Летнік неглюбскага ткацтва «Кросенцы» будзе праходзіць з 21 па 25 жніўня 2019 у аг. Неглюбка.
Вас чакае незабыўны тыдзень паглыблення ў тэхналогію і сімволіку традыцыйнага ткацтва. Лепшыя неглюбскія майстры і іх пераемнікі з Веткаўскага музея будуць дзяліцца таямніцамі неглюбскага ткацтва напрацягу ПЯЦІ ДЗЁН!
*** ЗАПІС НА ЛЕТНІК АБАВЯЗКОВЫ (анкета і праграма летніка неглюбскага ткацтва «Кросенцы» знаходзіцца ніжэй)
** КОШТ УДЗЕЛУ: 15 BYN ЗА КОЖНЫ ДЗЕНЬ «ЛЕТНІКА»
* ПА ЎСІХ ПЫТАННЯХ ЗВЯРТАЦЦА ДА КУРАТАРА (+375(29) 335-06-00)
У кошт уваходзіць: матэрыялы для майстар-класаў і ўдзел ва ўсіх мерапрыемствах, праезд Ветка-Неглюбка ў першы дзень і Неглюбка-Ветка ў апошні дзень, пражыванне і харчаванне.
У праграме «Летніка»:
- майстар-класы па «снаванні», «навіванні» і «накіданні» традыцыйных кроснаў;
- майстар-класы па ткацтве (асвоім ТРЫ тэхнікі ткацтва);
- майстар-класы па вырабе жаночых аксэсуараў — «неглюбская гарлячка»;
- лекцыі ад выбітных знаўцаў неглюбскага арнаменту (Нячаева Галіна Рыгораўна) і неглюбскага строя (Смірнова Ірына Юр'еўна (удакладняецца));
- сустрэчы з самымі старымі і самымі маладымі носьбітамі неглюбскай традыцыі ткацтва;
- традыцыйныя неглюбскія спевы, танцы і этна-вечарына;
- фотасесія ў неглюбскіх строях;
- выраб «аброчнага» ручніка і «абраканне» на Спаса;
- выставы традыцыйнага тэкстылю: Веткаўскі, Чачэрскі, Добрушскі, Буда-Кашалёўскі і Гомельскі раёны Беларусі, а таксама традыцыйны тэкстыль з Украіны і Расіі;
- выступы фальклорных калектываў Гомельшчыны і Браншчыны.
*У праграме магчымы змены
СПАЗНАЕМ ТРАДЫЦЫЮ РАЗАМ!