Упершыню Веткаўскі музей стараабрадніцтва і беларускіх традыцый імя Ф.Р. Шклярава будзе гукаць вясну не толькі ў Гомелі, але і ў Ветцы!
Запрашаем усіх далучыцца да архаічнай традыцыі гукання вясны 24 сакавіка (субота) 2018 года ў філіяле Веткаўскага музея ў Гомелі і сумесным культурна-масавым мерапрыемстве Веткаўскага музея і сярэдняй школы № 1 г. Ветка імя А.А. Грамыкі ў Ветцы.
| Месца правядзення | г. Ветка, вул. Акцябрская, 22 | г. Гомель, пл. Леніна, 4 |
| Калі | 24.03.2018 11:00 | 24.03.2018 12:00 |
| Кошт удзелу | бясплатна | |
| У праграме: | -Знаёмства з гукальнымі традыцыйнымі спевамі і абрадамі в. Стаўбун Веткаўскага раёна (народны фальклорны этнаграфічны калектыў "Стаўбунскія вячоркі" і дзіцячы фальклорны калектыў "Спадчына"); -Ваджэнне карагодаў;
| -Паход на ўзбярэжжа р. Сож;
|
Тэлефоны для даведак: | 8 (02330) 4-27-49 | 8 (0232) 75-88-86 |
Каляндар Гомельскага Палесся і Падняпроўя вылучаецца найперш сваім веснавым "модусам мыслення", г. зн. асаблівай распрацаванасцю, сэнсавай шматпланавасцю, багаццем формаў і факусіраваннем у святах веснавога цыкла ледзь не ўсіх ідэй каляндарнай звычаёвасці. Гуканне вясны, характэрнае перад усім для гэтай тэрыторыі, распачыналася яшчэ на Стрэчанне і заканчвалася пасля Вялікадня на Ушэсце. Веснавыі звычаі і песні сталі своеасаблівым гімнам жыцця ва ўсіх яго складальніках - у сям’і і каханні, у руплівай працы на полі і чаканні ўраджаю, у гадоўлі статка і гаспадарчых будзённых клопатах.
Запрашаем далучыцца да нашых традыцый!
Правядзем весела і карысна час!
