Аўтар:

Катэгорыя: Навіны

Запрашаем на майстар-клас па пляценні гарлячкі - традыцыйнага неглюбскага дзявочага ўпрыгожвання!

Гарлячка - гэта шыйнае ўпрыгожванне з бісеру, з'яўляецца элементам неглюбскага жаночага строя. Такі сабе неглюбскі чокер Гарлячка была штодзённым упрыгожваннем, якое яшчэ ў першай палове 20 ст. насіла амаль кожная жанчына любога ўзросту.

На майстар-класе кожны пачне рабіць сваю гарлячку. Мы не паспеем зрабіць яе цалкам. Але вы будзеце ведаць тэхналогію, і лёгка зможаце скончыць упрыгожванне дома.

Бісер для ўпрыгожвання мы прадаставім. Але калі вы хочаце ўзяць пэўны з сабой, то спатрэбіцца бісер 2-х ці 3-х колераў - па адным пакуначкі кожнага колеру. Памер бісернай пацеркі (бісерыны) - на ваш выбар. Чым буйнейшыя пацеркі - тым хутчэй спляцецца гарлячка, але і больш шырокая яна атрымаецца.

*Майстар-клас падыходзіць для ўзросту ад 12 год.

Абавязковы папярэдні запіс па тэлефоне +375 232 50-96-98 (з 9:30 да 18:00)

Кошт: 10 BYN.

Калі: 06.04 (нядзеля), у 11:00.

Дзе: філіял Веткаўскага музея - г. Гомель, плошча Леніна, 4а (у парку, за саборам Пятра і Паўла). 

Створана 31 Сакавік 2025

Аўтар:

Катэгорыя: Навіны

У нядзелю 6 красавіка ў філіяле Веткаўскага музея адбудзецца святочная лекцыя "Дабравешчанне".

Вясна прыносіць з сабой абнаўленне і адраджэнне прыроды, ажыццяўленне нашых спадзяванняў і надзей.

Свята Дабравешчання, якое мы штогод адзначаем 7 красавіка, таксама звязана з абнаўленнем чалавека і надзеяй на ўвасабленне ў яго жыцці богапрыпадабнення.

Напярэдадні свята запрашаем вас на лекцыю - паглыбіцца ў сапраўдныя, даўнія, таемныя сэнсы Дабравечшання. 

Правядзе лекцыю навуковая супрацоўніца Веткаўскага музея, магістр тэалогіі Вольга Афанасьева. 
Мова лекцыі - руская.

Запіс на лекцыю па тэлефоне +375 (232) 50-96-98 (з 9:30 да 18:00). 

Калі: 06.04 (нядзеля) у 12:00
Дзе: філіял Веткаўскага музея - г. Гомель, плошча Леніна, 4а (у парку, за саборам Пятра і Паўла)
Кошт: 7 BYN 

Створана 31 Сакавік 2025

Аўтар:

Катэгорыя: Навіны

Працягваем цыкл майстар-класаў па абрадавай ляльцы!

У красавіку мы зробім абярэжную ляльку "Вербніца"!

"Вербніца" - сімвал вясновага абуджэння прыроды. Па павер'ях славян, галінкі вярбы засцерагаюць дом, прыносячы ў яго мір і спакой.

Абавязковы папярэдні запіс па тэлефоне +375 232 50-96-98 (з 9:30 да 18:00).

Калі: 05.04 (субота), у 14:00.
Кошт: 10 BYN.
Дзе: філіял Веткаўскага музея. Гомель, пл. Леніна, 4а (у парку, за саборам Пятра і Паўла). 

Створана 28 Сакавік 2025

Аўтар:

Катэгорыя: Навіны

Саламяны павук быў традыцыйным упрыгожваннем інтэр'ера беларусаў з даўніх часоў.

Але ж не толькі і не проста ўпрыгожваннем. Гэта старажытны абярэг, які забяспечваў дабрабыт сям'і і ахоўваў хату ад нячыстай сілы. Меркавалі, што ў тым доме, дзе пад столлю кружыцца залацісты саламяны павук, заўжды будзе панаваць згода, лад і дабрабыт.
Таксама павука падвешвалі і над калыскай немаўляці, а таксама над галовамі маладых падчас вяселля.

Запрашаем вас на майстар-клас, дзе вы самі зробіце ўласны абярэг.

*Майстар-клас падыходзіць для ўзросту ад 12 год. 
Патрэбны папярэдні запіс па тэлефоне +375(232)509698.

Калі: 05.04 (субота) у 11:00.
Працягласць каля гадзіны.

Дзе: філіял Веткаўскага музея. Гомель, пл. Леніна, 4а (у парку, за саборам Пятра і Паўла).

Кошт: 10 BYN. 

Тэлефон для запісу: +375(232)509698 (з 9:30 да 18:00) 

Створана 28 Сакавік 2025

Аўтар:

Катэгорыя: Навіны

Саламяны павук быў традыцыйным упрыгожваннем інтэр'ера беларусаў з даўніх часоў.

Але ж не толькі і не проста ўпрыгожваннем. Гэта старажытны абярэг, які забяспечваў дабрабыт сям'і і ахоўваў хату ад нячыстай сілы. Меркавалі, што ў тым доме, дзе пад столлю кружыцца залацісты саламяны павук, заўжды будзе панаваць згода, лад і дабрабыт.
Таксама павука падвешвалі і над калыскай немаўляці, а таксама над галовамі маладых падчас вяселля.

Запрашаем вас на майстар-клас, дзе вы самі зробіце ўласны абярэг.

*Майстар-клас падыходзіць для ўзросту ад 12 год. 
Патрэбны папярэдні запіс па тэлефоне +375(232)509698.

Калі: 05.04 (субота) у 11:00.
Працягласць каля гадзіны.

Дзе: філіял Веткаўскага музея. Гомель, пл. Леніна, 4а (у парку, за саборам Пятра і Паўла).

Кошт: 10 BYN. 

Тэлефон для запісу: +375(232)509698 (з 9:30 да 18:00) 

Створана 28 Сакавік 2025

Аўтар:

Катэгорыя: Навіны

Новая пешаходная экскурсія па Гомелі ад Веткаўскага музея!

"Станіслаў Шабунеўскі. Гомель - ад эклектыкі да мадэрна" - гэта экскурсія па архітэктурнай спадчыне выбітнага гомельскага архітэктара, які спраектаваў адны з самых знакавых будынкаў горада!

На экскурсіі мы акунемся ў жыццё цэнтральнай часткі горада канца XIX - пачатку XX ст. (перыяд бурнага дэмаграфічнага і эканамічнага росту) з яго забудовай, паўсядзённым жыццём, праблемамі і станоўчымі тэндэнцыямі. На свае вочы ўбачым творчы шлях і эвалюцыю стылістыкі ў архітэктуры гарадскіх сядзіб, даходных дамоў, банкаўскіх і забаўляльных устаноў.

Экскурсійны маршрут "Станіслаў Шабунеўскі. Гомель - ад эклектыкі да мадэрна" распрацаваны супрацоўнікамі Веткаўскага музея. Праводзіць экскурсію дырэктар музея Юрый Катляроў.

Абавязковая бронь месцаў па тэлефоне +375 232 50-96-98 (з 9:30 да 18:00).
І абавязковая перадаплата ў філіяле музея! (Збіраемся не каля філіяла, а каля БелДУТа).

Калі: 27.04 (нядзеля) у 11:00
Месца збору - у скверыку насупраць будынка БелДУТа, што на вуліцы Камсамольскай.
Кошт: 10 BYN
Тэлефон для запісу: +375 232 50-96-98 (з 9:30 да 18:00)

Створана 26 Сакавік 2025

Аўтар:

Катэгорыя: Навіны

Экскурсія па Спасавай слабадзе - адным з самых цікавых гістарычных раёнах Гомеля.

З часоў свайго існавання, а менавіта, з сярэдзіны XVIII стагоддзя, раён Спасава слабада быў месцам пражывання стараабрадцаў. Можна сказаць, што гэта быў адзін з самых заможных і дагледжаных раёнаў горада, які садзейнічаў фарміраванню своеасаблівага іміджу Гомеля, як горада гандляроў, чыгуначнікаў, дробных прадпрымальнікаў і рамеснікаў.

Падчас экскурсіі мы:

• разгледзім гісторыю Гомеля праз малавядомыя факты пра яго стараабрадніцкую спадчыну;
• абмяркуем гісторыю стараабрадцаў Гомеля, захаваную і страчаную спадчыну, дамы, сакральныя збудаванні;
• з дазволу настаяцеля стараабрадніцкай Спаса-Праабражэнскай царквы, айца Сергія, патрапім у сам храм.

Экскурсійны маршрут "Спасава слабада. Стараабрадцы Гомеля" распрацаваны супрацоўнікамі Веткаўскага музея. Праводзіць экскурсію дырэктар музея Юрый Катляроў.

Колькасць месцаў абмежаваная. Абавязковы папярэдні запіс па тэлефоне +375 232 50-96-98.

Падчас экскурсіі мы наведаем стараабрадніцкі Спаса-Праабражэнскі храм. Для тых, хто хоча наведаць сам храм, пажадана адпаведна апрануцца: жанчынам - сукенка/спадніца ніжэй за калена, хустка.

Калі: 19.04 (субота) у 10:00
Дзе: Збор у філіяле Веткаўскага музея - г. Гомель, плошча Леніна, 4а (у парку, за саборам Пятра і Паўла)
Кошт: 10 BYN
Тэлефон для запісу: +375 232 50-96-98 (з 9:30 да 18:00) 

Створана 26 Сакавік 2025

Аўтар:

Катэгорыя: Навіны

Анонс мерапрыемстваў у гомельскім філіяле Веткаўскага музея на КРАСАВІК:

*Асобна кожную падзею мы будзем больш падрабязна анансаваць бліжэй да даты яе правядзення, як гэта робім заўсёды.
У гэтым анонсе магчымы змены.

Экскурсіі і лекцыі (абавязковы папярэдні запіс):

Святочная лекцыя "Дабравешчанне"
06.04 (нядзеля) 12:00, філіял Веткаўскага музея (Гомель)
кошт: 7 BYN

"Спасава Слабада. Стараабрадцы Гомеля" - пешаходная экскурсія па гістарычным раёне Гомеля
19.04 (субота) 10:00
кошт: 10 BYN

"Станіслаў Шабунеўскі. Гомель - ад эклектыкі да мадэрна" - новая пешаходная экскурсія па Гомелі
27.04 (нядзеля) у 11:00
кошт: 10 BYN

Экскурсія ў мінулае "Як Фёдар Шкляраў збіраў калекцыю для Веткаўскага музея, і хто яму дапамагаў"
26.04 (субота) у 12:00, філіял Веткаўскага музея (Гомель)
кошт: 7 BYN

Майстар-класы (абавязковы папярэдні запіс) і спевы:
Саламяны павук
05.04 (субота) у 11:00, філіял Веткаўскага музея (Гомель)
кошт: 10 BYN

Лялька "Вербніца"
05.04 (субота) у 14:00, філіял Веткаўскага музея (Гомель)
кошт: 10 BYN

Неглюбская гарлячка
06.04 (нядзеля) у 11:00, філіял Веткаўскага музея (Гомель)
кошт: 10 BYN

Роспіс велікодных яек
12.04 у 12:00 і 19.04 у 10:00 (суботы), філіял Веткаўскага музея (Гомель)
кошт: 10 BYN

Велікодны вяночак
14.04 - 19.04 (з панядзелка да суботы) у 12:00, філіял Веткаўскага музея (Гомель)
кошт: 10 BYN

Заняткі "Школкі традыцыйных спеваў” - вывучаем і спяваем традыцыйныя песні нашага рэгіёна
06.04, 13.04, 27.04 (нядзелі) у 14:00, філіял Веткаўскага музея (Гомель)
кошт: бясплатна 

Створана 26 Сакавік 2025

Аўтар:

Катэгорыя: Навіны

З 1 красавіка ў нас зменяцца цэны.

Новыя цэны ў Веткаўскім музеі (што ў Ветцы):

Уваходны білет у выставачны корпус (самастойны агляд экспазіцый, без экскурсіі)*:
дарослыя - 8 BYN
пенсіянеры - 6 BYN
навучэнцы - 4 BYN
*цана - з чалавека

Уваходны білет у выставачную залу ў адміністратыўным корпусе (самастойны агляд экспазіцый, без экскурсіі)*:
дарослыя - 4 BYN
пенсіянеры - 3 BYN
навучэнцы - 3 BYN
*цана - з чалавека

Аглядная экскурсія*:
дарослыя, пенсіянеры - 16 BYN
навучэнцы - 9 BYN
*цана - з групы + уваходны квіток з чалавека

Новыя цэны ў філіяле Веткаўскага музея (што ў Гомелі):

Уваходны білет (самастойны агляд экспазіцый, без экскурсіі)*:
дарослыя - 5 BYN
пенсіянеры - 4 BYN
навучэнцы - 3 BYN
*цана - з чалавека

Аглядная экскурсія*:
дарослыя, пенсіянеры - 10 BYN
навучэнцы - 6 BYN
*цана - з групы + уваходны квіток з чалавека

Створана 26 Сакавік 2025

Аўтар:

Катэгорыя: Навіны

Запрашаем на “Гуканне вясны” з Веткаўскім музеем!

«Гуканне вясны» — архаічны абрад, звязаны з абуджэннем прыроды і заклікам вясны. Своеасаблівы пераход ад зімы да лета. Ад гэтага раней асабліва залежаў дабрабыт чалавека.

 Давайце разам справім адзін з самых адметных абрадаў Гомельскага Палесся і абудзім зямлю ад зімовага сну. Гэта абрадавае дзеянне павінна адзначацца весела, шумна: са спевамі, гульнямі, карагодамі, танцамі!

 Разам з вамі мы:
- пойдзем на ўзбярэжжа ракі;
- паспяваем разам традыцыйныя веснавыя песні;
- паводзім карагоды ды пагуляем у веснавыя гульні;
- зробім пудзіла Зімы;
- прыгатуем яечню;
- і зладзім шмат іншых цікавых абрадавых дзеянняў.

Дапаможа нам гукаць вясну фальклорны гурт “Стаўбунскія вячоркі” з вёскі Стаўбун Веткаўскага раёна.

Прыходзьце самі ды бярыце з сабой вясёлую кампанію!

Апранайцеся цёпленька, бярыце з сабой асабістую рэч, якую можна спаліць (як увасабленне таго, з чым жадаеце развітацца з надыходам вясны).

Будзем гукаць вясну разам, каб усё расло і квітнела.

Калі і дзе: 29.03 (субота) ў 12:00.
Збіраемся каля Веткаўскага музея (Ветка, Красная плошча, 5).

Уваход вольны. 

Створана 22 Сакавік 2025

Аўтар:

Катэгорыя: Навіны

У нядзелю 23 сакавіка ў 14:00 запрашаем вас на заняткі нашай "Школкі традыцыйных спеваў".

Працягваем вывучаць і спяваць веснавыя песні і карагоды!

Прыходзьце самі і бярыце з сабой кампанію.

На такіх занятках няма гледачоў - усе ўдзельнікі. Мы ўсе спяваем разам. Не важна, ці ўмееце вы спяваць, ці ведаеце песні.

Супольныя спеўкі - выдатная магчымасць паспяваць усім разам, і тым, хто наведвае заняткі даўно, і тым, хто прыйдзе да нас упершыню.

Перад тым, як заспяваць, на занятках адбываецца пэўная галасавая і дыхальная гімнастыка. Такая размінка ды спевы ў народнай манеры - шыкоўна аздараўляе і голас, і арганізм у цэлым.

Час правядзення: 23.03 у 14:00.

Месца правядзення: філіял Веткаўскага музея, г. Гомель, плошча Леніна, 4а (у парку, за саборам Пятра і Паўла).

Кошт: бясплатна. 

Створана 18 Сакавік 2025

Аўтар:

Катэгорыя: Навіны

 21 сакавіка (пятніца) ў філіяле Веткаўскага музея адбудзецца адкрыццё новай выставы "Заснавальнік".

Выстава прысвечана стагоддзю з дня нараджэння Фёдара Рыгоравіча Шклярава - майстра, калекцыянера, мастака, даследчыка, чалавека, які стварыў Веткаўскі музей.

Фёдар Шкляраў нарадзіўся ў сям'і стараабрадцаў, ён з дзяцінства быў акружаны стараабрадніцкімі іконамі, кнігамі, прадметамі побыту, але цікавасць да ўсяго гэтага ўзнікне ў яго значна пазней. На сваім шляху якімі толькі навыкамі ён не авалодаў: цясляр, сталяр, мэбельшчык, тынкоўшчык, маляр, чаканшчык, фатограф, разьбяр па дрэве, афарміцель, мастак па тканінах на ткацкай фабрыцы. Аднак галоўнай яго страсцю быў жывапіс. І больш за ўсё ён любіў маляваць пейзажы Веткі.

У 45 гадоў Фёдару Рыгоравічу паставілі памылковы дыягназ, паведаміўшы, што жыць яму засталося нядоўга. Гэты момант стаў кропкай пераасэнсавання - што ён паспеў, што пакіне пасля сябе? Да гэтага ўзросту ён пабудаваў дом, пасадзіў каля яго сад і даў жыццё тром дзецям - здавалася б, стварыў свой мікракосм… Але раптам зразумеў "не паспеў даведацца: на чым сядзеў і па чым хадзіў" - не пазнаў ні каранёў сваіх, ні традыцый, ні культуры зямлі, на якой жыў. З гэтага моманту пачаўся шлях, які прывёў да стварэння Веткаўскага музея.

Ён стане "інтарэсантам": будзе ездзіць па Веткаўшчыне ў пошуку стараабрадніцкіх ікон, кніг, прадметаў побыту. Дзякуючы гэтаму “шкляраўскаму пачатку” Веткаўскі музей стане ўнікальным цэнтрам вывучэння гісторыі рэгіёну.

Што нам здалося важным паказаць на гэтай выставе-прысвяце Фёдару Шкляраву? Яго жывапісныя пейзажы родных мясцін. Яны напоўненыя святлом, рухам, жыццём. Графічныя партрэты веткаўчан, у якіх адлюстраваны характары і лёсы людзей яго часу. Незавершаная карціна (вядома, пейзаж любімай Веткі) - яе ён пісаў да апошняга свайго дня. Асабістыя лісты - да яго і ад яго, поўныя разважанняў, эмоцый, пошукаў ісціны. Кнігі - якія ён любіў і чытаць як аматар гісторыі, і збіраць як калекцыянер. І ікона «Мікола Цудатворац», з якой пачалася музейная калекцыя.

 Запрашаем вас на адкрыццё выставы!

 Калі: 21.03.2025 у 16:00.

 Дзе: філіял Веткаўскага музея - г. Гомель, плошча Леніна, 4а (у парку, за саборам Пятра і Паўла).

Уваход вольны!

Тэлефон філіяла: +375 232 50-96-98 

Створана 18 Сакавік 2025

Аўтар:

Катэгорыя: Навіны

Запрашаем на майстар-клас па пляценні гарлячкі - традыцыйнага неглюбскага дзявочага ўпрыгожвання!

Гарлячка - гэта шыйнае ўпрыгожванне з бісеру, з'яўляецца элементам неглюбскага жаночага строя. Такі сабе неглюбскі чокер Гарлячка была штодзённым упрыгожваннем, якое яшчэ ў першай палове 20 ст. насіла амаль кожная жанчына любога ўзросту.

На майстар-класе кожны пачне рабіць сваю гарлячку. Мы не паспеем зрабіць яе цалкам. Але вы будзеце ведаць тэхналогію, і лёгка зможаце скончыць упрыгожванне дома.

Бісер для ўпрыгожвання мы прадаставім. Але калі вы хочаце ўзяць пэўны з сабой, то спатрэбіцца бісер 2-х ці 3-х колераў - па адным пакуначкі кожнага колеру. Памер бісернай пацеркі (бісерыны) - на ваш выбар. Чым буйнейшыя пацеркі - тым хутчэй спляцецца гарлячка, але і больш шырокая яна атрымаецца.

*Майстар-клас падыходзіць для ўзросту ад 12 год.

Абавязковы папярэдні запіс па тэлефоне +375 232 50-96-98 (з 9:30 да 18:00) 

Кошт: 12 BYN.

Калі: 15.03 (субота), у 14:00.

Дзе: г. Гомель, плошча Леніна, 4а (у парку, за саборам Пятра і Паўла). 

Створана 05 Сакавік 2025

Аўтар:

Катэгорыя: Навіны

У нядзелю 9 сакавіка ў 14:00 запрашаем вас на заняткі нашай "Школкі традыцыйных спеваў".

Пачынаем рыхтавацца да вясны - будзем вывучаць і спяваць веснавыя песні і карагоды!

Прыходзьце самі і бярыце з сабой кампанію.

На такіх занятках няма гледачоў - усе ўдзельнікі. Мы ўсе спяваем разам. Не важна, ці ўмееце вы спяваць, ці ведаеце песні.

Супольныя спеўкі - выдатная магчымасць паспяваць усім разам, і тым, хто наведвае заняткі даўно, і тым, хто прыйдзе да нас упершыню.

Перад тым, як заспяваць, на занятках адбываецца пэўная галасавая і дыхальная гімнастыка. Такая размінка ды спевы ў народнай манеры - шыкоўна аздараўляе і голас, і арганізм у цэлым.

Час правядзення: 09.03 у 14:00. 

Месца правядзення: філіял Веткаўскага музея, г. Гомель, плошча Леніна, 4а (у парку, за саборам Пятра і Паўла).

Кошт: бясплатна. 

Створана 05 Сакавік 2025

Аўтар:

Катэгорыя: Навіны

Запрашаем на куратарскую экскурсію па нашай новай выставе "«Прошу я Вас сработать ризу...». Дынастыя майстроў Свяшчэннікавых".

Гэта выстава прысвечана стараабрадніцкаму роду Свяшчэннікавых, якія былі цэлай дынастыяй майстроў, што стваралі чаканеныя аклады на іконы.

У канцы 1980-х гг. мы пазнаёміліся з цудоўнай жанчынай Арынай Радзівонаўнай. Яе бацька Радзівон Мікалаевіч (нар. у 1871), дзядуля Мікалай Панкрацьевіч (нар. у 1833) і прадзед Панкратый (дата не вядомая) былі майстрамі-чаканшчыкамі.

Святлана Лявонцьева (галоўная захавальніца фондаў Веткаўскага музея), якая з'яўляецца куратарам выставы, была блізка знаёмая з Арынай Радзівонаўнай. Яна пэўны час нават жыла ў доме Свяшчэннікавых, каб паглыбіцца ў асяроддзе гэтай стараабрадніцкай сям'і, напоўненае духоўнасцю і высокай маральнасцю, дзе нараджалася сапраўднае майстэрства.

На экскурсіі Святлана Лявонцьева пазнаёміць вас з укладам жыцця, светапоглядам, культурай, каштоўнай спадчынай стараабрадцаў праз гісторыю дынастыі майстроў Свяшчэннікавых.

Колькасць месцаў абмежаваная.
Абавязковы папярэдні запіс па тэлефоне +375 232 50-96-98 (з 9:30 да 18:00).

Калі: 15.03 (субота), у 12:00
Працягласць: 40-60 хвілін.

Месца правядзення: філіял Веткаўскага музея, Гомель, плошча Леніна, 4а (у парку, за саборам Пятра і Паўла)
Кошт: 5 BYN 

Створана 05 Сакавік 2025

Аўтар:

Катэгорыя: Навіны

Экскурсія па Спасавай слабадзе - адным з самых цікавых гістарычных раёнах Гомеля.

З часоў свайго існавання, а менавіта, з сярэдзіны XVIII стагоддзя, раён Спасава слабада быў месцам пражывання стараабрадцаў. Можна сказаць, што гэта быў адзін з самых заможных і дагледжаных раёнаў горада, які садзейнічаў фарміраванню своеасаблівага іміджу Гомеля, як горада гандляроў, чыгуначнікаў, дробных прадпрымальнікаў і рамеснікаў.

Падчас экскурсіі мы:

• разгледзім гісторыю Гомеля праз малавядомыя факты пра яго стараабрадніцкую спадчыну;
• абмяркуем гісторыю стараабрадцаў Гомеля, захаваную і страчаную спадчыну, дамы, сакральныя збудаванні;
• з дазволу настаяцеля стараабрадніцкай Спаса-Праабражэнскай царквы, айца Сергія, патрапім у сам храм.

Экскурсійны маршрут "Спасава слабада. Стараабрадцы Гомеля" распрацаваны супрацоўнікамі Веткаўскага музея. Праводзіць экскурсію дырэктар музея Юрый Катляроў.

Колькасць месцаў абмежаваная. Абавязковы папярэдні запіс па тэлефоне +375 232 50-96-98.

Падчас экскурсіі мы наведаем стараабрадніцкі Спаса-Праабражэнскі храм. Для тых, хто хоча наведаць сам храм, пажадана адпаведна апрануцца: жанчынам - сукенка/спадніца ніжэй за калена, хустка.

Калі: 15.03 (субота) у 10:00
Дзе: Збор у філіяле Веткаўскага музея - г. Гомель, плошча Леніна, 4а (у парку, за саборам Пятра і Паўла)
Кошт: 10 BYN
Тэлефон для запісу: +375 232 50-96-98 (з 9:30 да 18:00) 

Створана 02 Сакавік 2025

Аўтар:

Катэгорыя: Навіны

Анонс мерапрыемстваў у Веткаўскім музеі і гомельскім філіяле музея на САКАВІК:

*Асобна кожную падзею мы будзем больш падрабязна анансаваць бліжэй да даты яе правядзення, як гэта робім заўсёды.
У гэтым анонсе магчымы змены.

Новая выстава:

Адкрыццё новай выставы, прысвечанай стагоддзю з дня нараджэння засноўніка Веткаўскага музея Фёдара Рыгоравіча Шклярава
21.03 (пятніца) 16:00, філіял Веткаўскага музея (Гомель)
кошт: бясплатна

Экскурсіі (абавязковы папярэдні запіс):

Апошняя экскурсія па выставе "Брама" з яе куратарам
02.03 (нядзеля) 12:00, філіял Веткаўскага музея (Гомель)
кошт: 5 BYN

Экскурсія па новай выставе "Прошу я Вас сработать ризу..." з яе аўтарам
15.03 (субота) 12:00, філіял Веткаўскага музея (Гомель)
кошт: 5 BYN

"Спасава Слабада. Стараабрадцы Гомеля" - пешаходная экскурсія па гістарычным раёне Гомеля
15.03 (субота) 10:00, па папярэднім запісе
кошт: 10 BYN

"Станіслаў Шабунеўскі. Гомель - ад эклектыкі да мадэрна" - новая пешаходная экскурсія па Гомелі
16.03 (нядзеля) 11:00, па папярэднім запісе
кошт: 10 BYN

Майстар-класы (абавязковы папярэдні запіс) і спевы:

Лялька "Мамушка"
01.03 (субота) 10:00, філіял Веткаўскага музея (Гомель)
кошт: 7 BYN

Неглюбская гарлячка ў Гомелі
15.03 (субота) 14:00, філіял Веткаўскага музея (Гомель)
кошт: 12 BYN

Неглюбская гарлячка ў Ветцы
16.03 (нядзеля) 11:00, Веткаўскі музей (Ветка)
кошт: 12 BYN

Саламяная птушка
29.03 (субота) 11:00, філіял Веткаўскага музея (Гомель)
кошт: 7 BYN

Заняткі "Школкі традыцыйных спеваў” - вывучаем і спяваем традыцыйныя песні нашага рэгіёна
02.03, 09.03, 16.03, 30.03 (нядзелі) 14:00, філіял Веткаўскага музея (Гомель)
кошт: бясплатна

Створана 02 Сакавік 2025

Аўтар:

Катэгорыя: Навіны

Запрашаем на куратарскую экскурсію па выставе "Брама", якая завяршае сваю 13 сакавіка.

Выстава прысвечана Царскай браме - элементу праваслаўнага іканастаса. Тут прадстаўленыя фрагменты Царскіх брам, якія калісьці ўпрыгожвалі стараабрадніцкія храмы. 

Сярод экспанатаў - створка з Царскай брамы часоў Івана Грознага (XVI ст.), якая ў 1695 годзе была прывезеная ў Веткаўскую Пакроўскую царкву, а ў 1983 годзе выпадкова знойдзеная намі на гарышчы Успенскага храма ў вёсцы Свяцк (Навазыбкаўскі раён). 

Правядзе экскурсію куратар выставы Галіна Рыгораўна Нячаева.

Абавязковы папярэдні запіс па тэлефоне +375 232 50-96-98 (з 9:30 да 18:00).

Калі: 02.03 (нядзеля), у 12:00
Працягласць: каля гадзіны.

Месца правядзення: філіял Веткаўскага музея, Гомель, плошча Леніна, 4а (у парку, за саборам Пятра і Паўла)
Кошт: 5 BYN

Створана 22 Люты 2025

Аўтар:

Катэгорыя: Навіны

Працягваем цыкл майстар-класаў па абрадавай ляльцы!

У сакавіку мы зробім абярэжную ляльку "Мамушка"!

Гэта лялька прыносіць шчасце ў сям'ю і, самае галоўнае, дапамагае з'яўленню дзяцей! Таксама гэта лялька з'яўляецца абярэгам усяго рода.

Абавязковы папярэдні запіс па тэлефоне +375 232 50-96-98 (з 9:30 да 18:00), альбо ў прыватныя паведамленні.

*Гатовую ляльку "Мамушка" можна набыць у сувенірных крамках музея ў Ветцы і нашага гомельскага філіяла.

Калі: 01.03 (субота), у 10:00.
Кошт: 7 BYN.
Дзе: філіял Веткаўскага музея. Гомель, пл. Леніна, 4а (у парку, за саборам Пятра і Паўла). 

Створана 22 Люты 2025

Аўтар:

Катэгорыя: Навіны

28 лютага (пятніца) ў філіяле Веткаўскага музея адбудзецца адкрыццё новай выставы "«Прошу я Вас сработать ризу...». Дынастыя майстроў Свяшчэннікавых". 

Выстава прысвечана стараабрадніцкаму роду Свяшчэннікавых, якія былі цэлай дынастыяй майстроў, што стваралі чаканеныя аклады на іконы.

У канцы 1980-х гг. мы пазнаёміліся з цудоўнай жанчынай Арынай Радзівонаўнай. Яе бацька Радзівон Мікалаевіч (нар. у 1871), дзядуля Мікалай Панкрацьевіч (нар. у 1833) і прадзед Панкратый (дата не вядомая) былі майстрамі-чаканшчыкамі.

Нам пашчасціла пабываць у доме сям'і, які быў поўны старадаўняй мэбляй, іконамі ў акладах, там жа была іх майстэрня.

Арына Радзівонаўна ўсё сваё дзяцінства, юнацкасць, назірала за працай бацькі-чаканшчыка. Яна расказвала: «Папа никогда сразу оклад заказчику не отдавал. Когда работа была сделана, он стелил на стол праздничную скатерть, клал оклад, накрывал его красивой атлаской и ждал заказчика. Когда тот приходил, они с папой долго вели беседу, пили чай, и только потом папа подводил его к столу и снимал платок. Заказчик с восторгом созерцал настоящее чудо: сияющее узорное великолепие, возникшее из обычного латунного листа».

Арына Радзівонаўна перадала нашаму музею ўнікальныя прадметы з іх дома, якія будуць прадстаўлены на выставе.
Гэта латунны пазалочаны аклад на ікону «Мікола Цудатворац», створаны яе бацькам у 1912 годзе. Гэта той самы святочны абрус, на які клаўся аклад. Інструменты, мноства малюнкаў-прорысаў, тэхналагічныя рукапісы, фатаграфіі. А таксама рэчы бабулі Арыны Радзівонаўны: шаўковая сукенка, хустка–гаруска, бісерная лестаўка, з якой яна вянчалася, вянчальныя свечкі.

Усе гэтыя прадметы захоўваюць у сабе ўклад стараабрадніцкай сям'і. У іх доме было асяроддзе, напоўненае духоўнасцю і высокай маральнасцю. Менавіта ў ёй нараджалася сапраўднае майстэрства.

Запрашаем вас на адкрыццё выставы!

Калі: 28.02.2025 у 16:00.

Дзе: філіял Веткаўскага музея, г. Гомель, плошча Леніна, 4а (у парку, за саборам Пятра і Паўла).

Уваход вольны!

Тэлефон філіяла: +375 232 50-96-98.  

Створана 22 Люты 2025