Аўтар:

Катэгорыя: Навіны

Сябры, мы ўдзельнічаем у рэспубліканскай акцыі "Вандруй. Адчуй. Натхняйся".

І ў межах гэтай акцыі зладзім бясплатную экскурсію па "Станіслаў Шабунеўскі. Гомель - ад эклектыкі да мадэрна"!

Гэта экскурсія па архітэктурнай спадчыне выбітнага гомельскага архітэктара, які спраектаваў адны з самых знакавых будынкаў горада!

На экскурсіі мы акунемся ў жыццё цэнтральнай часткі горада канца XIX - пачатку XX ст. (перыяд бурнага дэмаграфічнага і эканамічнага росту) з яго забудовай, паўсядзённым жыццём, праблемамі і станоўчымі тэндэнцыямі. На свае вочы ўбачым творчы шлях і эвалюцыю стылістыкі ў архітэктуры гарадскіх сядзіб, даходных дамоў, банкаўскіх і забаўляльных устаноў.

Экскурсійны маршрут "Станіслаў Шабунеўскі. Гомель - ад эклектыкі да мадэрна" распрацаваны супрацоўнікамі Веткаўскага музея. Праводзіць экскурсію дырэктар музея Юрый Катляроў.

Колькасць месцаў абмежаваная - 15 чалавек. Абавязковы папярэдні запіс па тэлефоне +375(232)50-96-98 (з 9:30 да 18:00). 

Калі: 07.06 (субота) у 11:00.

Месца збору - у скверыку насупраць будынка БелДУТа, што на вуліцы Камсамольскай.

Кошт: бясплатна 

Створана 28 Май 2025

Аўтар:

Катэгорыя: Навіны

Экскурсія па Спасавай слабадзе - адным з самых цікавых гістарычных раёнах Гомеля.

З часоў свайго існавання, а менавіта, з сярэдзіны XVIII стагоддзя, раён Спасава слабада быў месцам пражывання стараабрадцаў. Можна сказаць, што гэта быў адзін з самых заможных і дагледжаных раёнаў горада, які садзейнічаў фарміраванню своеасаблівага іміджу Гомеля, як горада гандляроў, чыгуначнікаў, дробных прадпрымальнікаў і рамеснікаў.

Падчас экскурсіі мы:

• разгледзім гісторыю Гомеля праз малавядомыя факты пра яго стараабрадніцкую спадчыну;
• абмяркуем гісторыю стараабрадцаў Гомеля, захаваную і страчаную спадчыну, дамы, сакральныя збудаванні;
• з дазволу настаяцеля стараабрадніцкай Спаса-Праабражэнскай царквы, айца Сергія, патрапім у сам храм.

Экскурсійны маршрут "Спасава слабада. Стараабрадцы Гомеля" распрацаваны супрацоўнікамі Веткаўскага музея. Праводзіць экскурсіі будзе дырэктар музея Юрый Катляроў.

Колькасць месцаў абмежаваная. Абавязковы папярэдні запіс па тэлефоне +375 232 50-96-98 (з 9:30 да 18:00). 

Падчас экскурсіі мы наведаем стараабрадніцкі Спаса-Праабражэнскі храм. Для тых, хто хоча наведаць сам храм, пажадана адпаведна апрануцца: жанчынам - сукенка/спадніца ніжэй за калена, хустка, доўгія рукавы; мужчынам - доўгія нагавіцы (не шорты), доўгія рукавы.

Калі: 14.06 у 10:00
Дзе: Збор у філіяле Веткаўскага музея - г. Гомель, плошча Леніна, 4а (у парку, за саборам Пятра і Паўла)
Кошт: 10 BYN 

Створана 28 Май 2025

Аўтар:

Катэгорыя: Навіны

Анонс мерапрыемстваў у Веткаўскім музеі і гомельскім філіяле музея на ЧЭРВЕНЬ:

*Асобна кожную падзею мы будзем больш падрабязна анансаваць бліжэй да даты яе правядзення, як гэта робім заўсёды.
У гэтым анонсе магчымы змены.

Новыя выставы:
Адкрыццё новай выставы “Касы крыж”,
філіял Веткаўскага музея (Гомель)

Экскурсія:
"Спасава Слабада. Стараабрадцы Гомеля" - пешаходная экскурсія па гістарычным раёне Гомеля
14.06 (субота) 10:00
кошт: 10 BYN

Майстар-класы (абавязковы папярэдні запіс):
Лялька "На здароўе"
07.06 (субота) у 12:00, філіял Веткаўскага музея (Гомель)
кошт: 10 BYN

Майстар-клас па ткацтве "Калодка зубатая, калодка смешная"
08.06 (нядзеля) у 12:00, Веткаўскі музей (Ветка)
кошт: бясплатна

Неглюбская гарлячка
21.06 (субота) у 12:00, філіял Веткаўскага музея (Гомель)
кошт: 10 BYN

Створана 28 Май 2025

Аўтар:

Катэгорыя: Навіны

Запрашаем на майстар-клас па пляценні гарлячкі - традыцыйнага неглюбскага дзявочага ўпрыгожвання!

Гарлячка - гэта шыйнае ўпрыгожванне з бісеру, з'яўляецца элементам неглюбскага жаночага строя. Такі сабе неглюбскі чокер Гарлячка была штодзённым упрыгожваннем, якое яшчэ ў першай палове 20 ст. насіла амаль кожная жанчына любога ўзросту.

На майстар-класе кожны пачне рабіць сваю гарлячку. Мы не паспеем зрабіць яе цалкам. Але вы будзеце ведаць тэхналогію, і лёгка зможаце скончыць упрыгожванне дома.

Бісер для ўпрыгожвання мы прадаставім. Але калі вы хочаце ўзяць пэўны з сабой, то спатрэбіцца бісер 2-х ці 3-х колераў - па адным пакуначкі кожнага колеру. Памер бісернай пацеркі (бісерыны) - на ваш выбар. Чым буйнейшыя пацеркі - тым хутчэй спляцецца гарлячка, але і больш шырокая яна атрымаецца.

*Майстар-клас падыходзіць для ўзросту ад 12 год.

Абавязковы папярэдні запіс па тэлефоне +375 232 50-96-98 (з 9:30 да 18:00)

Кошт: 10 BYN.

Калі: 31.05 (субота), у 11:00.

Дзе: філіял Веткаўскага музея - г. Гомель, плошча Леніна, 4а (у парку, за саборам Пятра і Паўла).

Створана 24 Май 2025

Аўтар:

Катэгорыя: Навіны

17 мая (субота) падчас “Ночы музеяў 2025” у філіяле Веткаўскага музея мы прэзентуем новы выставачны праект “Паўліны, кажаш?”

- «Паўліны, кажаш?» - усміхнуўся Сухаў у адказ на мару Верашчагіна захаваць маленькі рай сярод сусветнай буры вайны (з фільма “Белае сонца пустыні" 1970 г.) Але парадокс у тым, што менавіта ідэя выратаваць прыгажосць вядзе героя фільма скрозь агонь і ваду, і мара перамагае. Гэты фільм абавязкова глядзяць касманаўты ўвечары перад палётам. 

Іронія, прастадушны вобраз і хітрамудрая сімволіка тысячагоддзяў – усё сплялося ў вобразе паўліна, героя нашых уяўленняў пра вечнае, боскае і чароўнае. 

Візантыйскі вобраз несмяротнай душы праз паўтары тысячы гадоў адазваўся ў вышытым ручніку сельскай дзяўчыны, але гэта зноў душа ў мары пра выдатнае!

І агульнае ў гэтым калейдаскопе кручэння вобразаў – упартасць жыцця і смеласць прыгажосці, якая перамагае вайну, разруху, смерць. 

Мы сабралі артэфакты з выявай паўліна і вобразы розных эпох. Ад мініяцюр у старажытных кнігах - да ўвасаблення ідэй мадэрна. Ад касмалогіі Птушкі-павы ў народным касцюме – да кода паўліна ў творах сучасных мастакоў. 

Як заўсёды, выстава Веткаўскага музея канцэптуальная, філасафічная – і прадстаўляе гісторыю пытання ў арыгіналах. 

Метад таксама “звычайны” для нас: гульня сучаснага гледача з архетыпамі і фактамі.

Запрашаем вас на адкрыццё выставы!

Калі: 17.05.2025 у 17:00.

Дзе: Філіял Веткаўскага музея - г. Гомель, плошча Леніна, 4а (у парку, за саборам Пятра і Паўла).

Уваход вольны!

Тэлефон філіяла: +375 232 50-96-98 

Створана 14 Май 2025

Аўтар:

Катэгорыя: Навіны

5 мая адзначаецца Міжнародны дзень сям’і.

Выдатная нагода, каб правесці час разам. І, напрыклад, наведаць музей усёй сям'ёй .

А каб наведванне музея было яшчэ больш прыемным, мы абвяшчаем акцыю “Сямейны квіток”.

15 мая прыходзьце ў музей усёй сям’ёй, а набывайце толькі адзін квіток, незалежна ад колькасці членаў сям'і, што прыйшлі з вамі.

Кошт квітка:
Веткаўскі музей - 8 BYN
*у кошт уваходзіць наведванне, калі замовіце экскурсію + 16 BYN
г. Ветка, Красная плошча, 5 (з 9.00 да 18.00 - уваход у экспазіцыю да 17:30) 
+375(2330)4-27-49

філіял Веткаўскага музея - 5 BYN
*у кошт уваходзіць наведванне, калі замовіце экскурсію + 10 BYN
г. Гомель, плошча Леніна, 4а (з 9:30 да 18:00 - уваход у экспазіцыю да 17:30).
+375(0232) 50-96-97. 

Створана 13 Май 2025

Аўтар:

Катэгорыя: Навіны

НОЧ МУЗЕЯЎ 2025

У суботу 17 мая запрашаем вас на імпрэзу "Гуляла пава". 

Паву, паўліна нашы продкі называлі райскай птушкай. Яе вышывалі на ручніках, пра яе спявалі ў песнях, а ў Неглюбцы на дзяўчыну, апранутую ў строй, казалі: ідзе як пава. 

- На "Ноч музеяў" мы прэзентуем наш новы выставачны праект "Паўлін, кажаш?".

- А яшчэ мы пакажам рэканструкцыю архаічнага абраду "Гуканне вясны". Зладзім "птушыныя" майстар-класы: вы зможаце сплесці саламяную птушку-абярэг, зрабіць ляльку-мотанку "Птушка-радасць", птушку-выцінанку. А яшчэ пакажам, як неглюбчанкі завязвалі хустку, каб у выніку атрымалася птушка - з дзюбкай, крыльцамі і хвосцікам. 

- Правядзем спеўныя майстар-класы: паспяваем разам веснавыя песні, паводзім карагоды, пагуляем у гульні. 

- Пасля 20-й гадзіны будуць традыцыйныя танцы пад гармонік! Калі любіце танчыць - абавязкова прыходзьце. А калі не ўмееце - тым больш прыходзьце. Дзе, як не ў нас, навучыцеся танчыць Лявоніху, Падыспань, Польку, Кракавяк, Базар?

- А ў 21:00 можна будзе нацешыцца мелодыкай нашых народных песень падчас выступу фальклорнага ансамбля "Збіцень". 

Па нашай добрай традыцыі, увесь вечар будзем мяняць вашы манеткі любога наміналу на нашу смачнейшую гарбату з самавара. 

Калі: 17 мая (субота), з 17:00 да 22:00.
Дзе: філіял Веткаўскага музея ў Гомелі - пл. Леніна, 4а (у парку, за саборам Пятра і Паўла).

Кошт: уваход бясплатны, але вітаецца данат (ахвяраванне любога памеру).  

Створана 11 Май 2025

Аўтар:

Катэгорыя: Навіны

9 мая ў Ветцы адбудзецца прэзентацыя выставы "Сімвалы Перамогі", прымеркаванай да Дня Перамогі. 

Запрашаем на выставу, прысвечаную гераізму, мужнасці і памяці пра Вялікую Айчынную вайну. У экспазіцыі - знакавыя сімвалы Перамогі, гістарычныя артэфакты і вобразныя сведчанні.

Далучайцеся, каб ушанаваць памяць і дакрануцца да гісторыі!

Калі: пачатак у 12:00
Дзе: Ветка, Красная плошча
Уваход вольны 

Створана 07 Май 2025

Аўтар:

Катэгорыя: Навіны

8 і 9 мая Веткаўскі музей і гомельскі філіял музея адкрыты для наведванняў да 17:00 (уваход у экспазіцыю да 16:30).

9 мая будзе бясплатны ўваход.
*Бясплатныя ўваходныя квіткі. Калі захочаце ўзяць экскурсію, то працу экскурсавода трэба будзе аплаціць: 16 ці 9 рублёў у Веткаўскім музеі і 10 ці 6 рублёў у гомельскім філіяле музея.

**Акцыя не распаўсюджваецца на экскурсійныя групы, арганізаваныя турфірмамі.  

Створана 07 Май 2025

Аўтар:

Катэгорыя: Навіны

Працягваем цыкл майстар-класаў па абрадавай ляльцы!

Раней мотанак (лялькі з тканіны) рабілі не толькі для забавы. Іх асноўная роля - ахоўная. Кожная з лялек мела свае асаблівасці і выконвала пэўныя функцыі.

Травень - час планаваць ці адпраўляцца ў падарожжы. Хоць то на мора або ў горы за мяжу, хоць у бліжэйшую вёсачку, дзе паветра насычана духмяным водарам кветак і траў.

У любым выпадку, самы час зрабіць Падарожніцу. Гэтая лялька з'яўляецца абярэгам у дарогу, для вандроўнікаў. Раней яе рабіла маці сыну ці жонка мужу, выпраўляючы ў дарогу, каб таму спрыяла ўдача.

Абавязковы папярэдні запіс па тэлефоне +375 232 50-96-98 (з 9:30 да 18:00).

Калі: 10.05 (субота), у 12:00.
Дзе: філіял Веткаўскага музея. Гомель, пл. Леніна, 4а (у парку, за саборам Пятра і Паўла).
Кошт: 10 BYN. 

Створана 03 Май 2025

Аўтар:

Катэгорыя: Навіны

Запрашаем на майстар-клас па вырабе саламянага каня з прыгожай грывы з жытніх каласкоў!

Саламяныя вырабы - традыцыйныя ўпрыгожванні інтэр'ера беларусаў з даўніх часоў. Саламяны конь з'яўляецца даўнім абярэгам, які спрыяе шчасцю і поспеху, забяспечвае добрую долю.
 
Патрэбны папярэдні запіс па тэлефоне +375 (232) 50-96-98 (з 9:30 да 18:00). 

Калі: 03.05 (субота), у 12:00.
Кошт: 10 BYN.
Дзе: філіял Веткаўскага музея - Гомель, пл. Леніна, 4а (у парку, за саборам Пятра і Паўла). 

Створана 26 Красавік 2025

Аўтар:

Катэгорыя: Навіны

29 красавіка (на Радаўніцу) Веткаўскі музей і наш гомельскі філіял не працуюць.

28, 30 красавіка і 1 мая мы адкрыты для наведванняў да 17:00.  

Створана 26 Красавік 2025

Аўтар:

Катэгорыя: Навіны

Анонс мерапрыемстваў у гомельскім філіяле Веткаўскага музея на МАЙ:

*Асобна кожную падзею мы будзем больш падрабязна анансаваць бліжэй да даты яе правядзення, як гэта робім заўсёды.
У гэтым анонсе магчымы змены.

Новыя выставы:

Прэзентацыя выставы "Сімвалы Перамогі", прымеркаванай да Дня Перамогі 
09.05 (пятніца) пачатак у 12:00, Ветка, Красная плошча
кошт: бясплатна

Адкрыццё выставы "Паўлін, кажаш?"
17.05 (субота) 17:00, філіял Веткаўскага музея (Гомель)
кошт: бясплатна

Ноч музеяў - 2025:

У межах міжнароднай акцыі "Ноч музеяў" зладзім імпрэзу "Гуляла пава"
17.05 (субота), пачатак у 17:00, філіял Веткаўскага музея (Гомель)
кошт: данат (ахвяраванне) любога памеру

Майстар-класы (абавязковы папярэдні запіс) і спевы:

Саламяны конь
03.05 (субота) у 12:00, філіял Веткаўскага музея (Гомель)
кошт: 10 BYN

Лялька "Падарожніца"
10.05 (субота) у 12:00, філіял Веткаўскага музея (Гомель)
кошт: 10 BYN

Неглюбская гарлячка
31.05 (субота) у 11:00, філіял Веткаўскага музея (Гомель)
кошт: 10 BYN

Заняткі "Школкі традыцыйных спеваў” - вывучаем і спяваем традыцыйныя песні нашага рэгіёна
11.05, 25.05 (нядзелі) у 14:00, філіял Веткаўскага музея (Гомель)
кошт: бясплатна 

Створана 25 Красавік 2025

Аўтар:

Катэгорыя: Навіны

Сёлета споўнілася 100 год з дня нараджэння заснавальніка Веткаўскага музея Фёдара Рыгоравіча Шклярава.

З гэтай нагоды мы ўпершыню робім адмысловую “экскурсію ў мінулае” - раскажам, як звычайны чалавек аднойчы вырашыў і стварыў музей! Дзе і як Фёдар Шкляраў знаходзіў іконы, старадрукі, рукапісы, каб стварыць раённы музей, калекцыі якога можа пазайздросціць любы “эрмітаж”?

Пра ўсё гэта раскажуць Галіна Рыгораўна Нячаева і Святлана Іванаўна Лявонцьева - першыя супрацоўніцы музея, якія ўжо працавалі з Фёдарам Рыгоравічам яшчэ тады, калі Веткаўскі музей займаў пакойчык у Доме культуры.

Патрэбны папярэдні запіс па тэлефоне +375 232 50-96-98 (з 9:30 да 18:00).

Калі: 26.04 (субота), у 12:00
Месца правядзення: філіял Веткаўскага музея - г. Гомель, плошча Леніна, 4а (у парку, за саборам Пятра і Паўла)
Кошт: 7 BYN 

Створана 21 Красавік 2025

Аўтар:

Катэгорыя: Навіны

20 красавіка (на Вялікдзень) Веткаўскі музей і гомельскі філіял музея не працуюць.

19 красавіка працуем да 17:00 (уваход у экспазіцыю да 16:30) 

Створана 18 Красавік 2025

Аўтар:

Катэгорыя: Навіны

Напярэдадні Вялікадня запрашаем у філіял Веткаўскага музея на майстар-клас па вырабе пасхальнага вянка.

Вяночак, які ўяўляе сабой замкнёнае кола, сімвалізуе вечнае жыццё. Пасхальны вянок - сімвал перамогі жыцця над смерцю. 

Такім вяночкам будзе вельмі дарэчна ўпрыгожыць свой дом да свята, альбо ён можна стаць цудоўным падарункам!

Звяртаем увагу, што фотаздымак - ілюстрацыя з сеціва. Мы зробім падобны вянок з птушачкамі, але ён будзе адрознівацца ад дадзенага малюнка. 

Абавязковы папярэдні запіс па тэлефоне, альбо тут у прыватныя паведамленні.
Тэлефон для запісу: +375(232)509698 (з 9:30 да 18:00)

*Майстар-клас падыходзіць для ўзросту ад 12 год.

Калі: 12.04 (субота) у 14:00 і 16.04 (серада) у 12:00
Кошт: 10 BYN
Дзе: філіял Веткаўскага музея. Гомель, пл. Леніна, 4 (парк, за саборам Пятра і Паўла) 

Створана 07 Красавік 2025

Аўтар:

Катэгорыя: Навіны

Неад'емным атрыбутам святкавання Вялікадня з'яўляецца яйка, таму прапануем завітаць на майстар-клас у філіял Веткаўскага музея. 
 
Пры дапамозе свечак, воску і фарбаў мы размалюем яйкі - зробім "Велікодную пісанку"! 

З сабой неабходна ўзяць два белыя звараныя яйкі!
Абавязковы папярэдні запіс па тэлефоне +375(232)509698 (з 9:30 да 18:00)

*Майстар-клас падыходзіць для ўзросту ад 12 год.
 
Калі: 12.04 (субота), у 12:00 
Кошт: 10 BYN 
Дзе: філіял Веткаўскага музея. Гомель, пл. Леніна, 4 (парк, за саборам Пятра і Паўла)

Створана 07 Красавік 2025

Аўтар:

Катэгорыя: Навіны

У нядзелю 6 красавіка ў 14:00 запрашаем вас на заняткі нашай "Школкі традыцыйных спеваў".

Будзем вывучаць традыцыйныя веснавыя песні і карагоды! 

Прыходзьце самі і бярыце з сабой кампанію.

На такіх занятках няма гледачоў - усе ўдзельнікі. Мы ўсе спяваем разам. Не важна, ці ўмееце вы спяваць, ці ведаеце песні.

Супольныя спеўкі - выдатная магчымасць паспяваць усім разам, і тым, хто наведвае заняткі даўно, і тым, хто прыйдзе да нас упершыню.

Перад тым, як заспяваць, на занятках адбываецца пэўная галасавая і дыхальная гімнастыка. Такая размінка ды спевы ў народнай манеры - шыкоўна аздараўляе і голас, і арганізм у цэлым.

Час правядзення: 06.04 у 14:00.

Месца правядзення: філіял Веткаўскага музея, г. Гомель, плошча Леніна, 4а (у парку, за саборам Пятра і Паўла).

Кошт: бясплатна. 

Створана 03 Красавік 2025

Аўтар:

Катэгорыя: Навіны

Запрашаем на АПОШНЮЮ куратарскую экскурсію па выставе "Шлях крыжа", якая працуе ў нашым гомельскім філіяле апошні месяц.

Выстава расказвае пра месца крыжа (аднаго з першых сімвалаў чалавецтва) ва ўсіх праяўленнях жыццядзейнасці чалавека. Ад нараджэння, праз увесь жыццёвы шлях, да пахавання.

А ці ведалі вы, што крыж быў важным сімвалам для чалавецтва яшчэ далёка да ўзнікнення хрысціянства?

Куратарскую экскурсію правядзе навуковы супрацоўнік музея Андрэй Скідан.

Мова экскурсіі - беларуская.

Патрэбны папярэдні запіс па тэлефоне +375 232 50-96-98 (з 9:30 да 18:00).

Калі: 13.04 (нядзеля), у 12:00
Месца правядзення: філіял Веткаўскага музея - г. Гомель, плошча Леніна, 4а (у парку, за саборам Пятра і Паўла)
Кошт: 7 BYN 

Створана 01 Красавік 2025

Аўтар:

Катэгорыя: Навіны

Запрашаем на майстар-клас па пляценні гарлячкі - традыцыйнага неглюбскага дзявочага ўпрыгожвання!

Гарлячка - гэта шыйнае ўпрыгожванне з бісеру, з'яўляецца элементам неглюбскага жаночага строя. Такі сабе неглюбскі чокер Гарлячка была штодзённым упрыгожваннем, якое яшчэ ў першай палове 20 ст. насіла амаль кожная жанчына любога ўзросту.

На майстар-класе кожны пачне рабіць сваю гарлячку. Мы не паспеем зрабіць яе цалкам. Але вы будзеце ведаць тэхналогію, і лёгка зможаце скончыць упрыгожванне дома.

Бісер для ўпрыгожвання мы прадаставім. Але калі вы хочаце ўзяць пэўны з сабой, то спатрэбіцца бісер 2-х ці 3-х колераў - па адным пакуначкі кожнага колеру. Памер бісернай пацеркі (бісерыны) - на ваш выбар. Чым буйнейшыя пацеркі - тым хутчэй спляцецца гарлячка, але і больш шырокая яна атрымаецца.

*Майстар-клас падыходзіць для ўзросту ад 12 год.

Абавязковы папярэдні запіс па тэлефоне +375 232 50-96-98 (з 9:30 да 18:00)

Кошт: 10 BYN.

Калі: 06.04 (нядзеля), у 11:00.

Дзе: філіял Веткаўскага музея - г. Гомель, плошча Леніна, 4а (у парку, за саборам Пятра і Паўла). 

Створана 31 Сакавік 2025