Аўтар:

Катэгорыя: Навіны

9 мая ў 13:45 у адміністрацыйным будынку Веткаўскага музея адбудзецца прэзентацыя выставы "Як нашы дзяды ваявалі…"

Куратар выставы Галіна Нячаева:
"Кожны раз, кажучы пра подзвіг, пра самаахвяраванні герояў вайны, мы вяртаемся да вытокаў выхавання патрыятызму. Да старажытных традыцый мужнасці і абароны.
Штораз мы прыходзім да гісторыі ўласнай сям'і. Менавіта там мы чуем сведчанні сапраўднасці мужнасці, шчырасці высокіх паняццяў абавязку і гонару.

Народная традыцыя стварыла сотні малітоўных вобразаў Перамогі над злом. У кожны дом уваходзіў вобраз святога воіна, узор паводзін, які вызначае лёс. Простыя іконы былі сродкам духоўнай сувязі воінаў – і іх маці, жонак, дзяцей. Простыя лісты з вайны - сведчанні прыгажосці духу простых салдат. Простыя прадметы вайны - у кожным праўда памяці. Праз стагоддзі праходзяць і іншыя тэксты: зводкі з франтоў, дароўныя надпісы, нават прыпеўкі…
Узгадваючы вайну, дзеці, якія выраслі, пакідаюць непаўторныя сведчанні: у жывапісе, скульптуры, рэканструкцыях…
Усё гэта мы змясцілі на восі нашай памяці. На адзінай духоўнай восі".

 Калі: Адкрыццё ў 13:45
 Дзе: Ветка, Красная плошча 13
Уваход вольны! 

Створана 08 Май 2024

Аўтар:

Катэгорыя: Навіны

🖼3 мая ў філіяле Веткаўскага музея адкрылася новая выстава "Варвара, Мікола і Зосіма. Архетыпы бабіцкай іконы".
Неверагодна прыгожая, каларытная і цікавая!

Беларускія народныя іконы, а менавіта, творы бабіцкай школы, у простых з выгляду кампазіцыях захоўваюць наймагутнейшы пласт традыцыйнай культуры са шматвяковай гісторыяй.

Гэтае перапляценне промыслу і міфа, фальклору і народнага рэлігійнага календара мы пастараліся паказаць. Паспрабавалі літаральна матэрыялізаваць архетыпы бабіцкай іконы.

На выставе прадстаўлена пяць ікон з выявамі святых Варвары, Зосімы, Міколы, Савація і Уласія.

А побач з іконамі вы пабачыце абрадавыя свечы, рытуальнае печыва, якім кармілі хатнюю скаціну, пчаліны мёд у сотах, частку чэрапа каня, шкуру мядзведзя, ручнікі і тэксты замоў на палотнах, і багата яшчэ чаго.

Сярод ікон экспануецца абраз "Святыя Зосіма, Савацій і Уласій", прадастаўлены для гэтай выставы Чачэрскім гісторыка-этнаграфічным музеем.

Наведаць выставу "Варвара, Мікола і Зосіма. Архетыпы бабіцкай іконы" можна ў любы дзень з 9:30 да 18:00

Філіял Веткаўскага музея, г. Гомель, плошча Леніна, 4а (у парку, за саборам Пятра і Паўла).

+375 232 50-96-98

Створана 03 Май 2024

Аўтар:

Катэгорыя: Навіны

 Майстар-класы па лепцы з гліны 11 і 25 мая ў 11:00.

Узрост: ад 12 год.

Абавязковы папярэдні запіс па тэлефоне +375(232)509698 і перадаплата ў філіяле музея.

Кошт удзелу: 15 BYN*
*Усе матэрыялы прадастаўляюцца музеем.

 Пры жаданні, свой выраб можна абпаліць у спецыяльнай печы (+5 BYN - аплачваецца наяўнымі майстру).

Пажадана ўзяць з сабой спецыяльны фартух або зменную вопратку (якую нястрашна запэцкаць), і заколку, каб прыбраць доўгія валасы.

 Час правядзення: 11.05 і 25.05 (суботы), 11:00.

 Месца правядзення: філіял Веткаўскага музея. Гомель, пл. Леніна, 4а (у парку, за саборам Пятра і Паўла).

 Тэлефон для запісу і даведак: +375(232)509698 (з 9:30 да 18:00)

Створана 02 Май 2024

Аўтар:

Катэгорыя: Навіны

🌳Сёння Галіна Рыгораўна Нячаева ўзяла ўдзел у стварэнні алеі ў гонар жанчын.

Жанчыны Веткі, якія маюць пэўныя дасягненні ў розных сферах жыцця горада, якімі ганарыцца Ветка і Веткаўскі раён, высадзілі туі, каб стварыць алею, прысвечаную жанчынам.

Высаджвалі дрэўцы на знакавым месцы для Галіны Рыгораўны. Зараз тут знаходзіцца Веткаўскі цэнтр сацыяльнага абслугоўвання насельніцтва.

Але дагэтуль тут была школа, у якой Галіна Рыгораўна вучылася.
А яшчэ раней - на гэтым месцы стаяў стараабардніцкі Пакроўскі мужчынскі манастыр і царква пры ім. На жаль, у 1930 годзе будынак манастыра быў узарваны.

📸Дарэчы, на фота можаце пабачыць Галіну Рыгораўну разам з яе братам Аляксандрам Рыгоравічам.

Створана 02 Май 2024

Аўтар:

Катэгорыя: Навіны

 3 мая (пятніца) ў філіяле Веткаўскага музея адбудзецца адкрыццё новай выставы «Варвара, Мікола і Зосіма. Архетыпы бабіцкай іконы».

Беларускія народныя іконы, а менавіта, творы бабіцкай школы, у простых з выгляду кампазіцыях захоўваюць наймагутнейшы пласт традыцыйнай культуры са шматвяковай гісторыяй.

Гэты археалагічна-гістарычны кантэкст аказваецца жывым у духоўным кантэксце промыслу, міфа, фальклору і народнага рэлігійнага календара. Усё гэта і спараджае сапраўдныя шэдэўры, пераконваючы нас у глыбіні і надзейнасці народнай памяці.

 Запрашаем вас на адкрыццё выставы, якая здзівіць вас як прадстаўленымі экспанатамі паасобку, так і сваёй канцэпцыяй увогуле.

 Калі: 03.05.2024 у 16:00.

 Дзе: г. Гомель, плошча Леніна, 4а (у парку, за саборам Пятра і Паўла).

Уваход вольны!

 +375 232 50-96-98

Створана 29 Красавік 2024

Аўтар:

Катэгорыя: Навіны

Анонс мерапрыемстваў у Веткаўскім музеі і гомельскім філіяле музея на МАЙ:

*Асобна кожную падзею мы будзем больш падрабязна анансаваць бліжэй да даты яе правядзення, як гэта робім заўсёды.
У гэтым анонсе магчымы змены.

Новыя выставы:
Адкрыццё выставы "Варвара, Мікола і Зосіма. Архетыпы бабіцкай іконы"
03.05 (пятніца) 16:00, філіял Веткаўскага музея (Гомель)
кошт: бясплатна

Адкрыццё выставы ў Мірскім замку "Міколіна трава"
22.05 (серада), музей «Замкавы комплекс «Мір», г.п.Мір, Гродзенская вобл.
кошт: бясплатна

Выстава аднаго дня "Казачны сусвет"
25.05 (субота) 12:00, філіял Веткаўскага музея (Гомель)
кошт: бясплатна

Ноч музеяў - 2024:
У межах міжнароднай акцыі "Ноч музеяў" зладзім імпрэзу "Магія пляцення"
18.05 (субота), пачатак у 16:00, філіял Веткаўскага музея (Гомель)
кошт: бясплатна / данат (ахвяраванне) любога памеру

Экскурсія:
"Спасава Слабада. Стараабрадцы Гомеля" - пешаходная экскурсія па гістарычным раёне Гомеля
25.05 (субота) 10:00, філіял Веткаўскага музея (Гомель)
кошт: 6 BYN
upd: усе месцы занятыя

Майстар-класы і спевы:
 Роспіс велікодных яек
04.05 (субота) 11:00, філіял Веткаўскага музея (Гомель)
кошт: 7 BYN

 Неглюбская гарлячка
11.05 (субота) 14:00, філіял Веткаўскага музея (Гомель)
кошт: 12 BYN

 Лепка з гліны
11.05, 25.05 (суботы) 11:00, філіял Веткаўскага музея (Гомель)
кошт: 15 BYN (+5 BYN майстру за абпал вырабу ў печцы)

 Заняткі "Школкі традыцыйных спеваў” - вывучаем і спяваем традыцыйныя песні нашага рэгіёна
12.05, 26.05 (нядзелі) 13:00, філіял Веткаўскага музея (Гомель)
кошт: бясплатна

Куратарскія лекцыі:
"Велес - Уласій - Салавей - выспы Салавецкія... Этымалогіі, архетыпы, вершы", лектарка Галіна Нячаева
03.05 (пятніца) 18:00, філіял Веткаўскага музея (Гомель)
кошт: 3 BYN

"Крыніцы, калодзежы, божае вока і хтанічны свет...", лектары Галіна Нячаева і Мікола Асмалоўскі
10.05 (пятніца) 18:00, філіял Веткаўскага музея (Гомель)
кошт: 3 BYN

"Іаан Багаслоў у маўчанні. Таямніца левага і правага", лектарка Галіна Нячаева
24.05 (пятніца) 18:00, філіял Веткаўскага музея (Гомель)
кошт: 3 BYN

“Евангелле і евангелісты. Роля Святога Пісання і вобразы евангелістаў у стараабрадніцкай традыцыі”, лектарка Вольга Афанасьева
31.05 (пятніца) 18:00, філіял Веткаўскага музея (Гомель)
кошт: 3 BYN

Створана 29 Красавік 2024

Аўтар:

Катэгорыя: Навіны

5 красавіка (пятніца) ў філіяле Веткаўскага музея адбудзецца адкрыццё новай выставы «Брама».

У 1895 годзе адзін з першых даследчыкаў Веткі М.І. Лілееў апісаў цікавую гісторыю. Сутнасць яго апавядання ў тым, што ў 1695 годзе ў Веткаўскую Пакроўскую царкву з Калугі даставілі дарэформенны (да рэформы Нікана, што раскалола Рускую праваслаўную царкву) іканастас XVI ці XVII стагоддзя.

У 1735 годзе Ветка была спустошана. З дарэформеннага іканастаса змаглі выратаваць толькі Царскую браму, бакавыя дзверы і чатыры абразы. Іх перавезлі ў Свяцк.

У 1910-м, са спыненнем пераследу стараабрадцаў, у Свяцкім пасадзе пабудавалі драўляную Успенскую царкву. Магчыма, нейкія выявы з першага іканастаса перанесеныя былі туды.

9 ліпеня 1983 г. супрацоўнікі Веткаўскага музея паехалі ў Свяцк… Староста Успенскай царквы дазволіў забрацца на яе гарышча, дзе ляжалі некалькі старых ікон, агледзець іх. Паколькі гэта былі ўжо чорныя дошкі з маляўнічым пластом, які лупіцца, не прыдатныя для выкарыстання ў храме, дазволіў узяць некалькі ў музей.
Сярод гэтых артэфактаў аказалася і створка Царскай брамы. У цемры счарнелага пакосту праглядаўся жывапіс. А што, калі гэта створка з таго самага іканастаса, што везлі ў 1695 г. цёмнымі калужскімі лясамі?

Ужо ў 2000-х, калі нам удалося арганізаваць сваю рэстаўрацыйную майстэрню, мы адважыліся раскрываць жывапіс гэтай створкі. Нібыта, адкрывалася XVII стагоддзе!

У 2022 годзе мы задумалі працяг праекта. І пачалі збіраць навершы Царскай брамы. Спачатку здавалася, што іх, стараабрадніцкіх, увогуле ў нашых мясцінах не захавалася... Але, на шчасце, уцалелі!

Людзі адгукнуліся і сталі дапамагаць - і гэтая прыгажосць чалавечага ўдзелу, мабыць, самы прыгожы вынік нашага даследавання, рэстаўрацыйнай падрыхтоўкі і прадстаўлення вам твораў нашых продкаў-мастакоў. У гэтай прыгожай працы - сіла іх духу.
А створка са Свяцка злучыла нас.

 Запрашаем вас на адкрыццё выставы, якая вядзе нас у гісторыю XVII стагоддзя, і да якой маеце дачыненне вы, нашы дарагія наведвальнікі і ўвогуле сябры Веткаўскага музея.

 Калі: 05.04.2024 у 16:00.

 Дзе: г. Гомель, плошча Леніна, 4а (у парку, за саборам Пятра і Паўла).

Уваход вольны!

 +375 232 50-96-98

Створана 02 Красавік 2024

Аўтар:

Катэгорыя: Навіны

Анонс мерапрыемстваў у Веткаўскім музеі і гомельскім філіяле музея на КРАСАВІК:

*Асобна кожную падзею мы будзем больш падрабязна анансаваць бліжэй да даты яе правядзення, як гэта робім заўсёды.
У гэтым анонсе магчымы змены.

Новая выстава:
Адкрыццё выставы "Врата"
05.04 (пятніца) 16:00, філіял Веткаўскага музея (Гомель)
кошт: бясплатна

Экскурсіі:
"Спасава Слабада. Стараабрадцы Гомеля" - пешаходная экскурсія па гістарычным раёне Гомеля
13.04 і 27.04 (суботы) 10:00, збор каля філіяла Веткаўскага музея (Гомель)
кошт: 6 BYN
UPD: на 13.04 вольных месцаў ужо няма

Майстар-класы і спевы:
Неглюбская гарлячка (у Гомелі)
06.04 (субота) 12:00, філіял Веткаўскага музея (Гомель)
кошт: 12 BYN

Неглюбская гарлячка (у Ветцы)
13.04 (субота) 11:00, Веткаўскі музей (Ветка)
кошт: 10 BYN

Саламяны павук
20.04 (субота) 11:00, філіял Веткаўскага музея (Гомель)
кошт: 12 BYN

Роспіс велікодных яек
27.04 (субота) 14:00, філіял Веткаўскага музея (Гомель)
кошт: 7 BYN

Майстар-клас па ткацтве
28.04 (нядзеля) 14:00, Веткаўскі музей (Ветка)
кошт: 7 BYN

Лепка з гліны
13.04, 27.04 (суботы) 11:00, філіял Веткаўскага музея (Гомель)
кошт: 15 BYN (+5 BYN майстру за абпал вырабу ў печцы)

Заняткі "Школкі традыцыйных спеваў” - вывучаем і спяваем традыцыйныя песні нашага рэгіёна
14.04, 21.04, 28.04 (нядзелі) 13:00, філіял Веткаўскага музея (Гомель)
кошт: бясплатна

Святочная лекцыя:
"Дабравешчанне", лектарка Вольга Афанасьева
07.04 (нядзеля) 14:00, філіял Веткаўскага музея (Гомель)
кошт: 4 BYN

Куратарскія лекцыі:
"Запалю я куль саломы: Дабравешчанне ў народнай традыцыі",
лектар Мікола Асмалоўскі
05.04 (пятніца) 18:00, філіял Веткаўскага музея (Гомель)
кошт: 3 BYN

"Сусветы памерам у далонь", лектарка Галіна Нячаева
12.04 (пятніца) 18:00, філіял Веткаўскага музея (Гомель)
кошт: 3 BYN

“Поднимите врата, верхи ваши”, лектар Андрэй Скідан
19.04 (пятніца) 18:00, філіял Веткаўскага музея (Гомель)
кошт: 3 BYN

"Загадкі - навучанне кодам культуры", лектарка Галіна Нячаева
26.04 (пятніца) 18:00, філіял Веткаўскага музея (Гомель)
кошт: 3 BYN

Створана 29 Сакавік 2024

Аўтар:

Катэгорыя: Навіны

7 сакавіка ў нашым гомельскім філіяле адбылося адкрыццё новай выставы "Арнаменты Падняпроўя: Сон і абуджэнне”.

Гэта ўжо другая выстава, якую мы ладзім у межах праекта "Адкуль родам знакі на нашых ручніках?". Праект паказвае вынік нашай шматгадовай працы, які змяшчае матэрыялы экспедыцыйных і фондавых навуковых даследаванняў ткацкіх традыцый паўднёвага ўсходу Беларусі.

На выставе "Арнаменты Падняпроўя: Сон і абуджэнне” прадстаўлены традыцыйны тэкстыль з вёсак Веткаўскага, Добрушскага, Буда-Кашалёўскага, Касцюковіцкага і Навазыбкаўскага раёнаў. Гэта тканыя і вышытыя ручнікі, абрусы, посцілка, элементы адзення.

 Наведаць выставу "Арнаменты Падняпроўя: Сон і абуджэнне” можна ў любы дзень з 9:30 да 18:00

 Філіял Веткаўскага музея, г. Гомель, плошча Леніна, 4а (у парку, за саборам Пятра і Паўла).

Створана 12 Сакавік 2024

Аўтар:

Катэгорыя: Навіны

 7 сакавіка (чацвер) у філіяле Веткаўскага музея адбудзецца адкрыццё новай выставы "Арнаменты Падняпроўя: Сон і абуджэнне”.

Падняпроўе – рэгіён найбольш выразных і багатых у сваёй разнастайнасці мастацкіх традыцый абрадавых ручнікоў.

Менавіта арнаментам Падняпроўя мы прысвячаем цэлы праект, пад назвай "Адкуль родам знакі на нашых ручніках?". На першай выставе ў межах гэтага праекту быў прадстаўлены арнамент "Крючча".

І вось надышоў час пазнаёміць вас з наступным знакам - "Сон і абуджэнне"

На белым абрусе, на белявой кашуле, на белым жаночым “платку" і, безумоўна, на ручніку - на ўсім тканым космасе Неглюбкі жывуць "вядзьмедзі”. Яны ж "мядзьведзькі”. Ёсць “бальшыя” і “малыя”, “сляпыя” і “зоркія”. І ўсе яны ходзяць “па мяжы”.

Мядзведзь - архаічны знак звера-татэма. І гэта сон Зямлі.
Калі "вядзьмедзь" – сон Зямлі, то чым узорныя тканіны пазначаюць-выклікаюць яе абуджэнне?

Вадой! “Дзе маці плачэ – там рака цячэ…”. Дарэчы, яшчэ адзін абрадавы локус – калодзежы і крыніцы: “Дзе сястрычанька – там крынічанька”, альбо “там калодзежы…”

У шмат якіх тэкстах Традыцыі можна знайсці рэцэпты ўзнаўлення. У тэкстах тэкстылю, узорнага ткацтва - гэта "сон і абуджэнне". Дзеля таго, каб узнавіць цэласнасць космасу, выратаваць ад энтрапіі забыцця.

Праект "Адкуль родам знакі на нашых ручніках?" прадстаўляе вынік шматгадовай працы музея, які змяшчае матэрыялы экспедыцыйных і фондавых навуковых даследаванняў ткацкіх традыцый паўднёвага ўсходу Беларусі.

Выстава "Арнаменты Падняпроўя: Сон і абуджэнне” працягне знаёміць вас з нашымі неверагоднымі напрацоўкамі, знаходкамі і адкрыццямі за ўвесь гэты час.

Выставачны праект будзе цікавы для ўсіх, хто цікавіцца традыцыйнай культурай ды сваімі каранямі.

Запрашаем на сустрэчу з традыцыяй.

 Калі: 07.03.2024 у 16:00.

 Дзе: г. Гомель, плошча Леніна, 4а (у парку, за саборам Пятра і Паўла).

Уваход вольны!

 +375 232 50-96-98

Створана 02 Сакавік 2024

Аўтар:

Катэгорыя: Навіны

Анонс мерапрыемстваў у Веткаўскім музеі і яго гомельскім філіяле на САКАВІК:

*Асобна кожную падзею мы будзем больш падрабязна анансаваць бліжэй да даты яе правядзення, як гэта робім заўсёды.
У гэтым анонсе магчымы змены.

Новая выстава:
Адкрыццё выставы "Арнаменты Падняпроўя: сон і абуджэнне"
07.03 (чацвер) 16:00, філіял Веткаўскага музея (Гомель)
кошт: бясплатна

Святы:
“Гуканне вясны” - рэканструкцыя архаічнага абраду
23.03 (субота) пачатак у 12:00, філіял Веткаўскага музея (Гомель)
кошт: бясплатна

Экскурсія:
"Спасава Слабада. Стараабрадцы Гомеля" - пешаходная экскурсія па гістарычным раёне Гомеля
31.03 (нядзеля) 12:00, збор каля філіяла Веткаўскага музея (Гомель)
кошт: 6 BYN

Майстар-класы і спевы:
Неглюбская гарлячка (у Гомелі)
02.03 (субота) у 12:00, філіял Веткаўскага музея (Гомель)
кошт: 12 BYN
upd: усе месцы занятыя

Лекцыя "Турава-Мазырскі строй: "лельчыцкія" аспекты"
03.03 (нядзеля) 12:00, філіял Веткаўскага музея (Гомель)
кошт: 4 BYN

Майстар-клас па пашыве тонежскага "кабата" (гарсэта)
03.03 (нядзеля) 14:00, філіял Веткаўскага музея (Гомель)
кошт: 20 BYN

Неглюбская гарлячка (у Ветцы)
16.03 (субота) 11:00, Веткаўскі музей (Ветка)
кошт: 10 BYN

Саламяная Жар-птушка
16.03 (субота) 12:00, філіял Веткаўскага музея (Гомель)
кошт: 7 BYN

Майстар-клас па ткацтве
30.03 (субота) 11:00, Веткаўскі музей (Ветка)
кошт: 7 BYN

Лепка з гліны
09.03, 30.03 (суботы) 11:00, філіял Веткаўскага музея (Гомель)
кошт: 15 BYN (+5 BYN майстру за абпал вырабу ў печцы)

Заняткі "Школкі традыцыйных спеваў” - вывучаем і спяваем традыцыйныя песні нашага рэгіёна
10.03, 17.03, 31.03 (нядзелі) 13:00, філіял Веткаўскага музея (Гомель)
кошт: бясплатна

Куратарскія лекцыі:
"Фенамен літой іконы ў культуры стараабрадніцтва", лектарка Вольга Афанасьева
01.03 (пятніца) 18:00, філіял Веткаўскага музея (Гомель)
кошт: 3 BYN

"Кола веснавых святаў – ад Стрэчання да Духа", лектар Мікола Асмалоўскі
15.03 (пятніца) 18:00, філіял Веткаўскага музея (Гомель)
кошт: 3 BYN

"Ой, лелюшкі, да на вусокой горэ...", лектарка Валянціна Сачук
22.03 (пятніца) 18:00, філіял Веткаўскага музея (Гомель)
кошт: 3 BYN

"Мядзведзі, жабкі, веряб’і і лапкі – істоты і знакі абуджэння зямлі ў ткацтве", лектарка Галіна Нячаева
29.03 (пятніца) 18:00, філіял Веткаўскага музея (Гомель)
кошт: 3 BYN

Створана 26 Люты 2024

Аўтар:

Катэгорыя: Навіны

Анонс мерапрыемстваў у Веткаўскім музеі і яго гомельскім філіяле на ЛЮТЫ:

*Асобна кожную падзею мы будзем больш падрабязна анансаваць бліжэй да даты яе правядзення, як гэта робім заўсёды.
У гэтым анонсе магчымы змены.

Вечарыны:
 "Зіма з летам сустракалася....” - этна-вечарына, адсвяткуем разам Грамніцы, і пачнём чакаць вясну
17.02 (субота) 16:00, філіял Веткаўскага музея (Гомель)
кошт: 7 BYN

Выстава аднаго дня:
 "Адкуль родам нашы знакі"
25.02 (нядзеля), Гімназія г. Веткі, вул. П. Камуны, 4
кошт: бясплатна

Майстар-класы і спевы:
Неглюбская гарлячка
03.02 (субота) у 12:00, філіял Веткаўскага музея (Гомель)
кошт: 12 BYN

Лялькі-мотанкі "Неразлучнікі"
10.02 (субота) у 14:00, філіял Веткаўскага музея (Гомель)
кошт: 7 BYN

Лепка з гліны
10.02, 24.02 (суботы) 11:00, філіял Веткаўскага музея (Гомель)
кошт: 10.02 - 15 BYN, 24.02 - 20 BYN, (+5 BYN майстру за абпал вырабу ў печцы)
* 24.02 будзем рабіць свістулькі

Саламяны павук
17.02 (субота) у 10:00 і 13:00, філіял Веткаўскага музея (Гомель)
кошт: 12 BYN

Лекцыя "Турава-Мазырскі строй: "лельчыцкія" аспекты"
18.02 (нядзеля) 12:00, філіял Веткаўскага музея (Гомель)
кошт: 4 BYN

Майстар-клас па пашыве тонежскага "кабата" (гарсэта)
18.02 (нядзеля) 14:00, філіял Веткаўскага музея (Гомель)
кошт: 20 BYN

Заняткі "Школкі традыцыйных спеваў” - вывучаем і спяваем традыцыйныя песні нашага рэгіёна
04.02, 11.02, 25.02 (нядзелі) 13:00, філіял Веткаўскага музея (Гомель)
кошт: бясплатна

Куратарскія лекцыі:
"Эвалюцыя плеценага арнаменту ў кераміцы”, лектар Юрый Катляроў
02.02 (пятніца) 18:00, філіял Веткаўскага музея (Гомель)
кошт: 3 BYN

"Мастацкія асаблівасці рукапісных кніг Веткаўска-старадубскага сагласу", лектарка Святлана Лявонцьева
09.02 (пятніца) 18:00, філіял Веткаўскага музея (Гомель)
кошт: 3 BYN

"Мікіта-віон. Прастора іконы", лектарка Галіна Нячаева
16.02 (пятніца) 18:00, філіял Веткаўскага музея (Гомель)
кошт: 3 BYN

""Крючча". Кампазіцыя арнаменту як тэкст", лектарка Галіна Нячаева
23.02 (пятніца) 18:00, філіял Веткаўскага музея (Гомель)
кошт: 3 BYN

Створана 26 Студзень 2024

Аўтар:

Катэгорыя: Навіны

15 снежня ў новай выставачнай зале Веткаўскага музея (у Ветцы) адбудзецца адкрыццё выставы карцін Уладзіміра Пракапцова «Пад знакам бясконцасці».

Уладзімір Іванавіч Пракапоцоў - мастак, заслужаны дзеяч мастацтваў Беларусі, на працягу 25 год займаў пасаду дырэктара Нацыянальнага мастацкага музея. Яго жывапісныя творы знаходзяцца ў калекцыях Нацыянальнага мастацкага музея Беларусі, Беларускага саюза мастакоў, Нацыянальнага цэнтра сучасных мастацтваў Беларусі, Магілёўскага абласнога мастацкага музея імя П. В. Масленікава, Гомельскага палацава-паркавага ансамбля, Полацкага нацыянальнага гісторыка-культурнага музея-запаведніка, Дома-музея Міцкевіча ў Навагрудку, Добрушскага і Лепельскага раённых краязнаўчых музеяў, Нацыянальнага мастацкага музея Кітая ў Пекіне, Нацыянальнага мастацкага музея г. Чунцын (Кітай), а таксама ў прыватных калекцыях.

На выставе «Пад знакам бясконцасці» будзе прадстаўлена больш за 20 карцін розных жанраў: пейзажы, нацюрморты, партрэты, эпічныя палотны, а таксама працы, напісаныя падчас пленэраў. Гэта карціны, створаныя ў розны час - з 1980-х гадоў і па сёння.

Акрамя карцін, на выставе можна будзе пабачыць кнігі спадара Уладзіміра, прысвечаныя славутым мастакам Беларусі - Станіславу Жукоўскаму, Вітольду Бялыніцкаму-Біруле, Фердынаду Рушчыцу і іншым.

На адкрыцці будзе прысутнічаць сам Уладзімір Іванавіч, а таксама Глеб Анатольевіч Отчык, мастак, старшыня Беларускага саюза мастакоў.

Выстава жывапісу Уладзіміра Пракапцова "Пад знакам бясконцасці" будзе працаваць да 30 студзеня 2023 года.

 Запрашаем на адкрыццё!

 15.12 (пятніца) у 15:00.

 г. Ветка, Красная плошча, 13

Уваход вольны!

 Тэлефон музея: +375 (2330) 4-27-49

Створана 12 Снежань 2023

Аўтар:

Катэгорыя: Навіны

 30 лістапада Веткаўскаму музею споўнілася 45 год.
Гэтую падзею мы хочам адзначыць новай незвычайнай экспазіцыяй – адкрытымі фондамі захавання народнай беларускай іконы! Гэта будзе новая незвычайная прастора. Адкрыццё адбудзецца ў Ветцы, у адміністрацыйным будынку музея па адрасе Красная плошча, 13.

Веткаўскі музей - гэта не толькі прадстаўленне яркай і жыццесцвярджальнай культуры стараабрадніцтва. Другое крыло нашай актыўнасці - беларускія традыцыі. Гэта значная частка працы, якая нас напраўду захапляе. 45 гадоў даследаванняў, і ў нашай спадчыне – прыгожыя абрады, фальклор, узорнае ткацтва, разны дэкор дома… І самы таямнічы і мала даследаваны народны беларускі іканапіс!

На сёння калекцыя народнай іконы складае больш за 200 прадметаў і ўключае яркія творы розных стыляў і нават іканапісных майстэрняў. Сярод велічных помнікаў - іконы бабіцкай школы. Яна пакінула творы розных сюжэтаў, памераў, асяроддзя бытавання, нават рознай канфесійнай прыналежнасці.

Доўгі час мы імкнуліся шырока прадставіць багатую калекцыю народнай іконы, сабраную за 45-гадовую гісторыю супрацоўнікамі музея. І зараз такі час прыйшоў!

 Запрашаем вас на адкрыццё новай выставы і новай прасторы! Падзяліце з намі гэтае свята, радасць і захапленне далучэння да сапраўднай дабрыні і прыгажосці!

 08.12.23 у 15:00.

 г. Ветка, Красная плошча, 13

Уваход вольны!

 Тэлефон музея: +375 (2330) 4-27-49

Створана 01 Снежань 2023

Аўтар:

Катэгорыя: Навіны

Анонс мерапрыемстваў у Веткаўскім музеі і яго гомельскім філіяле на СНЕЖАНЬ:

*Асобна кожную падзею мы будзем больш падрабязна анансаваць бліжэй да даты яе правядзення, як гэта робім заўсёды.
У гэтым анонсе магчымы змены.

Новая выставачная зала:
 Адкрыццё новай выставачнай залы (у Ветцы). Святкаванне 45-годдзя з дня заснавання Веткаўскага музея
08.12 (пятніца) 15:00, Ветка, Красная плошча 13
кошт: бясплатна

Вечарыны:
“Хрыстос нарадзіўся на вашым двары… ” - этна-вечарына з каляднай батлейкай
23.12 (субота) 16:00, філіял Веткаўскага музея (Гомель)
кошт: 7 BYN

Майстар-класы і спевы:
"Сожская скань”
16.12 (субота) 14:00, філіял Веткаўскага музея (Гомель)
кошт: 15 BYN

Лепка з гліны
09.12, 23.12 (суботы) 11:00, філіял Веткаўскага музея (Гомель)
кошт: 15 BYN (+5 BYN майстру за абпал вырабу ў печцы)

Заняткі "Школкі традыцыйных спеваў” - вывучаем і спяваем традыцыйныя песні нашага рэгіёна
03.12, 10.12, 17.12 (нядзелі) 13:00, філіял Веткаўскага музея (Гомель)
кошт: бясплатна

Святочныя лекцыі:
Лекцыя ад даследчыцы беларускага іканапісу Галіны Флікоп-Світы "Архіўныя таямніцы пра апошніх бабіцкіх іканапісцаў"
09.12 (субота) 12:00, Веткаўскі музей (Ветка)
кошт: 7 BYN

Святочная лекцыя, прысвечаная Дню святога Мікалая
16.12 (субота) 12:00, філіял Веткаўскага музея (Гомель)
кошт: 4 BYN

Куратарскія лекцыі:
"Спас Нерукатворны. Шлях мастака", лектарка Галіна Нячаева
01.12 (пятніца) 18:00, філіял Веткаўскага музея (Гомель)
кошт: 3 BYN

"Ікона-Дом", лектарка Галіна Нячаева
15.12 (пятніца) 18:00, філіял Веткаўскага музея (Гомель)
кошт: 3 BYN

 "Крючча: каму красуе збажына?", лектар Мікола Асмалоўскі
22.12 (пятніца) 18:00, філіял Веткаўскага музея (Гомель)
кошт: 3 BYN

Створана 29 Лістапад 2023

Аўтар:

Катэгорыя: Навіны

2 снежня (субота) Веткаўскі музей працуе да 17:00. Уваход у экспазіцыю да 16:30.

Наш гомельскі філіяле працуе як звычайна - да 18:00.

Створана 29 Лістапад 2023

Аўтар:

Катэгорыя: Навіны

Запрашаем на куратарскую лекцыю ў прасторы выставы “Спас Нерукатворны”.

 Тэма лекцыі: “Спас Нерукатворны. Шлях мастака".

 01.12 (пятніца) у 18:00, філіял Веткаўскага музея.

У першую пятніцу зімы мы зноўку звернемся да тэмы “Спас Нерукатворны. Шлях мастака". І на гэты раз лекцыю прачытае Галіна Нячаева. Таму гэта будзе зусім іншая, не менш цікавая куратарская!

 Стрыжнем прасторы выставы "Спас Нерукатворны" выступае вобраз "Шлях мастака Ананіі". Старажытная гісторыя з першай няўдачай: адлюстраваць адначасова матэрыяльнае, цялеснае - і духоўнае… Гэтае пытанне праз стагоддзі. Ён - у душы кожнага мастака.

Зліццё//не магчымасць зліцца - віно і вада? Ці віно і аліўкавы алей?
Чаму існавалі энкаўстыка, васковы жывапіс, пры наяўнасці кода пчалы і таямніцы крытага мёду? Мёд даваў неўміручасць… І яечная тэмпера, жаўтковая, зародкавая тэмпера, пры стварэнні = раскрыцці закладзеным у жаўтку жыцця… Тады рас-Тварэнне фарбаў у жаўтку ёсць першы этап жывапіснага ўвасаблення.

Аб'ектам семіятычных тлумачэнняў выступае мастацкая выява: яго жыццё ў візуальным тэксце самай іконы – і гэтак жа, візуальна, прадстаўленых кантэкстах-наратывах.

Старажытны тэкст - і яго "чытач" з XXI ст., дыялог культур - вось звышзадача экспазіцыі.

 Лектарка: Галіна Рыгораўна Нячаева, намесніца дырэктара Веткаўскага музея па навуковай рабоце, заслужаная дзяячка культуры Беларусі.

Мова лекцыі - руская.

 Месца правядзення: г. Гомель, плошча Леніна, 4а (у парку, за саборам Пятра і Паўла).

Кошт: 3 BYN.

 Тэлефон філіяла: +375 232 50-96-98

Створана 27 Лістапад 2023

Аўтар:

Катэгорыя: Навіны

Анонс мерапрыемстваў у Веткаўскім музеі і яго гомельскім філіяле на ЛІСТАПАД:

*Асобна кожную падзею мы будзем больш падрабязна анансаваць бліжэй да даты яе правядзення, як гэта робім заўсёды.
У гэтым анонсе магчымы змены.

Новая выставачная зала:
 Адкрыццё новай выставачнай залы (у Ветцы). Святкаванне 45-годдзя з дня заснавання Веткаўскага музея
30.11 (чацвер) 15:00, Ветка, Красная плошча 13.
кошт: бясплатна

Вечарыны:
“Кудзельная” - этна-вечарына, пакажам доўгі шлях стварэння тканіны: ад апрацоўкі лёну да прадзення на верацяне
25.11 (субота) 16:00, філіял Веткаўскага музея (Гомель)
кошт: 7 BYN

Сустрэчы:
Сустрэча ў межах праекту “ART-Ветка”, які бліжэй знаёміць з Веткай. Сустрэча будзе прысвечана шанаванню іконы Божай Маці Казанскай.
04.11 (субота) 12:00, Веткаўскі музей (Ветка)
кошт: данат (ахвяраванне любога памеру)

Сустрэча ў філіяле Веткаўскага музея з нагоды шанавання іконы Божай Маці Казанскай. Лекцыя “Іканапісныя традыцыі Веткі. Маці Божая Казанская”
04.11 (субота) 12:00, філіял Веткаўскага музея (Гомель)
кошт: 3 BYN

Майстар-класы і спевы:
"Сожская скань”
04.11 (субота) 14:00, філіял Веткаўскага музея (Гомель)
кошт: 15 BYN

Лепка з гліны
11.11, 25.11 (суботы) 11:00, філіял Веткаўскага музея (Гомель)
кошт: 15 BYN (+5 BYN майстру за абпал вырабу ў печцы)

Заняткі "Школкі традыцыйных спеваў” - вывучаем і спяваем традыцыйныя песні нашага рэгіёна
11.11, 18.11 (суботы) 13:00, філіял Веткаўскага музея (Гомель)
кошт: бясплатна

Куратарскія лекцыі:
«Роля пояса ў традыцыйнай культуры», лектар Пятро Цалка
03.11 (пятніца) 18:00, філіял Веткаўскага музея (Гомель)
кошт: 3 BYN

«Спас Нерукатворны. Шлях мастака», лектарка Галіна Нячаева
10.11 (пятніца) 18:00, філіял Веткаўскага музея (Гомель)
кошт: 3 BYN

 «З гісторыі воінскіх штандараў. Спас Нерукатворны»,
лектар Юрый Катляроў
17.11 (пятніца) 18:00, філіял Веткаўскага музея (Гомель)
кошт: 3 BYN

 «”Союзом любви связуемы апостолы". Вытокі веткаўскай іканаграфіі»,
лектарка Вольга Афанасьева
24.11 (пятніца) 18:00, філіял Веткаўскага музея (Гомель)
кошт: 3 BYN

Створана 30 Кастрычнік 2023

Аўтар:

Катэгорыя: Навіны

 28 кастрычніка (субота) у філіяле Веткаўскага музея адбудзецца адкрыццё новай выставы «Спас Нерукатворны».

Гэтая выстава - вынік шматгадовага праекта даследаванняў Веткаўскага музея. Пачатага яшчэ ў 1979 г. заснавальнікам музея Фёдарам Шкляравым, які працягваецца і сёння.

Мы прадстаўляем свой збіральніцкі, экспедыцыйны, рэстаўрацыйны, навукова-даследчы і мастацкі досвед вывучэння выявы Спаса Нерукатворнага.

Менавіта прыгажосць і таямніца вобраза, гэтай «першай іконы» і «першага партрэта Хрыста», прываблівае мастакоў многіх стагоддзяў.
Веткаўская «Атлантыда» ўнікальна і шматгранна распрацоўвала гэтую тэму, уносячы, як заўсёды, сваё слова.

На выставе «Спас Нерукатворны» будуць прадстаўленыя іконы, службовыя малюнкі іканапісцаў, прорысы, маленькія літыя абразкі некалькіх стагоддзяў, шытыя рызы і тачоныя аклады, ваўняныя і шаўковыя шалі, размаляваныя куфры.

 Запрашаем на адкрыццё!

 Калі: 28.10.2023 у 17:00.

 Дзе: г. Гомель, плошча Леніна, 4а (у парку, за саборам Пятра і Паўла).

Уваход вольны!

 +375 232 50-96-98

Створана 25 Кастрычнік 2023

Аўтар:

Катэгорыя: Навіны

 Сябры, прапануем вам новы від экскурсій у нашым гомельскім філіяле!

Цяпер стандартную экскурсію можна дапоўніць майстар-класамі па ткацтве і танцах 

Напачатку наш навуковы супрацоўнік правядзе вас па чатырох выставах (каторыя мяняюцца кожныя 3-6 месяцаў) і дапаможа атрымаць не проста візуальную асалоду, але і паглыбіцца ў кантэкст.

Пасля вы сваімі рукамі паспрабуеце ткаць на кроснах. Мажліва дома ў вашай бабулі стаялі кросны і вы яшчэ бачылі, як яна ткала набожнік, альбо посцілку. А самі так і не наважыліся паспрабаваць. Чаму б гэта не зрабіць зараз?

І па завяршэнні мы развучым з вамі элементы самых знакамітых і прыгожых беларускіх танцаў, такіх як Лявоніха, Падыспань, Грачанікі.

Такая экскурсія з ткацтвам і танцамі даступная для груп ад 10 да 30 чалавек. І абавязковы папярэдні запіс па тэлефоне +375 232 50-96-98 (з 9:30 да 18:00).

Кошт: 7 BYN з чалавека.

 Дзе: філіял Веткаўскага музея. Гомель, пл. Леніна, 4а (у парку, за саборам Пятра і Паўла).

Створана 16 Кастрычнік 2023