Фотасправаздача
Ужо больш за сорак гадоў Веткаўскі музей займаецца вывучэннем культуры роднай Веткаўшчыны. Здаецца, што ўжо ўсё даўно знойдзена і вывучана, але кожны дзень у музеі прыносіць свае адкрыцці і амаль сенсацыі. Пра апошнія з іх даведаемся падчас святкавання Міжнароднага дня музеяў. Менавіта ў гэтыя дні ўсе музеі свету адкрываюць свае дзверы для бясплатнага наведвання і неардынарнай работы з наведвальнікамі і менавіта ў гэтыя дні Веткаўчанам і гасцям горада Веткаўскі музей прапаноўвае унікальныя магчымасці:
Анонс
Дзе: Веткаўскі музей (г. Ветка, Красная плошча, 5) і г. Ветка
Калі: 17 мая (пятніца) 2019, 9:00-20:00
Кошт: бясплатна
Тэлефон: 8 (02330) 4-25-71
«Ветка — жыццё, шчасце, Радзіма мая!»
- наведаць бясплатна экспазіцыі музея на працягу ўсяго дня;
- зазірнуць у рэстаўрацыйную майстэрню музея і сваімі вачыма паназіраць за адраджэннем знакамітага Веткаўскага іканапісу;
- прайсці шлях знакамітага заснавальніка музея Фёдара Шклярава пры дапамозе квэст-гульні «Шляхамі Шклярава»;
- даведацца пра таямніцы веткаўскіх разьбяных варот і ліштв падчас экскурсіі па гораду «Ветка: Горад-Дом-Міф»;
- успомніць мілыя сэрцу разьбяныя кветнікі Веткі і даведацца, дзе ж знаходзіўся Манастырскі завулак, пры дапамозе «Карты-ўспаміна» і праекта «ART-забор «W»;
- знайсці і вярнуць для Веткі знакаміты драўляны разны церамок;
- адкрыць ART-прастору «Музейны дворык»;
- падзівіцца работам юных веткаўчан на выставе «Ветка — жыццё, шчасце, Радзіма мая!»;
- атрымаць асалоду ад гукаў сярэднявечнай музыкі і танцаў з групай «Karamor» і школай танцаў «Бельфіорэ»;
- патанчыць ад душы пад рытмы традыцыйнага гармоніка пад кіраўніцтвам «Школкі бытавога танца».
ПРАГРАМА:
Назва дзеі | Час | Месца |
Квэст «Шляхамі Шклярава» | 09:00, 12:00, 15:00, 18:00 | Экспазіцыя Веткаўскага музея, Красная плошча, 5 |
Пешаходная экскурсія «Ветка: Горад-Дом-Міф» | 15:00 | Вуліцы г. Веткі |
Прэзентацыя праекта «АRT-забор «W» | 16:00 | Завулак Першамайскі (Манастырскі) |
Прэзентацыя праекта «Пошли на теремок смотреть» | 16:30 | Вул. Кавалёва, былы дом Ф. Шклярава |
Адкрыццё прасторы «Музейны дворык» Выступ гурта «Karamor» і школы танцаў «Бельфіорэ» | 17:30 | Веткаўскі музей |
Узнагароджванне удзельнікаў конкурса малюнкаў «Ветка — жыццё, шчасце, Радзіма мая» | 18:00 | Веткаўскі музей, Красная плошча, 5 |
Танцавальная этна-вечарына «Гармонія» ад «Школкі бытавога танца» | 18:30 | Веткаўскі музей, Красная плошча, 5 |