11 сакавіка сябры Студэнцкага этнаграфічнага таварыства прэзентавалі ў Мінску выданне "Бісерапляценне ў беларускай традыцыі". Гэта спроба аўтара кнігі Веры Пярмінавай абагульніць веды па гісторыі бісеру ў Беларусі, бытаванні ў сферы дэкаратыўна-прыкладнога мастацтва, а таксама тэхналогіі вырабу "кружкі" - традыцыйнага шыйнага ўпрыгожання Гомельшчыны.
Шмат увагі надаецца ў кнізе і шыйнаму ўпрыгожанню з Веткаўшчыны - неглюбскай "гарлячцы". У выданні былі выкарыстаны фотаздымкі з фондаў Веткаўскага музея. Акрамя таго, фота з нашых фондаў дэманстраваліся ў галерэі Мінскага абласнога цэнтра народнай творчасці, дзе праходзіла прэзентацыя.