Архаічны абрад «Пахаванне стралы» адбудзецца 06.06.2019 у в. Стаўбун Веткаўскага раёна Гомельскай вобл. (Беларусь).
Каб глыбей зазірнуць у традыцыю запрашаем вас на летнік па традыцыйных спевах «Як пушчу стралу… », які будзе праходзіць з 2 па 6 чэрвеня ў в. Стаўбун.
Вас чакае незабыўны тыдзень паглыблення ў сапраўдную традыцыю з усімі яе праявамі: спевамі, карагодамі, танцамі, адзеннем, ткацтвам, кухняй і філасофіяй.
*** ЗАПІС НА ЛЕТНІК АБАВЯЗКОВЫ (анкета і праграма «Летніка» знаходзіцца пад малюнкам мапы)
** КОШТ УДЗЕЛУ: 10 BYN ЗА КОЖНЫ ДЗЕНЬ «ЛЕТНІКА»
* ПА ЎСІХ ПЫТАННЯХ ЗВЯРТАЦЦА ДА КУРАТАРА
У праграме «Летніка»:
- майстар-класы па традыцыйных «стрэльных» спевах в. Стаўбун;
- майстар-класы традыцыйнага ткацтва: наведаем неглюбскі сельскі цэнтр ткацтва, а непасрэдна на базе «Летніка» ў Стаўбуне будзем ткаць Стаўбунскі андарак і фартух;
- творчыя сустрэчы і сумесныя спевы з носьбітамі «стрэльнай» традыцыі в. Стаўбун і в. Казацкія Балсуны;
- лекцыя ад знаўцы стрэльнай традыцыі на аснове семіятычнага падыхода — Нячаевай Галіны Рыгораўны);
- традыцыйная танцавальная этна-вечарына;
- фотасесія ў традыцыйных строях;
- сакрэты традыцыйнай кухні в. Стаўбун;
- выставы традыцыйнага тэкстылю в. Стаўбун з фондаў Веткаўскага музея;
- і шмат іншых запланаваных і незапланаваных цікавостак!
СПАЗНАЕМ ТРАДЫЦЫЮ РАЗАМ!