Веткаўскага музея (Гомель)
кошт: 7 BYN

 Лепка з гліны
05.10, 19.10 (суботы) 11:00, філіял Веткаўскага музея (Гомель)
кошт: 15 BYN (+5 BYN майстру за абпал вырабу ў печцы)

 Майстар-класы па ткацтве з ласкутоў тканіны "Нацянькі"
06.10, 13.10, 20.10, 27.10 (нядзелі), Веткаўскі музей (Ветка)
кошт: бясплатна

 Заняткі "Школкі традыцыйных спеваў” - вывучаем і спяваем традыцыйныя песні нашага рэгіёна
06.10, 13.10, 20.10 (нядзелі), філіял Веткаўскага музея (Гомель)
кошт: бясплатна
Экскурсія па выставе "Шлях крыжа"
13.10 (нядзеля) 13:00, філіял Веткаўскага музея (Гомель)
кошт: 7 BYN 

Створана 29 Верасень 2024

Аўтар:

Катэгорыя: Навіны

27 верасня (пятніца) у філіяле Веткаўскага музея адбудзецца адкрыццё новай выставы "Адкуль родам знакі на нашых ручніках? Хрэсты”.

Крыж, альбо па-мясцовых усходнебеларускіх традыцыях “хрэст” – адзін з першых сімвалаў чалавецтва.

У архетыпе ягоных значэнняў – “агонь”. І з часоў здабывання агню трэннем дзвюх перакрыжаваных палачак, крыж (хрэст) застаецца святым знакам. Бо, як і здабыча агню, гэта знак-дзея змагання з цемрай і перамогі над ёю. З адпаведным пераносам значэнняў у фізічную, эмацыйную, ментальную сферы дзеяння.

“Агонь” – кажам мы, і разумеем, пра што. Корань той жа, што і ў старажытным санскрыце: “agni”. І з тымі ж пошукамі існасці агню. Не толькі ў небе альбо вогнішчы. Але і ў зямлі, водах, дрэвах, зерні і дзіцяці. У сэнсе агню жыцця супраціў безжыццёвасці, бязвогненасці нежывога і холада-цемры смерці.

А ці памятаюць пра гэтую індаеўрапейскую спадчыну нашы арнаментальныя сістэмы, і перш за ўсё, узоры ручнікоў? Так!
Больш за тое, гэтыя тканыя “тэксты” пераклікаюцца з тэкстамі моўнымі:

Разгуляўся Юр’еў конь – разбіў камень капытом!
А ў камені агню нет, а ў хлопцаў праўды нет!
Разгуляўся Юр’еў конь – разбіў гарэх капытом!
А ў гарэху ядро ёсць – а ў дзевак праўда ёсць!

Агонь, ядро-зерне, праўда – ставяцца ў адзін рад.
Давайце зададзім свае пытанні ручнікам і адзенню нашых пра-пра-бабак. Там яшчэ памяталі пра тое, што ўзоры бяруцца ад продкаў. І ў сінтаксісе арнаментальных кампазіцый пачуем голас і космас.

Праект "Адкуль родам знакі на нашых ручніках?" прадстаўляе вынік шматгадовай працы музея, які змяшчае матэрыялы экспедыцыйных і фондавых навуковых даследаванняў ткацкіх традыцый паўднёвага ўсходу Беларусі.

Выстава "Адкуль родам знакі на нашых ручніках? Хрэсты” працягне знаёміць вас з нашымі неверагоднымі напрацоўкамі, знаходкамі і адкрыццямі за ўвесь гэты час.

Гэта выстава пра нашу культуры і нашы карані.

Запрашаем на сустрэчу з традыцыяй.

 Калі: 27.09.2024 у 16:00.

 Дзе: г. Гомель, плошча Леніна, 4а (у парку, за саборам Пятра і Паўла).

Уваход на адкрыццё вольны.

Тэлефон філіяла: +375 232 50-96-98 

Створана 24 Верасень 2024

Аўтар:

Катэгорыя: Навіны

27 верасня (пятніца) ў філіяле Веткаўскага музея адбудзецца адкрыццё новай выставы «Шлях крыжа».

Гэта выстава прадставіць, бадай, самы распаўсюджаны сімвал чалавецтва. 

З глыбокай даўніны ім вызначалі сонца і агонь. Крыж з'яўляўся самай простай ідэаграмай Arbor mundi (Сусветнага дрэва), што для многіх цывілізацый было асноўным архетыпам светабудовы.

Аднак у хрысціянстве ўніверсальны знак стаў не проста сімвалам карціны свету, але своеасаблівым "крэда" - сімвалам веры чалавека.

З усяго набору першахрысціянскіх знакаў менавіта крыж стаў асноўнай выявай паслядоўнікаў Хрыста і першым часам выяўляў менавіта прыладу для катаванняў - Т-падобную перакладзіну, якую хрысціяне шанавалі ў памяць пра пакутніцкую смерць Збавіцеля і як пацвярджэнне акта Ягонага ўваскрэсення.

З цягам часу крыж стаўся не толькі правобразам усеагульнага ўваскрэсення ўсіх памерлых, знакам вечнага жыцця, але і маркерам асабістай далучанасці да цывілізацыі хрысціянства.

Ён настолькі шчыльна атаясаміўся з духоўнай практыкай хрысціянства і хрысціянскай культурай, што ў стараабрадніцкім асяродку бытаваў выраз: "без креста не молятся".

Багацце культурнага кантэксту бытавання крыжа і ўкрыжавання, размаітасць і варыятыўнасць выяў, адрозненне форм і спосабаў выкарыстання ў розных практыках, дазваляе гаварыць пра надзвычайную распаўсюджанасць сімвала ў абрадавай культуры насельніцтва нашага рэгіёна.

Запрашаем вас на адкрыццё выставы!
Гэта адзіная мажлівасць наведаць выставу бясплатна ды яшчэ з экскурсіяй ад яе куратара!

Калі: 27.09.2024 у 16:00.

Дзе: г. Гомель, плошча Леніна, 4а (у парку, за саборам Пятра і Паўла).

Уваход на адкрыццё вольны.

Тэлефон філіяла: +375 232 50-96-98

Створана 23 Верасень 2024

Аўтар:

Катэгорыя: Навіны

5 верасня (чацвер) у Нацыянальным мастацкім музеі адбудзецца адкрыццё нашай выставы «Іконы Веткі. Спас Нерукатворны».

Гэтая выстава - вынік шматгадовага праекта даследаванняў Веткаўскага музея. Пачатага яшчэ ў 1979 г. заснавальнікам музея Фёдарам Шкляравым, які працягваецца і сёння.

Мы прадставім свой збіральніцкі, экспедыцыйны, рэстаўрацыйны, навукова-даследчы і мастацкі досвед вывучэння выявы Спаса Нерукатворнага. Яго жывапіснае ўвасабленне ў веткаўскай іканапіснай традыцыі.

Менавіта прыгажосць і таямніца вобраза, гэтай «першай іконы» і «першага партрэта Хрыста», прываблівае мастакоў многіх стагоддзяў.
Веткаўская «Атлантыда» ўнікальна і шматгранна распрацоўвала гэтую тэму, уносячы, як заўсёды, сваё слова.

Стрыжнем выставачнай прасторы выступіць вобраз «Шлях мастака Ананіі», пэндзлю якога належала першая выява Збавіцеля.

Выстава «Іконы Веткі. Спас Нерукатворны» будзе дзейнічаць да 27 кастрычніка 2024 года.

 Запрашаем на адкрыццё! Будзем рады пабачыцца з вамі на нашай выставе ў Мастацкім музеі.

 Калі: 05.09.2024 у 17:00.

 Дзе: г. Мінск, вул. Карла Маркса, 24 (выставачны корпус Мастацкага музея).

Уваход вольны!

Створана 28 Жнівень 2024

Аўтар:

Катэгорыя: Навіны

Анонс мерапрыемстваў у Веткаўскім музеі і гомельскім філіяле музея на ВЕРАСЕНЬ:

*Асобна кожную падзею мы будзем больш падрабязна анансаваць бліжэй да даты яе правядзення, як гэта робім заўсёды.
У гэтым анонсе магчымы змены.

Новыя выставы:
Адкрыццё выставы "Іконы Веткі. Спас Нерукатворны" ў Нацыянальным мастацкім музеі Рэспублікі Беларусь
05.09 (чацвер) 17:00, Мінск, вул. Карла Маркса, 24 (выставачны корпус музея)
кошт: бясплатна

Адкрыццё двух новых выстаў "Шлях Крыжа" і "Адкуль родам нашы знакі? Крыж у арнаменце"
27.09 (пятніца) 16:00, філіял Веткаўскага музея (Гомель)
кошт: бясплатна

Фестывалі і вечарыны:
Удзел у "Фестывалі навукі"
07.09 (субота) 11:00-19:00, Мінск, Цэнтральны батанічны сад (вул. Сурганава, 2в)
кошт і ўсе падрабязнасці: на сайце scifest.by

“Жаніцьба коміна” - этна-вечарына, рэканструкцыя архаічнага абраду, які звязаны з пераносам агню (святла) з вуліцы ў хату
28.09 (субота) 16:00, філіял Веткаўскага музея (Гомель)
кошт: 7 BYN

Экскурсія:
"Спасава Слабада. Стараабрадцы Гомеля" - пешаходная экскурсія па гістарычным раёне Гомеля
15.09 (нядзеля) 10:00, філіял Веткаўскага музея (Гомель)
кошт: 10 BYN

Майстар-класы (абавязковы папярэдні запіс):
 Лепка з гліны
07.09, 21.09 (суботы) 11:00, філіял Веткаўскага музея (Гомель)
кошт: 15 BYN (+5 BYN майстру за абпал вырабу ў печцы)

 Неглюбская гарлячка
14.09 (субота) 11:00, філіял Веткаўскага музея (Гомель)
кошт: 12 BYN

 Лялька "Кубышка-траўніца"
21.09 (субота) 14:00, філіял Веткаўскага музея (Гомель)
кошт: 7 BYN

 Майстар-класы па ткацтве з ласкутоў тканіны "Нацянькі"
01.09, 08.09, 15.09, 22.09, 29.09 (нядзелі), Веткаўскі музей (Ветка)
кошт: бясплатна

Створана 26 Жнівень 2024

Аўтар:

Катэгорыя: Навіны

Анонс мерапрыемстваў у Веткаўскім музеі і гомельскім філіяле музея на ЖНІВЕНЬ:

*Асобна кожную падзею мы будзем больш падрабязна анансаваць бліжэй да даты яе правядзення, як гэта робім заўсёды.
У гэтым анонсе магчымы змены.

Экскурсія (абавязковы папярэдні запіс):
- "Спасава Слабада. Стараабрадцы Гомеля" - пешаходная экскурсія па гістарычным раёне Гомеля
17.08 (субота) 10:00, збор у філіяле Веткаўскага музея (Гомель)
кошт: 6 BYN

Майстар-класы (абавязковы папярэдні запіс):
- Майстар-класы па ткацтве "Нацянькі"
04.08, 11.08, 18.08, 25.08 (нядзелі), Веткаўскі музей (Ветка)
кошт: бясплатна

- Лепка з гліны
10.08, 24.08 (суботы) 11:00, філіял Веткаўскага музея (Гомель)
кошты: 15 BYN (+5 BYN майстру за абпал вырабу ў печцы)

Створана 30 Ліпень 2024

Аўтар:

Катэгорыя: Навіны

*Асобна кожную падзею мы будзем больш падрабязна анансаваць бліжэй да даты яе правядзення, як гэта робім заўсёды.
У гэтым анонсе магчымы змены.

Выстава аднаго дня:
Выстава, прымеркаваная да Дня незалежнасці Рэспублікі Беларусь
03.07 (серада), Ветка, Красная плошча
кошт: бясплатна

Святочная імпрэза:
"Ой, рана на Івана" - купальская імпрэза
06.07 (субота) 14:00-16:00, філіял Веткаўскага музея (Гомель)
кошт: бясплатна

Экскурсія:
"Спасава Слабада. Стараабрадцы Гомеля" - пешаходная экскурсія па гістарычным раёне Гомеля
27.07 (субота) 10:00, збор у філіяле Веткаўскага музея (Гомель)
кошт: 6 BYN

Майстар-класы:
Неглюбская гарлячка
13.07 (субота) 11:00, Веткаўскі музей (Ветка)
кошт: 10 BYN

Неглюбская гарлячка
20.07 (субота) 11:00, філіял Веткаўскага музея (Гомель)
кошт: 12 BYN

Майстар-класы па ткацтве "Нацянькі"
07.07, 14.07, 21.07, 28.07 (нядзелі), Веткаўскі музей (Ветка)
кошт: бясплатна

Лепка з гліны
13.07, 27.07 (суботы) 11:00, філіял Веткаўскага музея (Гомель)
кошты: 20 BYN і 15 BYN (+5 BYN майстру за абпал вырабу ў печцы)

Створана 30 Чэрвень 2024

Аўтар:

Катэгорыя: Навіны

Інфармацыйны ліст

Паважаныя калегі і сябры Веткаўскага музея!
          Запрашаем вас узяць удзел у ІІ Міжнароднай навукова-практычнай канферэнцыі «“Дабы не предати небытию надобные вещи”. Стараабрадніцтва як гісторыка-культурны феномен», якая адбудзецца 18-19 кастрычніка 2024 года. Арганізатары канферэнцыі: Веткаўскі раённы выканаўчы камітэт, ДУК “Веткаўскі музей стараабрадніцтва і беларускіх традыцый ім. Ф.Р. Шклярава», Асветніцкі аддзел РПСЦ (г. Масква).

Для ўдзелу ў рабоце канферэнцыі запрашаем спецыялістаў у галіне вывучэння гісторыі, культуры, мовы, фальклору і захавання спадчыны стараабрадцаў, выкладчыкаў, супрацоўнікаў устаноў адукацыі і культуры, усіх зацікаўленых тэмай.

Працоўныя мовы канферэнцыі – беларуская, руская.

На канферэнцыі мяркуецца праца па наступных кірунках:

1.Гістарычныя лёсы стараабрадніцтва. Гісторыя стараабрадніцкіх цэнтраў. Тэарэтычныя і практычныя праблемы традыцыйнай ідэалогіі стараабрадніцтва. Духоўныя настаўнікі стараабрадніцтва. Стараабрадніцкая міграцыя. Праблемы міжкультурнага ўзаемадзеяння.

2.Этнакультура стараабрадцаў. Міжкультурная камунікацыя, культурная і моўная ідэнтычнасць стараабрадцаў. Фальклор як арганічная частка духоўнай культуры стараабрадцаў. Рэлігійная свядомасць і фальклорна-бытавая культура.

3.Кніжная культура стараабрадніцтва.

4.Стараабрадніцкі іканапіс і яго рэгіянальныя асаблівасці, абумоўленасць, традыцыяналізм і наватарства, культуралагічныя сувязі, персаналіі.

5.Праблемы захавання і папулярызацыі духоўнай і матэрыяльнай спадчыны стараабрадцаў. Матэрыяльная і духоўная спадчына стараабрадніцтва ў фондах музеяў, архіваў, бібліятэк і г.д.

Прадстаўленыя вышэй кірункі не могуць у поўнай меры ахапіць дыяпазон навуковых даследаванняў у гэтай галіне, таму Аргкамітэт прыме аўтарскія працы, прысвечаныя і іншай праблематыцы стараабрадніцтва.

На канферэнцыі мяркуюцца наступныя формы працы:

• удзел у працы секцый афлайн: выступ з дакладам, удзел у дыскусіі;
• у выпадку немагчымасці асабіста прыняць удзел у канферэнцыі, прымаюцца відэазапісы дакладаў, працягласцю да 15 хвілін; запісы дакладаў прымаюцца да 2 кастрычніка 2024 г.
• заяўкі для ўдзелу ў канферэнцыі просім даслаць да 01.09.2024 г.

Тэкст даклада для публікацыі, аформлены ў адпаведнасці з прыведзенымі тут патрабаваннямі (https://docs.google.com/document/d/1t7Qk4RTx526QUZaCrAg0AMrFeGeZ6RsI/edit?usp=sharing&ouid=116960218288883663331&rtpof=true&sd=true), просім дасылаць на адрас Аргкамітэта канферэнцыі не пазней за 01.09.2024 г. Звяртаем вашу ўвагу, што ў друк будуць прыняты толькі тэксты, якія раней нідзе не былі апублікаваныя* Аргкамітэт пакідае за сабой права адхіліць матэрыялы, якія не адпавядаюць праблематыцы і профілю канферэнцыі. Плануецца выданне зборніка матэрыялаў канферэнцыі.

Усе выдаткі, звязаныя са знаходжаннем на канферэнцыі (праезд, пражыванне, харчаванне, культурная праграма і інш.), аплачваюцца асабіста ўдзельнікамі або за кошт накіроўваючага боку.

Для ўдзелу ў канферэнцыі просім вас накіроўваць заяўкі і матэрыялы не пазней за 1 верасня 2024 г.з паметкай: «“Дабы не предати небытию надобные вещи”. Стараабрадніцтва як гісторыка-культурны феномен» 18-19 кастрычніка 2024 г. Спасылка на форму заяўкі: https://docs.google.com/document/d/1_WSI0BnokmZj8-TzSjwPGnzybAgD5mt8/edit?usp=sharing&ouid=116960218288883663331&rtpof=true&sd=true

          Умовы ўдзелу ў Канферэнцыі:

1. Неабходна запоўніць заяўку, што дадазена, і накіраваць запоўненую заяўку па прапанаванай форме на адрас: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.

2. Аплата праезду - за кошт камандзіруючага боку; аплата гасцініцы - за ўласны кошт; Аргкамітэт пасадзейнічае размяшчэнню ўдзельнікаў у гасцініцах горада.

3. Усім удзельнікам будзе выдадзены сертыфікат або накіраваны па электроннай пошце па патрабаванні.

          Кантактная асоба і адрас:

Афанасьева Вольга Васільеўна, +375291920731, Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.

Дырэктар ДУК «Веткаўскі музей стараабрадніцтва і беларускіх традыцый ім. Ф.Г. Шклярава» Ю.П.Катляроў

*Тэксты дакладаў, якія не адпавядаюць патрабаванням, якія публікаваліся раней, прынятыя Аргкамітэтам пазней за 1 верасня 2024 года, у Зборнік Матэрыялаў канферэнцыі 2024 г. не ўвойдуць.

Створана 11 Чэрвень 2024

Аўтар:

Катэгорыя: Навіны

*Асобна кожную падзею мы будзем больш падрабязна анансаваць бліжэй да даты яе правядзення, як гэта робім заўсёды.
У гэтым анонсе магчымы змены.

Экскурсія:
"Спасава Слабада. Стараабрадцы Гомеля" - пешаходная экскурсія па гістарычным раёне Гомеля
22.06 (субота) 10:00, філіял Веткаўскага музея (Гомель)
кошт: 6 BYN
 
Майстар-класы і спевы:
Неглюбская гарлячка
15.06 (субота) 12:00, філіял Веткаўскага музея (Гомель)
кошт: 12 BYN

 Майстар-клас па ткацтве
30.06 (нядзеля) 12:00, Веткаўскі музей (Ветка)
кошт: 7 BYN

Лепка з гліны
08.06, 22.06 (суботы) 11:00, філіял Веткаўскага музея (Гомель)
кошт: 15 BYN (+5 BYN майстру за абпал вырабу ў печцы)

Заняткі "Школкі традыцыйных спеваў” - вывучаем і спяваем традыцыйныя песні нашага рэгіёна
02.06, 09.06, 23.06, 30.06 (нядзелі) 13:00, філіял Веткаўскага музея (Гомель)
кошт: бясплатна

Створана 28 Май 2024

Аўтар:

Катэгорыя: Навіны

Сёння ў філіяле Веткаўскага музея адбылася выстава незвычайнага фармату - выстава аднаго дня.

Гэта выстава гомельскага майстра-разьбяра Барыса Міхайлавіча Васількова "Казачны сусвет".

Сёння Барысу Міхайлавічу споўніался 95 год! І ён дагэтуль займаецца любімай справай. Выстаўленыя працы - таму пацвярджэнне: усе 12 работ для выставы былі зробленыя ў 2023-24 годзе.

Шматлікія музеі Беларусі і іншых краін (Літва, Італія, Францыя, ЗША) захоўваюць немалую колькасць работ майстра. Наш музей сустрэўся з Барысам Міхайлавічам у 1990х гадах. За гэты час мы разам стварылі не адну выставу.

Усе работы Барыса Васількова, якія сёння былі прадстаўленыя на выставе, можна набыць у сувенірнай лаўцы філіяла Веткаўскага музея.

г. Гомель, плошча Леніна, 4а (у парку, за саборам Пятра і Паўла).
Час працы: з 9:00 да 18:00
+375 232 50-96-98

Створана 25 Май 2024