Заключная сустрэча «Пройдусь по Абрикосовой… ». Актуальныя пытанні Гомельскай тапанімікі» ў межах выставы «Гомель. 1929».
Дзе: філіял Веткаўскага музея (г. Гомель, Плошча Леніна, 4, цэнтральны парк, за саборам Пятра і Паўла)
Калі: 7 лютага (пятніца) 2020, 18:00
Кошт: 2, 00 руб.
Тэлефон: 8(0232) 75-88-86
Госць сустрэчы — Генадзь Аляксейчанка — кандыдат гістарычных навук, дацэнт, загадчык кафедры ўсходніх славян і спецыяльных гістарычных дысцыплін ГДУ, сябра тапанімічнай камісіі гарвыканкама.
Назвы гарадскіх урочышчаў, вулiц, асобных будынкаў, тэрыторыяў, пляцаў — мы часта не заўважаем, што жывем у прасторы сэнсаў, якія фармуюць наш светапогляд. І толькі калі трапляем у іншы асяродак, заўважаем, што нашае ўспрыяцце рэчаіснасці трошкі адрозніваецца ад новага месцазнаходжання.
Новы культурніцкі праэкт, які называецца «Інстытут горада» закліканы акумуліраваць нашыя веды аб Гомелі і ягоных жыхарах, асэнсаваць сённяшняе ўспрыяцце горада і наваколля, даследваць мінулае, фармаваць будучае.
Тапаніміка — адна з частак гарадской культуры, у якой выразна сплятаюцца горадабудаўнічы працэс і семантычнае ўспрыяцце рэчаіснасці, міфалогія і ідэалогія мастацкіх стылістычных напрамкаў, гістарычныя падзеі і сацыяльныя праэкты.
Пагаворым аб Гомельскім тапанімічным фармаце, паглядзім, наколькі ён адрозніваецца ад агульнабеларускага. Паразважаем, ці можа гарадскі актыў выразна ўплываць на працэс фармавання новай тапанімічнай «павесткі».