Аўтар:

Катэгорыя: Навіны

У нядзелю 14 красавіка запрашаем вас на супольныя спеўкі!

Будзем вывучаць і спяваць бытавыя і стрэльныя спевы!

На супольных спеўках няма гледачоў - усе ўдзельнікі. Мы ўсе спяваем разам. Не важна, ці ўмееце вы спяваць, ці ведаеце песні.

Супольныя спеўкі - выдатная магчымасць паспяваць усім разам, і тым, хто наведвае заняткі даўно, і тым, хто прыйдзе да нас упершыню.

 Прыходзьце самі і бярыце з сабой кампанію.

 Час правядзення: 14.04 у 13:00.

 Месца правядзення: філіял Веткаўскага музея, г. Гомель, плошча Леніна, 4а (у парку, за саборам Пятра і Паўла).

Кошт: бясплатна.

Створана 09 Красавік 2024

Аўтар:

Катэгорыя: Навіны

 Майстар-клас па вырабе САЛАМЯНАГА ПАВУКА

 Саламяны павук быў традыцыйным упрыгожваннем інтэр'ера беларусаў з даўніх часоў.

Але ж не толькі і не проста ўпрыгожваннем. Гэта старажытны АБЯРЭГ, які забяспечваў дабрабыт сям'і і ахоўваў хату ад нячыстай сілы. Меркавалі, што ў тым доме, дзе пад столлю кружыцца залацісты саламяны павук, заўжды будзе панаваць згода, лад і дабрабыт.

Павука падвешвалі і над калыскай немаўляці, а таксама над галовамі маладых падчас вяселля.

Запрашаем вас на майстар-клас, дзе вы самі зробіце ўласны абярэг.

Узрост: дзеці ад 12 год і дарослыя.
Колькасць месцаў абмежаваная. Патрэбны папярэдні запіс па тэлефоне +375(232)509698 (з 9:30 да 18:00)
.

 20.04 (субота) у 11:00. Працягласць 1,5-2 гадзіны.

Кошт: 12 BYN.

 філіял Веткаўскага музея. Гомель, пл. Леніна, 4а (у парку, за саборам Пятра і Паўла).

Створана 09 Красавік 2024

Аўтар:

Катэгорыя: Навіны

Запрашаем на куратарскую лекцыю ў прасторы выставы “Пляценне. Тэхналогія як магія".

 Тэма лекцыі: "Сусветы памерам у далонь".

 12.04 (пятніца) у 18:00, філіял Веткаўскага музея.

Канцэпцыя выставы "Пляценне. Тэхналогія як магія" змяшчае некалькі звязаных ідэй. Адна з іх - мабільнасць.

Мабільная каменная сякера і мабільны тэлефон, кішэнная кніга і літая іконка - падобны адзін аднаму. Яны захавальнікі і выразнікі інфармацыі, адначасова - сродкі сувязі і абмену. Яны - каштоўнасці і сімвалы. Яны - звястуны ідэй і дасягненняў. Яны былі ў эпохі мегалітаў і будуць у эпохі індустрыяльных гігантаў. Яны бліжэй за ўсё да інтымнага дзіцячага ў чалавеку і да вышэйшага майстэрства.

Вынаходства "рэчы з сабой" мае вопыт дзясяткаў тысячагоддзяў. Тады ж прыдумалі і "чахлы". Кожная рэч, апроч яе функцый, формы, стылю, у архетыпе - мадэль свету. Маленькія артэфакты - мікрамадэлі сусвету. Прашчуры цацак і гаджэтаў - і вечныя ідэі ў іх аснове.

Сёння мы гаворым пра мікракосмы, выбудаваныя ў меры далоні. У дызайне далоні, у эрганоміцы далоні, у антрапаморфнасці далоні, у мысленні далоні.

Што злучае нас і нашы прадметы праз стагоддзі і тысячагоддзі?
Сусветы памерам у далонь.

 Лектарка: Галіна Рыгораўна Нячаева, намесніца дырэктара Веткаўскага музея па навуковай рабоце, заслужаны дзеяч культуры Беларусі.

Мова лекцыі - руская.

 Месца правядзення: г. Гомель, плошча Леніна, 4а (у парку, за саборам Пятра і Паўла).

Кошт: 3 BYN.

 Тэлефон філіяла: +375 232 50-96-98

Створана 08 Красавік 2024

Аўтар:

Катэгорыя: Навіны

 Запрашаем на майстар-клас па вырабе гарлячкі - традыцыйнага неглюбскага дзявочага ўпрыгожвання!

Гарлячка - гэта шыйнае ўпрыгожванне з бісеру, з'яўляецца элементам неглюбскага жаночага строя. Такі сабе неглюбскі чокер  Гарлячка была штодзённым упрыгожваннем, якое яшчэ ў першай палове 20 ст. насіла амаль кожная жанчына любога ўзросту.

А вучыць плесці неглюбскую гарлячку вас будзе наша навуковая супрацоўніца Святлана Петрышэнка, якая сама з'яўляецца неглюбчанкай. Што можа быць яшчэ аўтэнтынчней?

 На майстар-класе кожны пачне рабіць сваю гарлячку. Мы не паспеем зрабіць яе цалкам. Але вы будзеце ведаць тэхналогію, і лёгка зможаце скончыць упрыгожванне дома.

Бісер для ўпрыгожвання мы прадаставім. Але калі вы хочаце ўзяць пэўны з сабой, то спатрэбіцца бісер 2-х ці 3-х колераў - па два пакуначкі кожнага колеру. Памер бісернай пацеркі (бісерыны) - на ваш выбар. Чым буйнейшыя пацеркі - тым хутчэй спляцецца гарлячка, але і больш шырокая яна атрымаецца.

Абавязковы папярэдні запіс па тэлефоне +375 (2330) 4-27-49 (з 9:00 да 18:00).

Кошт: 10 BYN.

 Калі: 14.04 (нядзеля), у 11:00.

 Дзе: г. Ветка, Красная плошча, 5
 Тэлефон для запісу: +375 (2330) 4-27-49 (з 9:00 да 18:00)

Створана 03 Красавік 2024

Аўтар:

Катэгорыя: Навіны

5 красавіка (пятніца) ў філіяле Веткаўскага музея адбудзецца адкрыццё новай выставы «Брама».

У 1895 годзе адзін з першых даследчыкаў Веткі М.І. Лілееў апісаў цікавую гісторыю. Сутнасць яго апавядання ў тым, што ў 1695 годзе ў Веткаўскую Пакроўскую царкву з Калугі даставілі дарэформенны (да рэформы Нікана, што раскалола Рускую праваслаўную царкву) іканастас XVI ці XVII стагоддзя.

У 1735 годзе Ветка была спустошана. З дарэформеннага іканастаса змаглі выратаваць толькі Царскую браму, бакавыя дзверы і чатыры абразы. Іх перавезлі ў Свяцк.

У 1910-м, са спыненнем пераследу стараабрадцаў, у Свяцкім пасадзе пабудавалі драўляную Успенскую царкву. Магчыма, нейкія выявы з першага іканастаса перанесеныя былі туды.

9 ліпеня 1983 г. супрацоўнікі Веткаўскага музея паехалі ў Свяцк… Староста Успенскай царквы дазволіў забрацца на яе гарышча, дзе ляжалі некалькі старых ікон, агледзець іх. Паколькі гэта былі ўжо чорныя дошкі з маляўнічым пластом, які лупіцца, не прыдатныя для выкарыстання ў храме, дазволіў узяць некалькі ў музей.
Сярод гэтых артэфактаў аказалася і створка Царскай брамы. У цемры счарнелага пакосту праглядаўся жывапіс. А што, калі гэта створка з таго самага іканастаса, што везлі ў 1695 г. цёмнымі калужскімі лясамі?

Ужо ў 2000-х, калі нам удалося арганізаваць сваю рэстаўрацыйную майстэрню, мы адважыліся раскрываць жывапіс гэтай створкі. Нібыта, адкрывалася XVII стагоддзе!

У 2022 годзе мы задумалі працяг праекта. І пачалі збіраць навершы Царскай брамы. Спачатку здавалася, што іх, стараабрадніцкіх, увогуле ў нашых мясцінах не захавалася... Але, на шчасце, уцалелі!

Людзі адгукнуліся і сталі дапамагаць - і гэтая прыгажосць чалавечага ўдзелу, мабыць, самы прыгожы вынік нашага даследавання, рэстаўрацыйнай падрыхтоўкі і прадстаўлення вам твораў нашых продкаў-мастакоў. У гэтай прыгожай працы - сіла іх духу.
А створка са Свяцка злучыла нас.

 Запрашаем вас на адкрыццё выставы, якая вядзе нас у гісторыю XVII стагоддзя, і да якой маеце дачыненне вы, нашы дарагія наведвальнікі і ўвогуле сябры Веткаўскага музея.

 Калі: 05.04.2024 у 16:00.

 Дзе: г. Гомель, плошча Леніна, 4а (у парку, за саборам Пятра і Паўла).

Уваход вольны!

 +375 232 50-96-98

Створана 02 Красавік 2024

Аўтар:

Катэгорыя: Навіны

Запрашаем на куратарскую лекцыю ў прасторы выставы "Арнаменты Падняпроўя. "Сон і абуджэнне”".

 Тэма лекцыі: “Запалю я куль саломы: Дабравешчанне ў народнай традыцыі"

 05.04 (пятніца) у 18:00, філіял Веткаўскага музея.

У цыкле веснавых святаў Дабравешчанне (Благавешчанне, Звеставанне) займае асобнае, вельмі важнае месца. З гэтым святам звязана багата прыкмет і павер'яў.

У нашым рэгіёне менавіта Дабравешчанне мае шэраг цікавых адметнасцяў. Якія яны, з чым звязаныя і чаму дажылі бадай да нашых дзён пагаворым на куратарскай лекцыі.

 Лектар: Мікола Асмалоўскі, супрацоўнік Веткаўскага музея.

Мова лекцыі - беларуская.

 Месца правядзення: г. Гомель, плошча Леніна, 4а (у парку, за саборам Пятра і Паўла).

Кошт: 3 BYN.

 Тэлефон філіяла: +375 232 50-96-98

Створана 02 Красавік 2024

Аўтар:

Катэгорыя: Навіны

У нядзелю 7 красавіка ў філіяле Веткаўскага музея адбудзецца святочная лекцыя "Дабравешчанне".

Надыходзячая вясна прыносіць з сабой абнаўленне і адраджэнне прыроды, ажыццяўленне нашых спадзяванняў і надзей.

Свята Дабравешчання, якое кожны год мы адзначаем 7 красавіка, таксама звязана з абнаўленнем чалавека і надзеяй на ўвасабленне ў яго жыцці богапрыпадабнення.

Невыпадкова евангелісты запісалі свае апавяданні Добрай весткі, якія ўваходзяць у Новы Запавет.

Мы ж звернемся да мовы іконы падчас нашай лекцыі ў прасторы новай тэматычнай выставы "Брама" і паспрабуем паглыбіцца ў таемныя сэнсы.

 Запрашаем на лекцыю!

Правядзе лекцыю навуковая супрацоўніца Веткаўскага музея, магістарка тэалогіі Вольга Афанасьева.

Мова лекцыі - руская.

07.04 (нядзеля) у 14:00
 Месца правядзення: г. Гомель, плошча Леніна, 4а (у парку, за саборам Пятра і Паўла).

Кошт: 4 BYN.

 Тэлефон музея: +375 (232) 50-96-98

Запіс не патрэбны.

Створана 02 Красавік 2024

Аўтар:

Катэгорыя: Навіны

 Запрашаем на майстар-клас па вырабе гарлячкі - традыцыйнага неглюбскага дзявочага ўпрыгожвання!

Гарлячка - гэта шыйнае ўпрыгожванне з бісеру, з'яўляецца элементам неглюбскага жаночага строя. Такі сабе неглюбскі чокер  Гарлячка была штодзённым упрыгожваннем, якое яшчэ ў першай палове 20 ст. насіла амаль кожная жанчына любога ўзросту.

Гарлячка, зробленая ўласнаруч, можа стаць цудоўным падарункам як для сябе, так і для вашай маці/сястры/сяброўкі!

 На майстар-класе кожны пачне рабіць сваю гарлячку. Мы не паспеем зрабіць яе цалкам. Але вы будзеце ведаць тэхналогію, і лёгка зможаце скончыць упрыгожванне дома.

Бісер для ўпрыгожвання мы прадаставім. Але калі вы хочаце ўзяць пэўны з сабой, то спатрэбіцца бісер 2-х ці 3-х колераў - па два пакуначкі кожнага колеру. Памер бісернай пацеркі (бісерыны) - на ваш выбар. Чым буйнейшыя пацеркі - тым хутчэй спляцецца гарлячка, але і больш шырокая яна атрымаецца.

Абавязковы папярэдні запіс па тэлефоне +375 232 50-96-98 (з 9:30 да 18:00).

12 BYN.

 06.04 (субота), у 12:00.

 г. Гомель, плошча Леніна, 4а (у парку, за саборам Пятра і Паўла).
 Тэлефон для запісу: +375 232 50-96-98 (з 9:30 да 18:00)

Створана 30 Сакавік 2024

Аўтар:

Катэгорыя: Навіны

Анонс мерапрыемстваў у Веткаўскім музеі і гомельскім філіяле музея на КРАСАВІК:

*Асобна кожную падзею мы будзем больш падрабязна анансаваць бліжэй да даты яе правядзення, як гэта робім заўсёды.
У гэтым анонсе магчымы змены.

Новая выстава:
Адкрыццё выставы "Врата"
05.04 (пятніца) 16:00, філіял Веткаўскага музея (Гомель)
кошт: бясплатна

Экскурсіі:
"Спасава Слабада. Стараабрадцы Гомеля" - пешаходная экскурсія па гістарычным раёне Гомеля
13.04 і 27.04 (суботы) 10:00, збор каля філіяла Веткаўскага музея (Гомель)
кошт: 6 BYN
UPD: на 13.04 вольных месцаў ужо няма

Майстар-класы і спевы:
Неглюбская гарлячка (у Гомелі)
06.04 (субота) 12:00, філіял Веткаўскага музея (Гомель)
кошт: 12 BYN

Неглюбская гарлячка (у Ветцы)
13.04 (субота) 11:00, Веткаўскі музей (Ветка)
кошт: 10 BYN

Саламяны павук
20.04 (субота) 11:00, філіял Веткаўскага музея (Гомель)
кошт: 12 BYN

Роспіс велікодных яек
27.04 (субота) 14:00, філіял Веткаўскага музея (Гомель)
кошт: 7 BYN

Майстар-клас па ткацтве
28.04 (нядзеля) 14:00, Веткаўскі музей (Ветка)
кошт: 7 BYN

Лепка з гліны
13.04, 27.04 (суботы) 11:00, філіял Веткаўскага музея (Гомель)
кошт: 15 BYN (+5 BYN майстру за абпал вырабу ў печцы)

Заняткі "Школкі традыцыйных спеваў” - вывучаем і спяваем традыцыйныя песні нашага рэгіёна
14.04, 21.04, 28.04 (нядзелі) 13:00, філіял Веткаўскага музея (Гомель)
кошт: бясплатна

Святочная лекцыя:
"Дабравешчанне", лектарка Вольга Афанасьева
07.04 (нядзеля) 14:00, філіял Веткаўскага музея (Гомель)
кошт: 4 BYN

Куратарскія лекцыі:
"Запалю я куль саломы: Дабравешчанне ў народнай традыцыі",
лектар Мікола Асмалоўскі
05.04 (пятніца) 18:00, філіял Веткаўскага музея (Гомель)
кошт: 3 BYN

"Сусветы памерам у далонь", лектарка Галіна Нячаева
12.04 (пятніца) 18:00, філіял Веткаўскага музея (Гомель)
кошт: 3 BYN

“Поднимите врата, верхи ваши”, лектар Андрэй Скідан
19.04 (пятніца) 18:00, філіял Веткаўскага музея (Гомель)
кошт: 3 BYN

"Загадкі - навучанне кодам культуры", лектарка Галіна Нячаева
26.04 (пятніца) 18:00, філіял Веткаўскага музея (Гомель)
кошт: 3 BYN

Створана 29 Сакавік 2024

Аўтар:

Катэгорыя: Навіны

АДМЕНА! Спевак 31.03 не будзе.

У нядзелю 31 сакавіка запрашаем вас на супольныя спеўкі!

Будзем вывучаць і спяваць бытавыя і стрэльныя спевы!

На супольных спеўках няма гледачоў - усе ўдзельнікі. Мы ўсе спяваем разам. Не важна, ці ўмееце вы спяваць, ці ведаеце песні.

Супольныя спеўкі - выдатная магчымасць паспяваць усім разам, і тым, хто наведвае заняткі даўно, і тым, хто прыйдзе да нас упершыню.

 Прыходзьце самі і бярыце з сабой кампанію.

 Час правядзення: 31.03 у 13:00.

 Месца правядзення: філіял Веткаўскага музея, г. Гомель, плошча Леніна, 4а (у парку, за саборам Пятра і Паўла).

Кошт: бясплатна.

Створана 27 Сакавік 2024

Аўтар:

Катэгорыя: Навіны

Сябры, мы рады абвясціць, што пачынаем вадзіць экскурсіі па адным з самых цікаўных гістарычных раёнах Гомеля - па Спасавай слабадзе.

З часоў свайго існавання, а менавіта, з сярэдзіны XVIII стагоддзя, раён Спасава слабада быў месцам пражывання стараабрадцаў. Можна сказаць, што гэта быў адзін з самых заможных і дагледжаных раёнаў горада, які садзейнічаў фарміраванню своеасаблівага іміджу Гомеля, як горада гандляроў, чыгуначнікаў, дробных прадпрымальнікаў і рамеснікаў.

Падчас экскурсіі мы:
- разгледзім гісторыю Гомеля праз малавядомыя факты пра яго стараабрадніцкую спадчыну;
- абмяркуем гісторыю стараабрадцаў Гомеля, захаваную і страчаную спадчыну, дамы, сакральныя збудаванні;
- з дазволу настаяцеля стараабрадніцкай Спаса-Праабражэнскай царквы, айца Сергія, патрапім у сам храм.

Экускурсійны маршрут "Спасава слабада. Стараабрадцы Гомеля" распрацаваны супрацоўнікамі Веткаўскага музея. Праводзіць экскурсіі будзе дырэктар музея Юрый Катляроў.

Запрашаем вас на бліжэйшую экскурсію, якая адбудзецца ўжо ў гэтую нядзелю!

 Колькасць месцаў абмежаваная - 10 чалавек. Абавязковы папярэдні запіс па тэлефоне +375 232 50-96-98.

31.03 у 12:00
Збор каля філіяла Веткаўскага музея - г. Гомель, плошча Леніна, 4а (у парку, за саборам Пятра і Паўла)
Кошт: 6 BYN
Тэлефон для запісу: +375 232 50-96-98

Створана 26 Сакавік 2024

Аўтар:

Катэгорыя: Навіны

Запрашаем на куратарскую лекцыю ў прасторы выставы “Арнаменты Падняпроўя. Сон і абуджэнне".

 Тэма лекцыі: ""Мядзведзі, жабкі, веряб’і і лапкі" – істоты і знакі абуджэння зямлі ў ткацтве".

 29.03 (пятніца) у 18:00, філіял Веткаўскага музея.

Чаму ў назвах арнаментаў жывуць паўзуны, земнаводныя, насякомыя, дзікія і хатнія звяры, птушкі і рыбы?

Калі пачытаць пра звычаі і міфалагічныя ўяўленні, то стане зразумелым, што выявы жывёл утрымліваюцца ў генетычнай памяці традыцыі: у мове, кніжнасці, фальклоры, павер'ях, абрадах, іканаграфіі.

Жывёлы выступаюць як выявы міфалагічнай карціны свету. У культуралагічным, этналінгвістычным кантэксце гэта дае надзею на аднаўленне архаічных сэнсаў.

Мы даследуем не толькі выявы жывёл, якія далі найменні арнаментам, але і ўласцівасці саміх узораў удзельнічаць у сістэмах, якія аб'ядноўваюць бажаствы, дэманалогію, людзей, звяроў, стыхіі і земляробчую культуру. І памяць традыцыі ўражвае сваёй глыбінёй!

 Лектарка: Галіна Рыгораўна Нячаева, намесніца дырэктара Веткаўскага музея па навуковай рабоце, заслужаны дзеяч культуры Беларусі.

Мова лекцыі - руская.

 Месца правядзення: г. Гомель, плошча Леніна, 4а (у парку, за саборам Пятра і Паўла).

Кошт: 3 BYN.

 Тэлефон філіяла: +375 232 50-96-98

Створана 26 Сакавік 2024

Аўтар:

Катэгорыя: Навіны

У гэтую пятніцу куратарская лекцыя, на жаль, не адбудзецца.

Будзем чакаць вас у наступную пятніцу (29.03)

Створана 20 Сакавік 2024

Аўтар:

Катэгорыя: Навіны

Мы працягваем серыю майстар-класаў па ткацтве ў Веткаўскім музеі!

Гэтым разам вы даведаецеся ўсё пра навіванне асновы!

Што гэта за такі працэс, якім чынам навіванне адбываецца, як разлічыць, колькі асновы спатрэбіцца для далейшага выкарыстання. Пасля таго, як высветлім усе гэтыя пытанні, вы самі абавязкова паспрабуеце навіванне на практыцы!

І, канешне, кожны ўдзельнік зможа паткаць на нашых кроснах і зразумее ўласнымі рукамі - што такое ткаць і як гэта рабілі нашыя продкі.

 Правядзе майстар-клас Мікола Асмалоўскі, наш супрацоўнік, які ўлюбёны ў ткацтва!

Колькасць месцаў абмежаваная. Абавязковы папярэдні запіс!
 Каб запісацца, тэлефануйце +375 (2330) 4-27-49 (з 9:00 да 18:00)

 30.03 (субота) у 11:00. Працягласць - каля двух гадзін.

 г. Ветка, Красная плошча, 5.

7 BYN

Створана 19 Сакавік 2024

Аўтар:

Катэгорыя: Навіны

UPD: Адмена! Спевак не будзе.

У нядзелю 17 сакавіка запрашаем вас на супольныя спеўкі!

Рыхтуемся да Гукання вясны!
Будзем вывучаць і спяваць гукальныя спевы, вясновыя карагоды.

На супольных спеўках няма гледачоў - усе ўдзельнікі. Мы ўсе спяваем разам. Не важна, ці ўмееце вы спяваць, ці ведаеце песні.

Супольныя спеўкі - выдатная магчымасць паспяваць усім разам, і тым, хто наведвае заняткі даўно, і тым, хто прыйдзе да нас упершыню.

 Прыходзьце самі і бярыце з сабой кампанію.

 Час правядзення: 17.03 у 13:00.

 Месца правядзення: філіял Веткаўскага музея, г. Гомель, плошча Леніна, 4а (у парку, за саборам Пятра і Паўла).

Кошт: бясплатна.

Створана 13 Сакавік 2024

Аўтар:

Катэгорыя: Навіны

Запрашаем на куратарскую лекцыю ў прасторы выставы "Арнаменты Падняпроўя. "Сон і абуджэнне”".

 Тэма лекцыі: “Кола веснавых святаў – ад Стрэчання да Духа"

 15.03 (пятніца) у 18:00, філіял Веткаўскага музея.

Запытайцеся любога сучаснага чалавека: "Калі пачынаецца вясна?" Адказ, хутчэй за ўсё, будзе - 1-га сакавіка.

Але ці пагадзіліся б з гэтым нашыя продкі? Калі ўвогуле пачыналася вясна ў часы без звыклага нам календара? Чаму ў адносна непрацяглы веснавы перыяд важных святаў больш, чым за ўвесь астатні год? І пры чым тут, нарэшце, неглюбскі "вядзьмедзь"?

Адкажам на ўсе гэтыя пытанні, а таксама паразмаўляем пра ўсе нашы традыцыйныя вясновыя святы на лекцыі ўжо ў гэтую пятніцу.

 Лектар: Мікола Асмалоўскі, супрацоўнік Веткаўскага музея.

Мова лекцыі - беларуская.

 Месца правядзення: г. Гомель, плошча Леніна, 4а (у парку, за саборам Пятра і Паўла).

Кошт: 3 BYN.

 Тэлефон філіяла: +375 232 50-96-98

Створана 12 Сакавік 2024

Аўтар:

Катэгорыя: Навіны

7 сакавіка ў нашым гомельскім філіяле адбылося адкрыццё новай выставы "Арнаменты Падняпроўя: Сон і абуджэнне”.

Гэта ўжо другая выстава, якую мы ладзім у межах праекта "Адкуль родам знакі на нашых ручніках?". Праект паказвае вынік нашай шматгадовай працы, які змяшчае матэрыялы экспедыцыйных і фондавых навуковых даследаванняў ткацкіх традыцый паўднёвага ўсходу Беларусі.

На выставе "Арнаменты Падняпроўя: Сон і абуджэнне” прадстаўлены традыцыйны тэкстыль з вёсак Веткаўскага, Добрушскага, Буда-Кашалёўскага, Касцюковіцкага і Навазыбкаўскага раёнаў. Гэта тканыя і вышытыя ручнікі, абрусы, посцілка, элементы адзення.

 Наведаць выставу "Арнаменты Падняпроўя: Сон і абуджэнне” можна ў любы дзень з 9:30 да 18:00

 Філіял Веткаўскага музея, г. Гомель, плошча Леніна, 4а (у парку, за саборам Пятра і Паўла).

Створана 12 Сакавік 2024

Аўтар:

Катэгорыя: Навіны

Запрашаем на майстар-клас, каб разам з намі, напярэдадні "Гукання вясны", сплесці з саломы галоўны сімвал - птушку.

Саламяныя вырабы - традыцыйныя ўпрыгожванні інтэр'ера беларусаў з даўніх часоў. У прасторы філіяла Веткаўскага музея мы ўжо рабілі саламянага павука, які з'яўляецца адным з самых старажытных нашых абярэгаў. А птушачка ў сваю чаргу, акрамя абярэжнай сілы, прыносіць у нашыя дамы вясну і абнаўленне.

Прыходзьце на майстар-клас, каб зрабіць свой уласны абярэг і сімвал вясны!
.

 16.03 (субота), у 12:00.
Кошт: 7 BYN.
 філіял Веткаўскага музея. Гомель, пл. Леніна, 4а (у парку, за саборам Пятра і Паўла).

Патрэбны папярэдні запіс па тэлефоне.
 Тэлефон для запісу і даведак: +375(232)509698 (з 9:30 да 18:00)

Створана 06 Сакавік 2024

Аўтар:

Катэгорыя: Навіны

Запрашаем на майстар-клас па вырабе гарлячкі - традыцыйнага неглюбскага дзявочага ўпрыгожвання!

Гарлячка - гэта шыйнае ўпрыгожванне з бісеру, з'яўляецца элементам неглюбскага жаночага строя. Такі сабе неглюбскі чокер

 Гарлячка была штодзённым упрыгожваннем, якое яшчэ ў першай палове 20 ст. насіла амаль кожная жанчына любога ўзросту.

А вучыць плесці неглюбскую гарлячку вас будзе наша навуковая супрацоўніца Святлана Петрышэнка, якая сама з'яўляецца неглюбчанкай. Што можа быць яшчэ аўтэнтынчней?

На майстар-класе кожны пачне рабіць сваю гарлячку. Мы не паспеем зрабіць яе цалкам. Але вы будзеце ведаць тэхналогію, і лёгка зможаце скончыць упрыгожванне дома.

Бісер для ўпрыгожвання мы прадаставім. Але калі вы хочаце ўзяць пэўны з сабой, то спатрэбіцца бісер 2-х ці 3-х колераў - па два пакуначкі кожнага колеру. Памер бісернай пацеркі (бісерыны) - на ваш выбар. Чым буйнейшыя пацеркі - тым хутчэй спляцецца гарлячка, але і больш шырокая яна атрымаецца.

Абавязковы папярэдні запіс па тэлефоне +375 (2330) 4-27-49 (з 9:00 да 18:00).

10 BYN.

 16.03 (субота), у 11:00.

г. Ветка, Красная плошча, 5
Тэлефон для запісу: +375 (2330) 4-27-49 (з 9:00 да 18:00)

Створана 06 Сакавік 2024

Аўтар:

Катэгорыя: Навіны

8 сакавіка Веткаўскі музей і гомельскі філіял музея не працуюць.
А 7 сакавіка ў нас кароткі дзень - працуем да 17:00 (уваход у экспазіцыю да 16:30)

Створана 02 Сакавік 2024