У суботу 11 лютага адбудзецца майстар-клас па лепцы з гліны!

Тэма заняткаў вольная. Вы самі абярэце, што вам зляпіць: кубак, талерку, упрыгожванне ці штосьці іншае!

Узрост: ад 12 год.

Абавязковы папярэдні запіс па тэлефоне +375(232)509698 і перадаплата ў філіяле музея да пятніцы (уключна).

Кошт удзелу: 10 BYN*
*Усе матэрыялы прадастаўляюцца музеем.
 Пры жаданні, свой выраб можна абпаліць у спецыяльнай печы (+3 BYN - аплачваецца наяўнымі майстру).

Пажадана ўзяць з сабой спецыяльны фартух або зменную вопратку (якую нястрашна запэцкаць), і заколку, каб прыбраць доўгія валасы.

Па заканчэнні майстар-класа важна будзе сфатаграфаваць свой выраб - каб памылкова не забраць чужое.

Час правядзення: 11.02 (субота), 11:00.

Месца правядзення: філіял Веткаўскага музея. Гомель, пл. Леніна, 4 (парк, за саборам Пятра і Паўла).

Тэлефон для запісу і даведак: +375(232)509698 (з 9:30 да 18:00).