Сябры!

У суботу 17 снежня ў 16:00 запрашаем усіх кінаманаў ды проста ахвочых даведацца больш пра свае традыцыі да нас у кінаклуб “ЭТНАфільМЫ”!

У гэты перадсвяточны час мы хочам прапанаваць вам паглядзець цудоўныя дакументальныя фільмы пра калядныя традыцыі нашых продкаў-беларусаў.

Фільм "Крывыя вечары" (1993 года), які здымаўся ў вёсках Палесся і Паазер’я, апавядзе, уласна, што за цікавыя вечары ладзілі нашы продкі, і чаму яны называліся крывымі.

Яшчэ адна караценькая кінастужка - "Палескія калядкі" (1972 года). Па назве гэтага фільма адразу зразумела, пра што ідзе гаворка. У гэтай стужцы здымаліся жыхары палескіх вёсак Тонеж і Глушкавічы (Лельчыцкі р-н), Клятная (Пінскі р-н), Моталь і Тышкавічы (Іванаўскі р-н).

А таксама, напрыканцы, каб дадаць яшчэ больш святочнага настрою, пакажам вельмі стары навагодні мультфільм, які вы, хутчэй за ўсё, не бачылі.

Пасля прагляду за кубкам духмянай гарбаты абмяркуем пабачанае.

Калі: 17.12 (субота) у 16:00.
Працягласць: каля гадзіны.

Месца правядзення: філіял Веткаўскага музея, г. Гомель, плошча Леніна, 4 (парк, за саборам Пятра і Паўла).

Кошт: 3 BYN.

Тэлефон філіяла: +375(232)509698.

* На фота кадр з кіно "Палескія калядкі".